A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

manibrimàgiu maleprimmàlzu

mànica maínga

mànica 1 màiga

manicadòre , agt, nm: manigadore Definitzione chi o chie papat, chi papat meda Sinònimos e contràrios fauzone, mandhicatore, manigagiolu, papadore Frases fruliade sas falches, fruliade, manigadores de pane e chibudha! (F.Sechi) Ètimu srd.

manicadòrgia, manicadòrja, manicadòrza , nf Definitzione istrégiu o logu inue si ponet sa brovendha a is animales a papare; in cobertantza, logu de cumandhu, manígiu de podere aprofitandho po ndhe tènnere torracontu personale Sinònimos e contràrios mandhigadolza, papadòrgia, stadha / ttrs. magnadògia Ètimu srd.

manicadúra , nf Definitzione su manicare, papare, nau pruschetotu de sa manera Sinònimos e contràrios papadura Ètimu srd.

manicantínu , agt, nm: manigantzinu Definitzione chi o chie papat / festas manigantzinas = festas aundi faint a papai po totu sa genti chi dhoi andat Sinònimos e contràrios mannicantinu, mastigajolu Frases chervedhos piludos, òcios gherdosos, nasu muconosu, vuca manicantina Ètimu srd.

manicàre , vrb: manigare Definitzione pigare e pònnere in buca, matzigare e ingurtire su papare o css. àteru alimentu de fàere a matzigadura; si narat fintzes in su sensu de ispaciare calecuna cosa a fortza de dh'impreare, distrúere, de bochíere; nau in cobertantza, pinnigare dinare púbblicu aprofitandhosindhe; giogandho a dama, bínchere pedina o dama a su cumpàngiu; fintzes fàere a iscrafíngiu Sinònimos e contràrios cossumire, mandhicare, papae | ctr. geunare Maneras de nàrrere csn: fàghere a manigare = coxinai; bogare a manigare = pònniri cosa in mesa po papai; - E coment'istades? - Za nos ndhe manigamus! = gei istaus bèni Frases bogàdeli a manigare a s'istranzu! ◊ no coizat nudha: sas predas de su caminu chi si mànighet! ◊ zente de bonugoro: comente mi ant bidu, deretu mi ant bogadu a manigare ◊ ponide a manigare ca est mesudie! 2. su ruinzu si mànigat su ferru ◊ cussos animaledhos fora si los est manighendhe su fritu Sambenados e Provèrbios prb: chie no est bonu manighendhe no est bonu tribagliendhe Tradutziones Frantzesu manger, ronger, prendre Ingresu to eat, to consume Ispagnolu comer Italianu mangiare, corródere Tedescu essen (uomo), fressen (animale), abnutzen, durchbringen.

manicàu , pps, agt Definitzione de manicare Sinònimos e contràrios papau Tradutziones Frantzesu mangé Ingresu eaten Ispagnolu comido Italianu mangiato Tedescu gegessen.

manichedhàre , vrb Sinònimos e contràrios istravuciare, papitare.

manichínu , nm Definitzione buatone fatu adatu de pònnere in is butegas po ammostare bestimentos fatos po bèndhere.

manichínzu , nm: manighinzu Definitzione su manigare o istare papandho, nau fintzes de su chi podet fàere s'abba in su logu leandhoche sa terra, o fintzes is àcidos in is materiales; coment'e unu abbruxoredhu a sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa / manighinzu de palas = (in cobertantza) disígiu de cropos, nau a ccn. chi no iscurtat Sinònimos e contràrios mandhichintzu / iscalfíngiu, malichinzu, pàpidu, papignu, ratinzu / cdh. magnatzona Frases m'abbàida su manighinzu chi ant fatu sos sórighes in sos trastes! ◊ cussa zente si che tzacat totue ca l'interessat su manighinzu! ◊ candho intrant a cumandhare promitint montes e mares sempre pro su manighinzu 2. si t'imbrígliat fulana ti passat su manighinzu!…◊ su bentu chelvinu benit a manighinzu totue ◊ pisedhu, mi pares a manighinzu de palas e buscas, si no baes! Ètimu srd. Tradutziones Frantzesu démangeaison Ingresu itch Ispagnolu picazón Italianu prurito Tedescu Korrosion, Juckreiz, Kitzel.

maníciula, maníciulu , nf, nm Definitzione parte de un'istrégiu o de unu móbbile po dhu pòdere pigare cun sa manu Sinònimos e contràrios asa, manècia Frases su piceri lèalu a sa maníciula! ◊ sas maníciulas de sa casceta sunt de metallu.

manicómiu malincómiu

manicónzu , nm: manigonzu Definitzione su papare, su abbarrare sèmpere papandho Sinònimos e contràrios mandhichintzu Frases in domo de comare sunt semper in contos de maniconzu ◊ est andhadu a una domo in s'ora de su manigonzu Ètimu srd.

manicòtu , nm Definitzione orrughedhu de tubbu filetau chi serbit po aciúnghere duos tubbos apare.

mànicu , nm: mànigu Definitzione totu is cosas de papare, pruschetotu is cosas coghinadas o aprontadas po unu pastu Sinònimos e contràrios alimentu, arrabuda, arracatu, bivu, bustu, coxinu, mandiari, màndhicu, papai 1 / cdh. magnu Frases benimindi ita lichitu su mànigu!…◊ de su mànigu no ndhe li pigat nudha e abbarrat romasu ◊ ih, tue puru, pares ciompendhe a mànigu bonu!◊ su chi mamma poniat in su piatu l'aimis regortu nois etotu, fit bonu su sabore e sanu su mànigu ◊ beta abba e mànigu a su porcu! Ètimu srd. Tradutziones Frantzesu nourriture, plat, mets Ingresu food Ispagnolu vianda, comida Italianu vivanda Tedescu Speise, Gang.

maniestàre , vrb: manifestare 1 Definitzione pigare o portare in manu cosa faendhodha, trebballandho: prus che àteru si narat de sa pasta trebballada chi si segat po fàere is panes, sestare su pane Sinònimos e contràrios afresare, manigiai Frases bisonzu de cumentzare a maniestare sa pasta, sinono nos arvèschet! ◊ tue de grobbes ndhe gràminas, ndhe incurtzas, ndhe azustas: ma si las maniestas t'iscuso ca sunt ifustas de allegria ◊ leeit a manifestare su púpulu cun manera: li sesteit sos pilos, sa fronte e sos ojos (G.Addis) Tradutziones Frantzesu manipuler Ingresu to manipulate Ispagnolu manejar, manipular Italianu manipolare Tedescu kneten, zubereiten.

maniéstu , nm Definitzione su maniestare, su manigiare sa cosa, faendhodha, nau pruschetotu de sa pasta faendho su pane; fintzes sa faina fata, sa pasta segada a orrugos po dha tèndhere e fàere a pane carasau Sinònimos e contràrios manígiu 2. sonniadu mi so un'artigianu che a mannedhu in s'edade pitzinna faghindhe maniestos totu a manu (P.Cosseddu)◊ Mariedha zughiat una bella carena e unu bellu maniestu de titas ◊ sas cochidores ant fatu maniestos prus mannos e dae cue sa cocone chin gherda Ètimu srd. Tradutziones Frantzesu manufacture, produit manufacturé Ingresu handmade Ispagnolu manufactura Italianu manifattura, manufatto Tedescu Herstellung.

manifatúra , nf Definitzione de totu su chi costat unu trastu, unu prodotu, sa parte chi dhu'est in trebballu, foras su materiale Sinònimos e contràrios maniestu.