Ditzionàriu in línia
de sa limba e de sa cultura sarda

lúnis , nm Definition prima die de sa chida: no càmbiat de sing. a pl. (su lunis, is/sos lunis) Sentences custu mese agabbat in lunis ◊ faghimus custa faina totu sos lunis ◊ dónnia lunis andaus a Santuidu ◊ sa maista candho erribbàt, su lunis, is piciochedhos andhànt a dh’atobiae Scientific Terminology tpc Etymon ltn. (dies) Lunis Translations French lundi English monday Spanish lunes Italian lunedì German Montag.

lunitèdha , nf Definition min. de luna, nau de bubburuchedha de ària chi si faet in s'abba Synonyms e antonyms burbuida Sentences dae fundhu de sa funtana si fint pesadas tantas lunitedhas, sighíndhesi a tenea e creschindhe de númeru e mannària Translations French petite bulle English little bubble Spanish gorgorita Italian bollicina German Bläschen.

luntanànscia , nf Definition su èssere atesu de is cosas s'una de s'àtera Translations French distance English distance Spanish lejanía Italian lontananza German Entfernung.

luntànu lontànu

lúntu , pps, agt Definition de lúngiri; chi est untu, untinadu Synonyms e antonyms lúngiu, untinadu, untu 2. cuss'arrogu de civraxu mi dh'apu papau che luntu de meli ◊ fragu de froris nodius losingant càrigas luntas de mucu malu (L.Porceddu)◊ su boscu luntu de línguas de fogu mostat un'arrogu fúmia fúmia ◊ dilicau de cantrexus… si at papau cudha cosa che pani luntu in mebi!

luntúra , nf Synonyms e antonyms lungidura, ugnidura, untura Etymon srd.

lúntza lòntza

luntzínu , agt: lunzinu Definition nau de ccn., chi no sentit làstima nudha, chi est chentza piedade nudha Synonyms e antonyms bàrbaru, crueli, disapiadau, incaniadu, isferitzadu Sentences fit incaniatu che luntzinu contra a sos animales Etymon itl. longino Translations French inhumain English cruel Spanish inhumano Italian inumano German inhuman.

lúntzu , nm Synonyms e antonyms foete Sentences che a cuadhu chi bogat difetus costumamu de luntzu a ti tocai (Lai).

lunzàna lozàna

lunzínu luntzínu

lúo lú

luónzu , nm Synonyms e antonyms alluadura, toscadura Etymon srd.

luósu , agt Definition de lua, chi avelenat Synonyms e antonyms toscosu Sentences s'ódiu est una pesta luosa Etymon srd.

lupàtzu , nm Definition aragna o lupu de mare, genia de pische chi podet fàere fintzes de unu metro, bonu meda Synonyms e antonyms ispirrita, lobina, tràcina Scientific Terminology psc.

lupía, lúpia lóbia

lupinèdha , nf Definition genia de erba chi si ponet a ferràina, a erbaju Scientific Terminology rba, Onobrychis viciifolia.

lupínu , agt, nm Definition de is lupos, chi est coment'e lupu; basoledhu de aranas, genia de erba chi faet sa tega che a sa fae e sèmenant po che dh'arare in mesu de sa terra po ladamíngiu / l. grogu = creze de erba areste (Lupinus luteus) Synonyms e antonyms basolugadhinu 1 Sentences a candho in Roma sos fizos lupinos sos primos bator surcos ant sestadu s'aradu sardu aiat aradu nessi mill'annos e milli terrinos ◊ sos canes lupinos sunt de timire Surnames and Proverbs smb: Lupinu Scientific Terminology rba, Lupinus albus Translations French de loup, lupin English lupin Spanish altramuz Italian lupino German weiße Lupine.

lupòni , nm Definition una genia de erba chi faet in mare Synonyms e antonyms caulatzu, latiamarini Scientific Terminology rba, Ulva lactuca.

lúpru , agt, nm Definition chi o chie papat meda, a s'airada, che unu lupu Synonyms e antonyms allambridu, allupidu, inguglione, lurcu, mangiufoni, pasteri.