A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

chisterràre , vrb Definition betare o orrúere in logu fungudu, in d-un'ispéntimu o iscrébigu Synonyms e antonyms ispantumare Etymon srd.

chistérru chistèrra

chistidòre , nm Synonyms e antonyms bàrdia, bardiadore, guàldia, miradori Etymon srd.

chistídu , pps, agt: chistiu Definition de chistire Synonyms e antonyms allogau, apartadu, costoidu | ctr. frundhidu, fuliadu 2. che un'ílighe fritida ritzo mudu, cun ràbbia chistida, totas sas iras de su temporale (A.Casula) 3. intendhas sas santas pregarias de massàgios, pastores e de mammas ninnadoras, allutas che fiammas in sas bidhas desertas e chistias (A.Casula).

chistidúra , nf Definition su chistire, mescamente nau de sa manera de chistire Synonyms e antonyms allogamentu, chistinzu, costoimentu.

chistíe , vrb: achistiri, chistire, chistiri Definition arregòllere e pònnere a parte sa cosa po dha tènnere, po si ndhe serbire àtera borta, candho tocat o serbit de prus; pigare; castiare, tènnere contu / chistire una ferramenta, dinare, sèmenes e àteru Synonyms e antonyms acoglire, acuae, aggolostire, aggordai, allogae, arremai 1, arremonire, arribbare 1, asserbare, coltoire*, golloire / contifizare / frànghere | ctr. foliare, frundhire, lassai Sentences de su tempus passau dhue at cosas chi depeus chistie ◊ chistias in su coro su segretu ◊ sa ruge mia comente est mi la chisto ◊ seu chistendi custus sèminis po fai una tuledha de pranteri ◊ custu fut un'orfonedhu chi dh'iat chistiu un'ómini ◊ e ite naras, ca aus coidau a chistie su fusile a codhu!◊ sa piciochedha chistit in manos su giornale e cumènciat a lixe ◊ sa pimpiralla ndi dha chistint is cruculeus 2. soe in fidea de li torrare sas tràvilas, chi si las chistat su pastore! ◊ un'ómini at postu unu piciochedhu a dhi chistiri is molentis ◊ chístimi duas figos! ◊ chisti su dinari! ◊ in sa domo b'istavat solu una vetza pro chistire su locu 3. chisti sa munnedha ca est tochendhe in terra! Translations French conserver, garder English to keep Spanish guardar, conservar Italian conservare German bewahren.

chistínzu , nm Definition su chistire Synonyms e antonyms allogamentu, chistidura, costoimentu Etymon srd.

chistionàda , nf Definition su chistionare, manera de chistionare Synonyms e antonyms arrallada, arrejonada, chistionadura, chistionu Sentences arratza de chistionada, sa tua: l'as tue, sa curpa, e ti daes resones puru! 2. nos semus àpidos paris e nos amus fatu una bella chistionada Etymon srd. Translations French raisonnement, propos English reasoning Spanish razonamiento, discurso Italian ragionaménto, discórso German Gedankengang, Rede.

chistionadúra , nf Definition su chistionare, manera de chistionare Synonyms e antonyms chistionada Sentences depit chistionai a Libbóriu… E poita custa chistionadura? Etymon srd.

chistionài chiltionàre

chistionajólu , agt: chistionaxolu Definition chi foedhat, chi chistionat, dhi praghet a chistionare Sentences unu papagallu chi bi aiat in carrela fit s'alliu de sa zente, ca fit chistionaxolu (G.B.Fressura) Etymon srd.

chistionàre, chistionàri chiltionàre

chistionàrzu , agt, nm Definition chi o chie faet sa bodheta, foedhandho de s'unu e de s'àteru po cosas chi no dh'important, a brétiu Synonyms e antonyms allegàrgiu, chistionistu, contulàgliu, crastuleri, foxileri Sentences duos chi s'istimànt e si chistionànt timiant a dhos bíede ca sas limbas orrofianas, sas chistionarzas, iscoviànt (L.Pisano) Etymon srd.

chistionàu , pps, agt Definition de chistionare; chi dh'ant chistionau Synonyms e antonyms aperauladu, faedhadu Idioms csn: èssere bene chistionau = bene faedhadu, educadu; èssere chistionau = chi est in sensos, atuadu, chi no iscantonat chistionendhe mancari siat betzu 2. isse, ca fit chistionadu, ischiat comente depiat nàrrere a sa dimandha ◊ mannoi teniat chent'annos, ma fiat chistionau e tzaiat cossitzos bonos.

chistionaxólu chistionajólu

chistiòne, chistiòni chestiòne

chistionístu , agt, nm Definition chi o chie faet sa bodheta, foedhandho de s'unu e de s'àteru po cosas chi no dh'important, a brétiu Synonyms e antonyms chistionarzu, contulàgliu, crastuleri, foxileri Sentences tzia Lica est fémina chistionista e cricat de che tirare sa sustàntzia a custos isposos a cua! Etymon srd.

chistiónu , nm Definition totu su chi si narat de una chistione, de un'argumentu, mescamente foedhandho s'unu cun s'àteru; su istare foedhandho de calecuna cosa Synonyms e antonyms alleca, allegonzu, arragionu, cuntrastu, narinzu, negóssiu Idioms csn: zúghere una cosa in c. = fuedhai de una cosa; intrare in c. cun d-unu = fuedhai, chistionai de ccn. cosa cun d-unu, leare chistionu; bènnere a chistionu = agatàresi paris a chistionare Sentences za l'apo intesa cuss'allega ca la zughiant in chistionu in domo de Bodale ◊ mi mintiat pore su chistionu a cuscusinu de cristianos chi no bidia 2. candho sunt paris istant semper a chistionu: ndhe agatant cosas de nàrrere!…◊ goi e goi, semus intrados in chistionu cun Fulanu ◊ isse no fuit a primma cun megus: fuit solu chi no benimis a chistionu Etymon srd. Translations French conversation, argument English talking Spanish conversación, discurso, asunto, tema Italian conversazióne, dïàlogo, discórso, argoménto German Gespräch, Rede.

chistíre, chistíri chistíe

chistúra , nf Definition su chistire / mala c. = afare irballadu, de bi pèrdere; essírenne in malas chisturas = rispòndhere pala pala, costa costa, no rispòndhere a tonu Synonyms e antonyms chistinzu, costoimentu Sentences cussu est fualiannonne su dinare in malas chisturas! Etymon srd.