A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

chisúra , nf Definition su bochíere Synonyms e antonyms bochidorju, bochidura, bochimentu, ochisura* Sentences a cúrrere bi cheret brussu frimmu e s'arte de no lòmpere a chisura… Translations French meurtre English killing Spanish el matar Italian uccisióne German Tötung.

chisúra 1 cesúra

chíta chída

chíta 1 , nf Definition genia, calidade de calecuna cosa Synonyms e antonyms arratza Sentences chitas de coros solitàrios ◊ una chita de nanos.

chitacói , cng Definition si cumbinat… si capitat… Synonyms e antonyms chimitacoi Sentences non m’ibetes: chitacoi begno ti muto innanti.

chitàda , nf Definition su chitai, chitire, su aparigiare, pagare o perdonare unu dépidu Synonyms e antonyms pedronu Sentences pro fàchere sa chitada bastat chi unu lessat rúghere su deretu suo ◊ a s’acabbu de cada sete annos, in su tempus de s’annu de sa chitada, depes lèzere custa leze in dainnantis de totu Israele! (Bb) Etymon srd.

chitài chidàre

chitài 1 , vrb Synonyms e antonyms controire, preubbire Etymon spn. quitar Translations French empêcher English to prevent Spanish impedir Italian impedire German hindern.

chitajólu , agt Definition de una chida, chi durat una chida Sentences sas istacas chitajolas sont de sas prus mannas, pro bi pònnere pane de poter bastare una chita a pessone Etymon srd. Translations French hebdomadaire English weekly Spanish semanal Italian settimanale German wöchentlich.

chitàle , nm Definition sa chíntzula de sa gunnedha Synonyms e antonyms chíntula Etymon srd.

chitànu chiciànu

chitàre chidàre

chitàre 1 , vrb: achidare* Definition fàere a chida chida, giare su càmbiu in su trebballu s'unu a s'àteru, a sa chida.

chitarràda , nf Definition sonada a chitarra Etymon srd.

chitarrèdha , nf Definition sonete a manu; su pl. una genia de chibudhita areste o cibudha de colorus.

chitarréri , nm: ghitarreri Definition chie sonat sa chitarra Synonyms e antonyms chiterrista.

chitèrra , nf: ghitarra Definition aina po sonare fata coment'e a càscia buida de linna cun d-un’istampa manna in mesu e una màniga cun sete cordas in pitzu bene tiradas chi si faent sonare tocandhodhas a ispitzuladura e lassandhodhas andhare a cropu / cantare a sa chitarrina = a chiterra, fàghere su càntigu (bi ndh'at de zenias diferentes, es. a sa nuoresa) a boghe isparta e cun s'acumpanzamentu de sa chiterra; chitarra sarda = sa chi at imbentadu Pàulu Àngeli, a 18 cordas, una genia de orchestra Sentences cantas notes, compà, amus bizadu fatendhe serenadas a chiterra!…◊ a sa festa bi ant batidu cantadores a chiterra Scientific Terminology sjl Etymon ctl. guiterra Translations French guitare English guitar Spanish guitarra Italian chitarra German Gitarre.

chiterràju , agt, nm Definition chi o chie faet chitarras Etymon srd.

chiterrísta , nm Definition chie sonat sa chitarra Synonyms e antonyms chitarreri.

chitídu , pps, agt Definition de chitire Sentences sas dies sunt finidas, sas oras sunt contadas, totu sas suferéntzias chitidas Translations French réglé, acquitté English paid Spanish saldado Italian saldato, pareggiato German beglichen.