A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

manimúculu , agt Definitzione chi portat bratzu chentza sa manu; nau a briga, mandrone Sinònimos e contràrios manimutzu 2. manimúculu, ses unu mandrone: faghedila sa cosa!

manimundhàre , vrb Definitzione immanimundhare, passare sa tinta (su malemundhu) a is muros Sinònimos e contràrios albinare, illatare, imbarchinai, immanimundhare.

manimúrchinu , agt, nm Definitzione chi o chie est chentza una manu: prus che àteru si narat po tzacu, po arrennegu cun chie no est bonu a fàere faina Sinònimos e contràrios manigau, manimutzu, smanau Ètimu ltn. manus + murca.

manimurúdhu , agt Definitzione chi portat bratzu chentza sa manu Sinònimos e contràrios ismanuciadu, ismanuncadu, manimúrchinu, manimutzu, manigau Ètimu srd.

manimurúncu , agt, nm Definitzione chi o chie po comente faet is cosas o si movet chentza crabbu o chentza atentzione faet dannu Sinònimos e contràrios ildeoltu, ilgrabbuladu Frases manimurunca, ispantadu mi ndhe fia ca no faghias dannu: as segadu su brochitolu! (M.Deiana)

manimútzu , agt Definitzione chi portat bratzu chentza sa manu Sinònimos e contràrios ilmanuncadu, ismanuciadu, manigau, manimúrchinu, smanau Ètimu srd. Tradutziones Frantzesu manchot Ingresu mutilated Ispagnolu manco Italianu mónco Tedescu einarmig.

maninchèdha , nf Definitzione min. de manu; fintzes parte de su telàrgiu Sinònimos e contràrios manedha, manighedha 1 Frases candho ti zughet in coa nonnu, cun sa maninchedha li tiras s'arva ◊ sos pitzinnos fuint disizanne de afungare sas maninchedhas in sa lana Sambenados e Provèrbios smb: Maninchedda.

maninfíde manafídi

maninfiòre , nm Definitzione anedhu chi s'ómine donat a sa fémina candho si cójuat Sinònimos e contràrios fasceta, manafidi.

maningantzàda , nf Definitzione manu pigada: leàresi a m., poderare manu cun manu s'unu cun s'àteru caminandho Sinònimos e contràrios manafuntesa, manudenta Frases nos leamos a maningantzada, brinchetamos e ballamos Ètimu srd.

maningòtu manigòtu

manintína , nf Sinònimos e contràrios iscumbata, isperimentu, proa Frases làssali fàghere una manintina!

maninzòne , nm Definitzione ufradura chi faet su fritu, prus che àteru in manos o in peis, e chi faet a iscrafíngiu Sinònimos e contràrios filinzone, pedinzone, pilinzone, pirignone, zelone Ètimu srd. Tradutziones Frantzesu engelure Ingresu chilblain Ispagnolu sabañón Italianu gelóne (alle mani) Tedescu Frostbeule.

maninzòne 1 mainzòne

maniósu , agt Definitzione nau de ccn., chi tenet calecuna mania o abbitúdine esagerada Sinònimos e contràrios maniàticu Frases sas giurias ant premiadu unu maniosu ◊ sas bellas medas boltas sunt maniosas ◊ bi at zente maniosa chi si lamentat chentza la tocare Ètimu srd.

manipóliu , nm: monipódiu, monipóliu, monopóliu Definitzione su èssere unu ebbia a tènnere o a fàere calecuna cosa a bèndhere; si narat fintzes in su sensu de ingannu Tradutziones Frantzesu monopole Ingresu monopoly Ispagnolu monopolio Italianu monopòlio Tedescu Monopol.

manipòsa , nf: mariposa Definitzione calagasu, bobboi cun is alas ladas e pintadas chi curret a sa lughe a denote, porchedhu o lèpere de santu Antoni; genia de lughighedha chi si ponet a is mortos o po unu santu; in cobertantza, fintzes persona chi tenet pagu firmesa Sinònimos e contràrios abadegasu, barabàtula, carravarina, lepilepi, papagallu 1, seisei / lumu 1 Frases che mariposa bolat de frore in frore ◊ apo cantau rúnchines, grodhos, mariposas, alipintas ◊ colorida mariposa, visitas dogni fiore ◊ gioga mariposa, bola bola in sa mata de s’arrosa! 2. o maniposa chi semper acesa lughes de continu pro su tale e no ti olvidas de sa poberesa! (B.Sulis)◊ seu andada a comporai un'iscàtua de mariposas ◊ tremint is mariposas musciendi me is làntias ◊ pigai s'iscàtula de is mariposas e liai unus cantu trébinis, po su mortu 3. cantu fint diferentes sas pitzinnas de tandho dae sas mariposas de sos tempos presentes!…◊ sas féminas li curriant che mariposas a su fiore ◊ cun coloris de celu, ses una mariposa fata aposta po mei! (G.Cappai) Terminologia iscientìfica crp Ètimu ctl., spn. mariposa Tradutziones Frantzesu papillon, phalène, faible lumière, papillon (persona fatua, leggera) Ingresu butterfly, moth, grave light Ispagnolu falena, lamparilla, mariposa Italianu farfalla, falèna, lumino Tedescu Schmetterling, Nachtfalter, Wachslicht.

manipuladòre , agt, nm Definitzione chi o chie faet calecunu manígiu cun iscopu.

manipuladúra , nf Definitzione su manipulare Sinònimos e contràrios manígiu.

manipulài, manipulàre , vrb Sinònimos e contràrios manigiai.