A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

manibrimàgiu maleprimmàlzu

mànica maínga

mànica 1 màiga

manicadòre , agt, nm: manigadore Definizione chi o chie papat, chi papat meda Sinonimi e contrari fauzone, mandhicatore, manigagiolu, papadore Frasi fruliade sas falches, fruliade, manigadores de pane e chibudha! (F.Sechi) Etimo srd.

manicadòrgia, manicadòrja, manicadòrza , nf Definizione istrégiu o logu inue si ponet sa brovendha a is animales a papare; in cobertantza, logu de cumandhu, manígiu de podere aprofitandho po ndhe tènnere torracontu personale Sinonimi e contrari mandhigadolza, papadòrgia, stadha / ttrs. magnadògia Etimo srd.

manicadúra , nf Definizione su manicare, papare, nau pruschetotu de sa manera Sinonimi e contrari papadura Etimo srd.

manicantínu , agt, nm: manigantzinu Definizione chi o chie papat / festas manigantzinas = festas aundi faint a papai po totu sa genti chi dhoi andat Sinonimi e contrari mannicantinu, mastigajolu Frasi chervedhos piludos, òcios gherdosos, nasu muconosu, vuca manicantina Etimo srd.

manicàre , vrb: manigare Definizione pigare e pònnere in buca, matzigare e ingurtire su papare o css. àteru alimentu de fàere a matzigadura; si narat fintzes in su sensu de ispaciare calecuna cosa a fortza de dh'impreare, distrúere, de bochíere; nau in cobertantza, pinnigare dinare púbblicu aprofitandhosindhe; giogandho a dama, bínchere pedina o dama a su cumpàngiu; fintzes fàere a iscrafíngiu Sinonimi e contrari cossumire, mandhicare, papae | ctr. geunare Modi di dire csn: fàghere a manigare = coxinai; bogare a manigare = pònniri cosa in mesa po papai; - E coment'istades? - Za nos ndhe manigamus! = gei istaus bèni Frasi bogàdeli a manigare a s'istranzu! ◊ no coizat nudha: sas predas de su caminu chi si mànighet! ◊ zente de bonugoro: comente mi ant bidu, deretu mi ant bogadu a manigare ◊ ponide a manigare ca est mesudie! 2. su ruinzu si mànigat su ferru ◊ cussos animaledhos fora si los est manighendhe su fritu Cognomi e Proverbi prb: chie no est bonu manighendhe no est bonu tribagliendhe Traduzioni Francese manger, ronger, prendre Inglese to eat, to consume Spagnolo comer Italiano mangiare, corródere Tedesco essen (uomo), fressen (animale), abnutzen, durchbringen.

manicàu , pps, agt Definizione de manicare Sinonimi e contrari papau Traduzioni Francese mangé Inglese eaten Spagnolo comido Italiano mangiato Tedesco gegessen.

manichedhàre , vrb Sinonimi e contrari istravuciare, papitare.

manichínu , nm Definizione buatone fatu adatu de pònnere in is butegas po ammostare bestimentos fatos po bèndhere.

manichínzu , nm: manighinzu Definizione su manigare o istare papandho, nau fintzes de su chi podet fàere s'abba in su logu leandhoche sa terra, o fintzes is àcidos in is materiales; coment'e unu abbruxoredhu a sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa / manighinzu de palas = (in cobertantza) disígiu de cropos, nau a ccn. chi no iscurtat Sinonimi e contrari mandhichintzu / iscalfíngiu, malichinzu, pàpidu, papignu, ratinzu / cdh. magnatzona Frasi m'abbàida su manighinzu chi ant fatu sos sórighes in sos trastes! ◊ cussa zente si che tzacat totue ca l'interessat su manighinzu! ◊ candho intrant a cumandhare promitint montes e mares sempre pro su manighinzu 2. si t'imbrígliat fulana ti passat su manighinzu!…◊ su bentu chelvinu benit a manighinzu totue ◊ pisedhu, mi pares a manighinzu de palas e buscas, si no baes! Etimo srd. Traduzioni Francese démangeaison Inglese itch Spagnolo picazón Italiano prurito Tedesco Korrosion, Juckreiz, Kitzel.

maníciula, maníciulu , nf, nm Definizione parte de un'istrégiu o de unu móbbile po dhu pòdere pigare cun sa manu Sinonimi e contrari asa, manècia Frasi su piceri lèalu a sa maníciula! ◊ sas maníciulas de sa casceta sunt de metallu.

manicómiu malincómiu

manicónzu , nm: manigonzu Definizione su papare, su abbarrare sèmpere papandho Sinonimi e contrari mandhichintzu Frasi in domo de comare sunt semper in contos de maniconzu ◊ est andhadu a una domo in s'ora de su manigonzu Etimo srd.

manicòtu , nm Definizione orrughedhu de tubbu filetau chi serbit po aciúnghere duos tubbos apare.

mànicu , nm: mànigu Definizione totu is cosas de papare, pruschetotu is cosas coghinadas o aprontadas po unu pastu Sinonimi e contrari alimentu, arrabuda, arracatu, bivu, bustu, coxinu, mandiari, màndhicu, papai 1 / cdh. magnu Frasi benimindi ita lichitu su mànigu!…◊ de su mànigu no ndhe li pigat nudha e abbarrat romasu ◊ ih, tue puru, pares ciompendhe a mànigu bonu!◊ su chi mamma poniat in su piatu l'aimis regortu nois etotu, fit bonu su sabore e sanu su mànigu ◊ beta abba e mànigu a su porcu! Etimo srd. Traduzioni Francese nourriture, plat, mets Inglese food Spagnolo vianda, comida Italiano vivanda Tedesco Speise, Gang.

maniestàre , vrb: manifestare 1 Definizione pigare o portare in manu cosa faendhodha, trebballandho: prus che àteru si narat de sa pasta trebballada chi si segat po fàere is panes, sestare su pane Sinonimi e contrari afresare, manigiai Frasi bisonzu de cumentzare a maniestare sa pasta, sinono nos arvèschet! ◊ tue de grobbes ndhe gràminas, ndhe incurtzas, ndhe azustas: ma si las maniestas t'iscuso ca sunt ifustas de allegria ◊ leeit a manifestare su púpulu cun manera: li sesteit sos pilos, sa fronte e sos ojos (G.Addis) Traduzioni Francese manipuler Inglese to manipulate Spagnolo manejar, manipular Italiano manipolare Tedesco kneten, zubereiten.

maniéstu , nm Definizione su maniestare, su manigiare sa cosa, faendhodha, nau pruschetotu de sa pasta faendho su pane; fintzes sa faina fata, sa pasta segada a orrugos po dha tèndhere e fàere a pane carasau Sinonimi e contrari manígiu 2. sonniadu mi so un'artigianu che a mannedhu in s'edade pitzinna faghindhe maniestos totu a manu (P.Cosseddu)◊ Mariedha zughiat una bella carena e unu bellu maniestu de titas ◊ sas cochidores ant fatu maniestos prus mannos e dae cue sa cocone chin gherda Etimo srd. Traduzioni Francese manufacture, produit manufacturé Inglese handmade Spagnolo manufactura Italiano manifattura, manufatto Tedesco Herstellung.

manifatúra , nf Definizione de totu su chi costat unu trastu, unu prodotu, sa parte chi dhu'est in trebballu, foras su materiale Sinonimi e contrari maniestu.