A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

fricàda friàda

fricadórju , nm: frigadolzu, frigadroxu Definition tzàpulu o àteru po frigare pingiadas, pratos o cosas deasi Synonyms e antonyms isfrigàtzulu Sentences po isciacuai bèni cussa pingiada aici bruta tocat a pigai unu frigadroxu Etymon srd.

fricajólu , nm Definition (f. -a) chie andhat a fricare su lestínchinu, a dh’arregòllere passandho is pódhighes in is cambos faendhodhu orrúere a un'istrégiu Synonyms e antonyms lestinchineri Sentences sas fricajolas sunt fatu de sas tupas Etymon srd.

fricandóu , nm Definition genia de papare de petza Sentences s'at fatu portai unu fricandou de perdixis Scientific Terminology mng.

fricàre friài

fricassàda, fricassàdu , nf, nm: frigassada Definition genia de papare, petza cota a cassola cun birdura, bagna e àteru Scientific Terminology mng Translations French fricassée English fricassee Spanish fricasé Italian fricassè German Frikassee.

fricassài fragassàre

fricassàre , vrb Synonyms e antonyms afrigongiai, carasiai, friai, frigatzare, ifricatzare, scrovinai, sfrigongiai.

fricàssu fracàssu

fricatziòne , nf: frigassione, frigassioni, frigatzioni Definition su frigare calecuna cosa prus che àteru a un’arremu, in sa carena / fricatzione de ischina (in suspu) = corpos, fae a rampu, surra Synonyms e antonyms cariada, cariadura Sentences in sa carre lenta bi cheret una frigassione de ozuermanu tébiu, timanza e giara de ou 2. preparàdebbos sas palas a sas frigassiones de s'ozastru! Translations French friction English massage Spanish fricción Italian frizióne German Einreibung, Friktion.

frichíghine , nm Definition su istare firchinendhe, segandho cosa a piticu a piticu, fintzes sa moida chi si faet, firchinamentu Synonyms e antonyms firchinonzu Etymon srd.

frichíle , nm: begrile, vicile Definition acorru po is bigos Synonyms e antonyms bijarzu.

fríchina fírchina

frichinàre filchinàre

frichinàtza, frichinàza , nf Definition cosa firchinada, arrogalledha, farinos Synonyms e antonyms acantu 1, arrogu, biculaza, bículu, cífrinu, fafaruza, figrinu, filchinida, fírchina, fuifunida, pimpirida Sentences canno at mannicatu s’at iscutinatu cantedhos de frichinatza de pane chi giuchiat in petorras Etymon srd.

frichingiài , vrb Definition coment'e prànghere a imbérriu, a vítziu, istare a su pranghe pranghe chentza gana Synonyms e antonyms nitzulare, princhiai Sentences "Meu!" chi est "meu!": ita tenit de frichingiai cussu pisitu?

frichingiósu , agt Definition chi istat a frichíngiu Synonyms e antonyms piantinosu, pibinosu Sentences su gatu méulat druci e frichingiosu acoment'e pipiedhu chi bolit a dhi fai fallústias Etymon srd.

frichíngiu , nm Definition genia de prantu chentza gana, a imbérriu, a vítziu, tanti po cricare s'atentzione de s'àteru; genia de sonu chi faet sa chígula cantandho Sentences sa noti aporrit a s'origa frichíngius de cixas e de grillus 2. no iscurtis su frichíngiu de sa morti (E.Collu) Scientific Terminology bga Etymon srd. Translations French stridulation English reeling Spanish chirrido Italian frinìo German Zirpen.

frichinía, frichinída, frichiníta filchinída

frichiníu , nm Definition moida coment'e de cosa firchinendhe, segandho a farinos Synonyms e antonyms moida, ischimuzu Sentences fit ascurtendhe su frichiniu de s'abba in su traghinu Etymon srd. Translations French murmure English murmur Spanish murmullo Italian mormorìo German Rauschen.