Ditzionàriu in línia
de sa limba e de sa cultura sarda

cumpartidúra , nf Definition su cumpartire o ispartzire; parte de unu territóriu cun sa gente chi dhue istat distinta po calecunu bisóngiu de amministratzione; parte de unu trebballu, de un'istúdiu, po comente est cuncordau o intrau apare o ispartziu Synonyms e antonyms cumpaltimentu, ispartidura Etymon srd. Translations French articulation English distribution, distribution Spanish reparto, compartimiento Italian articolazióne German Gliederung.

cumpartimentàle , agt Definition de unu cumpartimentu, chi pertocat unu cumpartimentu, nau de sa cumpartidura de un'organizatzione, de un'azienda, de un'amministratzione.

cumpartiméntu , nm Definition cumpartidura de un'organizatzione, de un'azienda, de un'amministratzione, sa parte chi currespondhet a o chi si agatat in d-unu logu distintu Translations French compartiment English compartment Spanish compartimiento Italian compartiménto German Abteilung.

cumpartíre, cumpartíri cumpaltíre

cumpàrtu , pps Definition de cumpàrrere Synonyms e antonyms cumpàrfidu, cumpàssidu | ctr. isparéssiu.

cumpartzidúra , nf Definition su cumpartire una cosa, su la fàghere in partes Translations French subdivision English subdivision, distribution Spanish reparto Italian suddivisióne, distribuzióne German Teilung, Verteilung.

cumpartzíri cumpaltíre

cumpasciòne , nf: cumpassione, cumpassioni Definition ammodhigamentu de coro, sentidu chi si proat pro sa suferéntzia de un'àteru, paríndhendhe male Synonyms e antonyms dolentia, dolu, làstima, piaidade Sentences tue puru ndhe as cumpassione ca so in bator muros inserradu innotzente coment'e un'anzone? (P.Cherchi)◊ a chie no det fàghere cumpassione su bos mirare in tanta aflissione?!◊ tene cumpascione de mene! ◊ castigadhu sentza cumpassioni! Etymon itl. compassione.

cumpassàda , nf Definition abbaidada a sa lestra Synonyms e antonyms castiada, annotada, mirada, ocrada.

cumpassài , vrb Definition misurare a cumpassu.

cumpassàre , vrb Definition istare, passare, tènnere unu modu de istare: cumpassaresila bene, male; fintzes annotare, abbaidare e cunsiderare cun ammiru, pentzare; a logos fintzes avitare sa cosa, portare sa cosa a régula, chentza ndhe perdimentare Synonyms e antonyms palmizare 2. a Masaledhu si l'at cumpassadu, però l'at rispetadu ◊ paret chi su pitzinnu si est cumpassanne su chelu, ma no l'importat de istedhos, de arcu ’e chelu, de sa die e de sa note ◊ tziu Màuru est in sa corte cumpassàndhesi donni cosa Etymon itl. compassare Translations French contempler English to admire Spanish contemplar Italian contemplare German betrachten.

cumpassàtu , agt Definition nau de sa manera de si cumportare, de unu, chi faet su sériu, chi no est esagerau, chi dhue pentzat bene innanti de fàere sa cosa, innanti de arrespòndhere Synonyms e antonyms abbilantzau | ctr. malammodidu / conchedha Translations French ponderé, réfléchi, balancé, équilibré English circumspect Spanish ponderado, mesurado Italian ponderato, equilibrato German besonnen.

cumpàssia, cumpàssida cumpàrfida

cumpàssidu , pps: cumpàssiu Definition de cumpàrrere Synonyms e antonyms cumpàrfidu, cumpartu | ctr. sparéssiu Translations French paru English appeared Spanish aparecido Italian comparso German aufgetreten.

cumpassionài , vrb: acumpassionai Definition àere o tènnere cumpassione, dolu, lastimare a unu Synonyms e antonyms lastimai Sentences cumpassionaiosí de is penas insoru! Etymon srd.

cumpassiòne, cumpassiòni cumpasciòne

cumpassionósu , agt Definition chi tenet cumpassione de s'àteru, chi dhu tenet de naturale a cricare de cumprèndhere su bisóngiu de s'àteru Synonyms e antonyms cumpassivu, piadosu | ctr. coritostu Scientific Terminology ntl.

cumpàssiu cumpàssidu

cumpassívu , agt Definition corimodhe, chi est de coro modhe, chi sentit làstima, chi tenet dolu, cumpassione de s'àteru, chi dhu tenet de naturale a cricare de cumprèndhere su bisóngiu de s'àteru Synonyms e antonyms boniacu, corosu, cumpassionosu, feritzosu, lastimosu, piadosu, piaidadosu, tiernu | ctr. coritostu Sentences sendhe dura, mi as fatu cumpassiva: cudhu chi no creias as logradu ◊ Deus est cumpassivu chin su pecatore Scientific Terminology ntl Translations French indulgent, compatissant, compréhensif English indulgent, pitiful, sympathetic Spanish indulgente, comprensivo Italian indulgènte, clemènte, comprensivo German nachsichtig, mitleidig.

cumpàssu , nm Definition aina chi serbit a singiare cricos ponendho firma una punta e movendho a inghíriu s'àtera (chi, istesiada unu tanti, iscriet o faet una línia tundha, sa circunferéntzia)/ partes de unu cumpassu: sa conca o butoni, is cambas (cun is puntas, sa chi firmat – e faet de centru – e sa chi iscriet) Synonyms e antonyms iscumpassu Idioms csn: mesurai is fuedhus a cumpassu = pessarebbei bene innantis de faedhare; a cumpassu de (carchi cosa) = a cufromma de… Scientific Terminology ans.