Ditzionàriu in línia
de sa limba e de sa cultura sarda

melarenàda melagranàda

melàrga melàcra

melàrgiu melàgi

melaridònza melachidònza

melarrègra, melarrèja melarègia

melàrvure , nf Definition sa résina in colore de mele chi essit in su corgiolu de su truncu de unas cantu matas (es. pruna, cheréssia) Synonyms e antonyms abbamele, càtria, cucumele Etymon srd. Translations French résine English resin Spanish resina Italian orìchicco German Kirschbaumharz.

melasinnòra , nf Synonyms e antonyms cardanera, carzolina Scientific Terminology pzn.

melàu melàdu

melaulidòne meladidòne

melaurídha , nf: meraulidha Definition cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment'e tonàgias Synonyms e antonyms bobborriga, folfighita, forchidhàdile, isparraguatza, isperragoa, isperragulu, isperravórtighe, malavurcidha, pisciafui, tzintzicorra Scientific Terminology crp, forficula auricularia Translations French forficule English earwig Spanish cortapicos Italian forfécchia German Ohrwurm.

melàvere , nm Synonyms e antonyms melarègia Etymon srd.

melàvrina melàbrina

melàxi, melàxu melàgi

melcàdu malcàdu

mèlcas màrcas

mèlce, mèlcia mècia

melciàre , vrb: milciare Definition pònnere in mesu, rfl. nau fintzes in su sensu de unu interessamentu a calecuna faina o chistione Synonyms e antonyms ammasturai, ammeschiare* Sentences custas altes andhant addainanti solu si zente de bonacumandhu si bi mílciat in mesu (G.Elies)◊ segundhu su fresi, si mílciant duas partes de lana bianca e una de niedha in sa barminadura.

mélcuris , nm: mércuis, mérculis, mércunis, mércuris Definition sa de tres dies de sa chida, intremesu de martis e gióbia (no càmbiat de sing. a pl.: su mélcuris, is mélcuris) Idioms csn: èssere in bia che su m. = própiu ananti, in mesu, a istrobbu; fichiu che su mércuris = sempre in mesu in donzi chistione; m. de líssia, de lísciu, de lessiu = s'incràs de su martis de carrasegare Sentences lunis est andau a spaparotai cun martis po andai a domu de mércuis po pregontai a gióbia si fiat beru ca cenàbara at nau a sàburu ca domínigu est festa 2. ci fiat sempri mamma tua posta in mesu che su mérculis 3. su manzanu de mércuris de lísciu, Giorzi sos ojos a su mundhu abberit Scientific Terminology tpc Etymon ltn. mercuri dies Translations French mercredi English wednesday Spanish miércoles Italian mercoledì German Mittwoch.

mèlda , nf: merda Definition nau chentza delicadesa, su ladamíngiu, mescamente de gente (de animales si precisat: ula, pudhina, porchina, e àteru), sa parte de s'alimentu digiriu chi no che suspint is istentinas; css. cosa chi potzat pàrrere de arrefudare, cosa chi sumit de calecuna parte de sa carena (es. de is origas, de is ogos), css. cosa de pigare a disprétziu (nau cun tzacu) Synonyms e antonyms isterca, ladàmene Idioms csn: m. tzicana = m. in colore biancu; m. de fraile = scata de ferru; portai a unu che m. in didus = no lu poder bídere tichedhu; poltare a unu che m. in farrancas = cun delicadesa meda ca, letranghigurtzu coment'est, perdet sa passéssia pro nudha Etymon ltn. merda Translations French merde English shit Spanish mierda Italian mèrda German Scheiße.

meldaganài , vrb Definition fàere is cosas male, a improdhu Synonyms e antonyms aciapuciae, acoredhai, improdhai, indrovigare.