A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

melarenàda melagranàda

melàrga melàcra

melàrgiu melàgi

melaridònza melachidònza

melarrègra, melarrèja melarègia

melàrvure , nf Definitzione sa résina in colore de mele chi essit in su corgiolu de su truncu de unas cantu matas (es. pruna, cheréssia) Sinònimos e contràrios abbamele, càtria, cucumele Ètimu srd. Tradutziones Frantzesu résine Ingresu resin Ispagnolu resina Italianu orìchicco Tedescu Kirschbaumharz.

melasinnòra , nf Sinònimos e contràrios cardanera, carzolina Terminologia iscientìfica pzn.

melàu melàdu

melaulidòne meladidòne

melaurídha , nf: meraulidha Definitzione cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment'e tonàgias Sinònimos e contràrios bobborriga, folfighita, forchidhàdile, isparraguatza, isperragoa, isperragulu, isperravórtighe, malavurcidha, pisciafui, tzintzicorra Terminologia iscientìfica crp, forficula auricularia Tradutziones Frantzesu forficule Ingresu earwig Ispagnolu cortapicos Italianu forfécchia Tedescu Ohrwurm.

melàvere , nm Sinònimos e contràrios melarègia Ètimu srd.

melàvrina melàbrina

melàxi, melàxu melàgi

melcàdu malcàdu

mèlcas màrcas

mèlce, mèlcia mècia

melciàre , vrb: milciare Definitzione pònnere in mesu, rfl. nau fintzes in su sensu de unu interessamentu a calecuna faina o chistione Sinònimos e contràrios ammasturai, ammeschiare* Frases custas altes andhant addainanti solu si zente de bonacumandhu si bi mílciat in mesu (G.Elies)◊ segundhu su fresi, si mílciant duas partes de lana bianca e una de niedha in sa barminadura.

mélcuris , nm: mércuis, mérculis, mércunis, mércuris Definitzione sa de tres dies de sa chida, intremesu de martis e gióbia (no càmbiat de sing. a pl.: su mélcuris, is mélcuris) Maneras de nàrrere csn: èssere in bia che su m. = própiu ananti, in mesu, a istrobbu; fichiu che su mércuris = sempre in mesu in donzi chistione; m. de líssia, de lísciu, de lessiu = s'incràs de su martis de carrasegare Frases lunis est andau a spaparotai cun martis po andai a domu de mércuis po pregontai a gióbia si fiat beru ca cenàbara at nau a sàburu ca domínigu est festa 2. ci fiat sempri mamma tua posta in mesu che su mérculis 3. su manzanu de mércuris de lísciu, Giorzi sos ojos a su mundhu abberit Terminologia iscientìfica tpc Ètimu ltn. mercuri dies Tradutziones Frantzesu mercredi Ingresu wednesday Ispagnolu miércoles Italianu mercoledì Tedescu Mittwoch.

mèlda , nf: merda Definitzione nau chentza delicadesa, su ladamíngiu, mescamente de gente (de animales si precisat: ula, pudhina, porchina, e àteru), sa parte de s'alimentu digiriu chi no che suspint is istentinas; css. cosa chi potzat pàrrere de arrefudare, cosa chi sumit de calecuna parte de sa carena (es. de is origas, de is ogos), css. cosa de pigare a disprétziu (nau cun tzacu) Sinònimos e contràrios isterca, ladàmene Maneras de nàrrere csn: m. tzicana = m. in colore biancu; m. de fraile = scata de ferru; portai a unu che m. in didus = no lu poder bídere tichedhu; poltare a unu che m. in farrancas = cun delicadesa meda ca, letranghigurtzu coment'est, perdet sa passéssia pro nudha Ètimu ltn. merda Tradutziones Frantzesu merde Ingresu shit Ispagnolu mierda Italianu mèrda Tedescu Scheiße.

meldaganài , vrb Definitzione fàere is cosas male, a improdhu Sinònimos e contràrios aciapuciae, acoredhai, improdhai, indrovigare.