A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

manibrimàgiu maleprimmàlzu

mànica maínga

mànica 1 màiga

manicadòre , agt, nm: manigadore Definition chi o chie papat, chi papat meda Synonyms e antonyms fauzone, mandhicatore, manigagiolu, papadore Sentences fruliade sas falches, fruliade, manigadores de pane e chibudha! (F.Sechi) Etymon srd.

manicadòrgia, manicadòrja, manicadòrza , nf Definition istrégiu o logu inue si ponet sa brovendha a is animales a papare; in cobertantza, logu de cumandhu, manígiu de podere aprofitandho po ndhe tènnere torracontu personale Synonyms e antonyms mandhigadolza, papadòrgia, stadha / ttrs. magnadògia Etymon srd.

manicadúra , nf Definition su manicare, papare, nau pruschetotu de sa manera Synonyms e antonyms papadura Etymon srd.

manicantínu , agt, nm: manigantzinu Definition chi o chie papat / festas manigantzinas = festas aundi faint a papai po totu sa genti chi dhoi andat Synonyms e antonyms mannicantinu, mastigajolu Sentences chervedhos piludos, òcios gherdosos, nasu muconosu, vuca manicantina Etymon srd.

manicàre , vrb: manigare Definition pigare e pònnere in buca, matzigare e ingurtire su papare o css. àteru alimentu de fàere a matzigadura; si narat fintzes in su sensu de ispaciare calecuna cosa a fortza de dh'impreare, distrúere, de bochíere; nau in cobertantza, pinnigare dinare púbblicu aprofitandhosindhe; giogandho a dama, bínchere pedina o dama a su cumpàngiu; fintzes fàere a iscrafíngiu Synonyms e antonyms cossumire, mandhicare, papae | ctr. geunare Idioms csn: fàghere a manigare = coxinai; bogare a manigare = pònniri cosa in mesa po papai; - E coment'istades? - Za nos ndhe manigamus! = gei istaus bèni Sentences bogàdeli a manigare a s'istranzu! ◊ no coizat nudha: sas predas de su caminu chi si mànighet! ◊ zente de bonugoro: comente mi ant bidu, deretu mi ant bogadu a manigare ◊ ponide a manigare ca est mesudie! 2. su ruinzu si mànigat su ferru ◊ cussos animaledhos fora si los est manighendhe su fritu Surnames and Proverbs prb: chie no est bonu manighendhe no est bonu tribagliendhe Translations French manger, ronger, prendre English to eat, to consume Spanish comer Italian mangiare, corródere German essen (uomo), fressen (animale), abnutzen, durchbringen.

manicàu , pps, agt Definition de manicare Synonyms e antonyms papau Translations French mangé English eaten Spanish comido Italian mangiato German gegessen.

manichedhàre , vrb Synonyms e antonyms istravuciare, papitare.

manichínu , nm Definition buatone fatu adatu de pònnere in is butegas po ammostare bestimentos fatos po bèndhere.

manichínzu , nm: manighinzu Definition su manigare o istare papandho, nau fintzes de su chi podet fàere s'abba in su logu leandhoche sa terra, o fintzes is àcidos in is materiales; coment'e unu abbruxoredhu a sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa / manighinzu de palas = (in cobertantza) disígiu de cropos, nau a ccn. chi no iscurtat Synonyms e antonyms mandhichintzu / iscalfíngiu, malichinzu, pàpidu, papignu, ratinzu / cdh. magnatzona Sentences m'abbàida su manighinzu chi ant fatu sos sórighes in sos trastes! ◊ cussa zente si che tzacat totue ca l'interessat su manighinzu! ◊ candho intrant a cumandhare promitint montes e mares sempre pro su manighinzu 2. si t'imbrígliat fulana ti passat su manighinzu!…◊ su bentu chelvinu benit a manighinzu totue ◊ pisedhu, mi pares a manighinzu de palas e buscas, si no baes! Etymon srd. Translations French démangeaison English itch Spanish picazón Italian prurito German Korrosion, Juckreiz, Kitzel.

maníciula, maníciulu , nf, nm Definition parte de un'istrégiu o de unu móbbile po dhu pòdere pigare cun sa manu Synonyms e antonyms asa, manècia Sentences su piceri lèalu a sa maníciula! ◊ sas maníciulas de sa casceta sunt de metallu.

manicómiu malincómiu

manicónzu , nm: manigonzu Definition su papare, su abbarrare sèmpere papandho Synonyms e antonyms mandhichintzu Sentences in domo de comare sunt semper in contos de maniconzu ◊ est andhadu a una domo in s'ora de su manigonzu Etymon srd.

manicòtu , nm Definition orrughedhu de tubbu filetau chi serbit po aciúnghere duos tubbos apare.

mànicu , nm: mànigu Definition totu is cosas de papare, pruschetotu is cosas coghinadas o aprontadas po unu pastu Synonyms e antonyms alimentu, arrabuda, arracatu, bivu, bustu, coxinu, mandiari, màndhicu, papai 1 / cdh. magnu Sentences benimindi ita lichitu su mànigu!…◊ de su mànigu no ndhe li pigat nudha e abbarrat romasu ◊ ih, tue puru, pares ciompendhe a mànigu bonu!◊ su chi mamma poniat in su piatu l'aimis regortu nois etotu, fit bonu su sabore e sanu su mànigu ◊ beta abba e mànigu a su porcu! Etymon srd. Translations French nourriture, plat, mets English food Spanish vianda, comida Italian vivanda German Speise, Gang.

maniestàre , vrb: manifestare 1 Definition pigare o portare in manu cosa faendhodha, trebballandho: prus che àteru si narat de sa pasta trebballada chi si segat po fàere is panes, sestare su pane Synonyms e antonyms afresare, manigiai Sentences bisonzu de cumentzare a maniestare sa pasta, sinono nos arvèschet! ◊ tue de grobbes ndhe gràminas, ndhe incurtzas, ndhe azustas: ma si las maniestas t'iscuso ca sunt ifustas de allegria ◊ leeit a manifestare su púpulu cun manera: li sesteit sos pilos, sa fronte e sos ojos (G.Addis) Translations French manipuler English to manipulate Spanish manejar, manipular Italian manipolare German kneten, zubereiten.

maniéstu , nm Definition su maniestare, su manigiare sa cosa, faendhodha, nau pruschetotu de sa pasta faendho su pane; fintzes sa faina fata, sa pasta segada a orrugos po dha tèndhere e fàere a pane carasau Synonyms e antonyms manígiu 2. sonniadu mi so un'artigianu che a mannedhu in s'edade pitzinna faghindhe maniestos totu a manu (P.Cosseddu)◊ Mariedha zughiat una bella carena e unu bellu maniestu de titas ◊ sas cochidores ant fatu maniestos prus mannos e dae cue sa cocone chin gherda Etymon srd. Translations French manufacture, produit manufacturé English handmade Spanish manufactura Italian manifattura, manufatto German Herstellung.

manifatúra , nf Definition de totu su chi costat unu trastu, unu prodotu, sa parte chi dhu'est in trebballu, foras su materiale Synonyms e antonyms maniestu.