Legenda Incurtzaduras | Legenda Sìmbulos

afrigiméntu , nm Definitzione su èssere o istare afrigidos Sinònimos e contràrios abbatimentu, acoradura, aflissione, pesari, scoramentu, triltura Ètimu srd. Tradutziones Frantzesu accablement, abattement Ingresu dejection Ispagnolu postración, desánimo Italianu abbattiménto Tedescu Niedergeschlagenheit.

arrematàda , nf Definitzione su si arrematare, su si calare chentza fortzas, cicios Sinònimos e contràrios arrematu, tzédida Ètimu srd. Tradutziones Frantzesu affaissement, épuisement Ingresu prostration Ispagnolu abatimiento Italianu accasciaménto Tedescu Niedergeschlagenheit.

depressiòne , nf Definitzione pressione bàscia, paga, foedhandho de tempus; farta grave de gana, nau de gente chi si est pérdia meda de ànimu o chi no tenet prus coràgiu o fortza de parare fronte a is dificurtades fintzes de pagu contu Sinònimos e contràrios abbatimentu, afrigimentu, scoramentu, sprestocadura, triltura Tradutziones Frantzesu dépression, mélancolie Ingresu depression Ispagnolu depresión Italianu depressióne Tedescu Tiefdruck, Depression, Niedergeschlagenheit, Schwermut.

ispóru , nm Definitzione mancamentu o farta de coràgiu, de ibertu, genia de isarcu malu, a s'apretu, de no pòdere arrennèscere in calecuna cosa Sinònimos e contràrios dirrenu, disisperu, isalcu, isporamentu, scoramentu Frases sa soledade m'imbelat sas pupias chin tadharanos de isporu ◊ làcrimas de isporu in pupias de àstragu nighedhu murghendhe est su dolore ◊ dae intzidu e ispera pro no tzèdere a s'isporu! Ètimu srd. Tradutziones Frantzesu démoralisation, abattement, découragement, consternation Ingresu demoralization, dejection, dismay Ispagnolu desaliento, desánimo Italianu demoralizzazióne, scoraménto, costernazióne Tedescu Entmutigung, Niedergeschlagenheit.

scoraméntu , nm: iscoramentu* Definitzione su scorai; dispraxere e isarcu mannu Sinònimos e contràrios abbatimentu, acoradura, afrigimentu, pesari, triltura / isalcu Frases candu at biu ca su tretu de fai fiat mannu meda ndi dhi fiat bénniu unu scoramentu mannu, dhi pariat ca no nci dha podiat fai ◊ candu si bit ca fintzas chini est capassu no fait su chi podit si aberrit sa bia de su scoramentu Tradutziones Frantzesu affliction Ingresu grief Ispagnolu aflicción, postración Italianu accoraménto, abbattiménto Tedescu Niedergeschlagenheit, Gram, Schwermut.

«« Torra a chircare