A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cumpartidúra , nf Definitzione su cumpartire o ispartzire; parte de unu territóriu cun sa gente chi dhue istat distinta po calecunu bisóngiu de amministratzione; parte de unu trebballu, de un'istúdiu, po comente est cuncordau o intrau apare o ispartziu Sinònimos e contràrios cumpaltimentu, ispartidura Ètimu srd. Tradutziones Frantzesu articulation Ingresu distribution, distribution Ispagnolu reparto, compartimiento Italianu articolazióne Tedescu Gliederung.

cumpartimentàle , agt Definitzione de unu cumpartimentu, chi pertocat unu cumpartimentu, nau de sa cumpartidura de un'organizatzione, de un'azienda, de un'amministratzione.

cumpartiméntu , nm Definitzione cumpartidura de un'organizatzione, de un'azienda, de un'amministratzione, sa parte chi currespondhet a o chi si agatat in d-unu logu distintu Tradutziones Frantzesu compartiment Ingresu compartment Ispagnolu compartimiento Italianu compartiménto Tedescu Abteilung.

cumpartíre, cumpartíri cumpaltíre

cumpàrtu , pps Definitzione de cumpàrrere Sinònimos e contràrios cumpàrfidu, cumpàssidu | ctr. isparéssiu.

cumpartzidúra , nf Definitzione su cumpartire una cosa, su la fàghere in partes Tradutziones Frantzesu subdivision Ingresu subdivision, distribution Ispagnolu reparto Italianu suddivisióne, distribuzióne Tedescu Teilung, Verteilung.

cumpartzíri cumpaltíre

cumpasciòne , nf: cumpassione, cumpassioni Definitzione ammodhigamentu de coro, sentidu chi si proat pro sa suferéntzia de un'àteru, paríndhendhe male Sinònimos e contràrios dolentia, dolu, làstima, piaidade Frases tue puru ndhe as cumpassione ca so in bator muros inserradu innotzente coment'e un'anzone? (P.Cherchi)◊ a chie no det fàghere cumpassione su bos mirare in tanta aflissione?!◊ tene cumpascione de mene! ◊ castigadhu sentza cumpassioni! Ètimu itl. compassione.

cumpassàda , nf Definitzione abbaidada a sa lestra Sinònimos e contràrios castiada, annotada, mirada, ocrada.

cumpassài , vrb Definitzione misurare a cumpassu.

cumpassàre , vrb Definitzione istare, passare, tènnere unu modu de istare: cumpassaresila bene, male; fintzes annotare, abbaidare e cunsiderare cun ammiru, pentzare; a logos fintzes avitare sa cosa, portare sa cosa a régula, chentza ndhe perdimentare Sinònimos e contràrios palmizare 2. a Masaledhu si l'at cumpassadu, però l'at rispetadu ◊ paret chi su pitzinnu si est cumpassanne su chelu, ma no l'importat de istedhos, de arcu ’e chelu, de sa die e de sa note ◊ tziu Màuru est in sa corte cumpassàndhesi donni cosa Ètimu itl. compassare Tradutziones Frantzesu contempler Ingresu to admire Ispagnolu contemplar Italianu contemplare Tedescu betrachten.

cumpassàtu , agt Definitzione nau de sa manera de si cumportare, de unu, chi faet su sériu, chi no est esagerau, chi dhue pentzat bene innanti de fàere sa cosa, innanti de arrespòndhere Sinònimos e contràrios abbilantzau | ctr. malammodidu / conchedha Tradutziones Frantzesu ponderé, réfléchi, balancé, équilibré Ingresu circumspect Ispagnolu ponderado, mesurado Italianu ponderato, equilibrato Tedescu besonnen.

cumpàssia, cumpàssida cumpàrfida

cumpàssidu , pps: cumpàssiu Definitzione de cumpàrrere Sinònimos e contràrios cumpàrfidu, cumpartu | ctr. sparéssiu Tradutziones Frantzesu paru Ingresu appeared Ispagnolu aparecido Italianu comparso Tedescu aufgetreten.

cumpassionài , vrb: acumpassionai Definitzione àere o tènnere cumpassione, dolu, lastimare a unu Sinònimos e contràrios lastimai Frases cumpassionaiosí de is penas insoru! Ètimu srd.

cumpassiòne, cumpassiòni cumpasciòne

cumpassionósu , agt Definitzione chi tenet cumpassione de s'àteru, chi dhu tenet de naturale a cricare de cumprèndhere su bisóngiu de s'àteru Sinònimos e contràrios cumpassivu, piadosu | ctr. coritostu Terminologia iscientìfica ntl.

cumpàssiu cumpàssidu

cumpassívu , agt Definitzione corimodhe, chi est de coro modhe, chi sentit làstima, chi tenet dolu, cumpassione de s'àteru, chi dhu tenet de naturale a cricare de cumprèndhere su bisóngiu de s'àteru Sinònimos e contràrios boniacu, corosu, cumpassionosu, feritzosu, lastimosu, piadosu, piaidadosu, tiernu | ctr. coritostu Frases sendhe dura, mi as fatu cumpassiva: cudhu chi no creias as logradu ◊ Deus est cumpassivu chin su pecatore Terminologia iscientìfica ntl Tradutziones Frantzesu indulgent, compatissant, compréhensif Ingresu indulgent, pitiful, sympathetic Ispagnolu indulgente, comprensivo Italianu indulgènte, clemènte, comprensivo Tedescu nachsichtig, mitleidig.

cumpàssu , nm Definitzione aina chi serbit a singiare cricos ponendho firma una punta e movendho a inghíriu s'àtera (chi, istesiada unu tanti, iscriet o faet una línia tundha, sa circunferéntzia)/ partes de unu cumpassu: sa conca o butoni, is cambas (cun is puntas, sa chi firmat – e faet de centru – e sa chi iscriet) Sinònimos e contràrios iscumpassu Maneras de nàrrere csn: mesurai is fuedhus a cumpassu = pessarebbei bene innantis de faedhare; a cumpassu de (carchi cosa) = a cufromma de… Terminologia iscientìfica ans.