A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mangòne 1, mangòni , nm Definition genia de pigione mannu, cun is cambas longas longas, in colore de orrosa (peis de orrosa): faet abbitu in is istagnos e benit a Sardigna a passare ierru, prus che àteru nidat in logos prus caentes (Àfrica), ma est nidandho in Sardigna puru Synonyms e antonyms gentarrúbia Sentences in domu tenit unu mangoni imbartzamau Surnames and Proverbs smb: Mangone, Mangoni Scientific Terminology pzn, phoenicopterus ruber Translations French phénicoptère, flamant English flamingo Spanish flamenco Italian fenicòttero German Roter Flamingo.

mangòni 1 mangòne

mangòrra , nf Definition unu fàere a sa fraitzina Synonyms e antonyms ingannia, macatreferia, tramperia, tramòglia. Etymon its, srdn?

màngu maínga

manía , nf Definition abbitúdine maca, a tropu, esagerada, su fàere calecuna cosa o manera de fàere sèmpere chentza bisóngiu Synonyms e antonyms abelleu, maniaticheria Sentences lassa istare sas manias de su lussu e de su fumu! ◊ ite ratza de idea e de mania ch'in conca giughet giaitada! ◊ mi est intrada sa mania de fàghere gai Surnames and Proverbs smb: Manias.

maniàda , nf Definition matzu mannu de laore messau de tres o bàtoro manadas o maniscas.

manialàre , vrb Definition fàere su maniale, su manorba, andhare a sa giorronada Sentences bi at disocupatos chi gherrant a chitzu partitu pro si acapitare tzorronatedhas manialanne chin carchi mastru de muru Etymon srd.

manialàza , nf Definition is maniales, is manorbas, gente chi trebballat po unu mere Synonyms e antonyms manialia, manorberia Sentences prima be fit sa manialaza e como si sunt postos a contu issoro.

maniàle, maniàli , nm, nf: manibale, manivale Definition persona, ómine o fémina, chi si pigat a trebballare a giorronadas, a dies Synonyms e antonyms gerronaderi, maliani, manòbara, zorronaderu Sentences apo impreau bàtoro mastros de muru e manibales a fravicare ◊ pòneti zente, za ndhe as de bellu dinare a pacares manibales! ◊ su trigu de messare est meda ma sos maniales sunt pagos!◊ messandhe zeo fia cun sas maniales nostas ◊ pro agiuare a fàghere su pane beniant sempre sas matessi maniales Etymon itl. Translations French manœuvre, ouvrier agricole English labourer Spanish peón Italian manovale, bracciante German Hilfsarbeiter, Handlanger.

manialía , nf Definition totu is manorbas, totu is trebballadores chi faent trebballu grae a manu o cun ainas graes a manu; su fàere su manorba; agiudu, in donu, de parentes e amigos po fàere sa domo o àteru trebballu Synonyms e antonyms manialaza, manorberia Idioms csn: èssere, andhare a m. = fàere su manorba; pagare sa m. = pagare is manorbas; cumprire sa m. = finire, acabbare de fàere su manorba, passare a maistru; fàghere triballu a m. = serbendhosi de is manorbas (pagaos pagu) Sentences manialias baratas s'incurvana, fémminas ispitias d'enna ’e furru! Etymon srd. Translations French manœuvres English labourers Spanish peonaje Italian manovalanza German Hilfsarbeiterschaft.

maniapértu , agt, nm Definition chi o chie giaet sa cosa a bonugoro Synonyms e antonyms manilalgu Etymon srd.

maniàre , vrb Definition trebballare, pigare o portare in manu (cosa) po dha trebballare Synonyms e antonyms manigiai*, maniestare Sentences su massaju est maniendhe sa terra in donzi zassu.

maniàrzu mainàrgiu

maniàta manàda

maniatichería , nf Definition su èssere maniàticos, fatas de maniàticu Synonyms e antonyms abelleu, mania Etymon srd.

maniàticu, maniàtigu , agt, nm Definition chi o chie tenet calincuna mania Synonyms e antonyms maniosu Sentences cussa est fémina maniàtica de sa netesa Scientific Terminology ntl Etymon spn. maniático Translations French maniaque English maniac Spanish maniaco Italian manìaco German wahnsinnig, besessen, Wahnsinnige, Besessene.

maniàtile , agt Definition nau de aina o àteru trastu, chi si podet manigiare o pigare a manu chentza dificurtade Synonyms e antonyms maníbbili Etymon srd.

manibàle maniàle

maníbbili , agt: manuíbbile, manívile Definition nau de aina o àteru trastu, chi po sa mannària o po comente est fatu si lassat pigare e manigiare chentza dificurtade; nau de unu, chi si prestat a giare una manu de agiudu Synonyms e antonyms ammanidu, maniàtile, maníulu, manizadolzu, manizosu, manosu Sentences sa pudatza est un'aina maníbbili ◊ una cuba no est isterzu manívile ◊ una forramenta prus manívile la leas fintzas a una manu Translations French maniable, manœuvrable English manageable, manouvrable Spanish manejable Italian maneggévole, manovràbile German handlich, wendig.

manibrénu , agt, nm Definition chi o chie est de bonugoro Synonyms e antonyms dadivosu, manilalgu | ctr. limidu, susuncu Scientific Terminology ntl Etymon srd.