A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

drucàja , nf Definition sa maista chi faet is druches Synonyms e antonyms durchera Scientific Terminology prf.

drucànu , agt Definition chi est unu pagu druche, ma nau fintzes de gente in su sensu de bambioca, pagu sàbia Synonyms e antonyms druciatzu, druconzu, durcorosu / bambarru, isàpidu 2. drucana coment'est, issa potet nàrrere cussu e àteru.

drúce , agt, nm: druche, druchi, druci, drussi, drutzi, dulche, dulci, durce, durche, durci, durtze Definition genia de sabore che a su chi tenet su tzúcuru, ma si narat fintzes de papare unu pagu bambu; cosa a papare fata cun tzúcuru o mele; foedhandho de sentidos, o àteras cosas chi no podent tènnere sabore ma un'idea de bonu, praghillosa, si narat prus che àteru dulce, dultze (in poesia, ma no in su foedhare ordinàriu) Synonyms e antonyms dulle, gulce | ctr. maricosu, rànchidu / sabiu Idioms csn: dulcis de acotza = cussus chi si faint cun sa forma e benint imbodhiaus cun sa pasta de tzúcuru e sa gomma, cun su prenimentu de méndula; ómini dulci de sali = bambiocu, de pagu zudíssiu; ómini de àcua dulci = bucamindotu, creijolu; abba durche = abba de funtana, de riu, de lagu, projana, chi zughet pagos sales e mescamente pagu cloruru de sódiu (ctr. abba salida, de mare) Sentences sa figu est dulci dulci ◊ comente est durche su mele ti siat durche sa vida! ◊ de cantu est durtze est fintzas isàpidu 2. ant fatu sos durches pro s'isposonzu ◊ apustis manigadu ant bogadu sos durches ◊ afentzandhe cudhos drutzis si dhos papaiat cuntentu ◊ sas pitzocas si funt postas a fàere pane e drutzis Surnames and Proverbs prb: a s'istògomo est durche su chi est ràntzigu a buca Scientific Terminology sbr Etymon ltn. dulce(m) Translations French doux, gâteaux English sweet, sweetmeat Spanish dulce, dulces Italian dólce, dolciume German süß, Süßspeise, Süße.

drucéri , nm: drutzeri, durcheri Definition (f. -a) maistu chi faet druches Synonyms e antonyms ofelleri Scientific Terminology prf Etymon srd. Translations French pâtissier English confectioner Spanish pastelero, repostero Italian pasticcière German Feinbäcker, Konditor.

drucería , nf: drutzeria, durcaria, durcheria, durtzeria Definition is druches Sentences chin sa méndhula issa fachet durcarias ◊ sunt faghindhe sa durcheria pro s'isposonzu ◊ at una manuza fatendhe sa durcheria chi est un'ispantu! ◊ no est a si prènnere de drutzeria, ca poi no chenaus! Scientific Terminology mng Etymon srd. Translations French friandises, gâteaux English sweets Spanish repostería Italian dolciumi German Süßigkeiten (Pl.).

drúche drúce

druchèsa , nf: dulchesa Synonyms e antonyms druciori, drucura.

druchesàu , agt Definition chi est de colore asulu cotu, biaitu Synonyms e antonyms biaitu Sentences sa mama iat lassau su pipiu dormiu in su brasciollu e candho est torrada dh'at agatau druchesau e ispramau de su prantu (I.Patta)◊ sa maista portat sa camisa bianca e unu sopràbbitu druchesau ◊ cussus si funt callentaus bèni a corpus, funt totu iscarràfius e búngius druchesaus!

drúchi drúce

druchilmentàdu, druchimmentàdu , agt: durchirmentadu Definition nau de cosa de papare, chi est druche meda Synonyms e antonyms irdurchirmentadu Etymon srd.

drúci drúce

druciàngiu , agt Definition chi est unu pagu druche Synonyms e antonyms druconzu, durciànciu | ctr. marigosatzu, ranchitzu Etymon srd. Translations French douceâtre English sweetish Spanish dulzón Italian dolcigno German süßlich

druciàtzu , agt Definition chi est unu pagu druche Synonyms e antonyms drucanu, druconzu, durcorosu | ctr. ranchitzu Scientific Terminology sbr Etymon srd.

druciòri , nm: drucore, dulciori, dulcore, dultzore, durchiore, durciori, durcore, dúrtzòre Definition su èssere druche de una cosa; su pràghere, sentidu de praxere Synonyms e antonyms drucura | ctr. maricosore, ranchidore Sentences sa die chi ant iscuponau, su binu zughiat unu durchiore forte 2. custu durciori e marigosori impari est s'insonada de fundu de sa trassa sua ◊ candho ti pesso morzo de durcore! Etymon itl. dolzore Translations French saveur sucrée English sweetness Spanish dulzura Italian dolciura German Süßigkeit.

druciósu , agt Definition chi est coment'e druche, praghillosu, prus che àteru nau de unu fàere Sentences si acostat e dhu càstiat cun ogus druciosus de mebi comenti isceti issa podit fai (G.P.Salaris).

drucónzu , agt Definition chi est unu pagu druche Synonyms e antonyms drucanu, druciatzu, durciànciu, durcorosu / cdh. dulciali | ctr. marigosatzu, ranchitzu Scientific Terminology sbr Etymon srd. Translations French douceâtre English sweetish Spanish dulzón Italian dolciastro German süßlich.

drucòre druciòri

drucúra , nf: dulciura, dulcura, durciura, durcura, dultzura Definition su èssere druche de una cosa, su sabore druche e fintzes sa cosa druche, is druches chi si faent po papare; tratamentu chi praghet, su bonu fàere chi giaet cuntentesa, sa cuntentesa etotu Synonyms e antonyms druchesa, druciori / druce / contentu | ctr. marigosori, ranchidore / amalgura Sentences est che abe atacada a sa drucura ◊ de durcura no ndhe tenet, custu frutuàriu ◊ tra chiriasa e fémina interessat su colore piús de sa dultzura ◊ sa mama est totu dulcura e amore chin sos fizos 2. at fatu sas durcuras pro Pasca: casadinas e pitzinnedhas de obu ◊ s’abe che essit dae su moju pro carrare sa dultzura 3. in dultzura si giambat dogni fele ◊ mi ant prenadu su coro de durcuras ◊ bola columba de paghe, dulcura gighe a sos coros! (S.Bertulu)◊ ti apo acollidu che amigu atzetendhe durcuras e carinnos ◊ sorti e dultzuras no si ammanchit mai! Etymon srd. Translations French douceur English sweetness Spanish dulzura Italian dolcézza German Süße.

druèba , nf Definition genia de mata manna (si ndhe agatat pagas) chi faet linna forte, bona, de òpera, e bogat unu frutighedhu tundhu (upm), de sa mannària de unu pirastedhu, totu sèmene, a apicones piticos de deghe o bíndhighi, bonu a papare candho est fatu (no bastat chi siat lómpiu: si est crefu, e ancora tostau, arreschet in su gúturu) Synonyms e antonyms sorba, suerva*, supelva, supurva, trueba Scientific Terminology mtr, lno, Sorbus domestica.

druécu , nm Definition su tretu de sa carena suta de su bruncu de su codhu, tra su bratzu e su costàgiu Synonyms e antonyms sircu, sorbicu, subacani, subercu 1* Scientific Terminology crn.