A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

manixíli manaxíli

maníxu manígiu

maníza manígiu

manizàda manigiàda

manizadólzu , agt Definitzione foedhandho de ferramenta, de trastu, chi faet a dhu pigare e manigiare chentza dificurtade; foedhandho de ccn., chi ascurtat e faet fintzes a dhu cumbínchere Sinònimos e contràrios maníbbili, manizosu 2. tantu za est manizadolzu… balla ca a isse no lu leas comente cheres! Ètimu srd. Tradutziones Frantzesu maniable, manœuvrable Ingresu manageable, manouvrable Ispagnolu manejable Italianu manovràbile Tedescu handlich, wendig.

manizadòre , agt Definitzione chi manígiat Ètimu srd.

manizadúra , nf Definitzione su manigiare Sinònimos e contràrios manígiu Ètimu srd.

manizàre manigiài

manizósu , agt Definitzione nau de cosa de pigare a manos, chi si pigat cun facilidade Sinònimos e contràrios maníbbili, maníulu, manizadolzu, manosu Frases sas contonadas minores sunt prus manizosas e sos maistros fràigant prus lestros Ètimu srd.

manízu manígiu

manlèa , avb: manulea Definitzione manu lea = dona e piga luego: si narat candho unu giaet calecuna cosa a malugoro e si che dha torrat a pigare issu etotu luego giai pentiu / fai a m. cun dinai = a cambiapare cun dinari, cosa (a bèndhere) pro dinari Sinònimos e contràrios daellea, màmula Ètimu ctl. manlleu.

mànna , nf Definitzione est su chi in calecunu logu narant mannugru de laore messau cun sa canna: est fata a manadas, o mannugus, mannucros o matzos de trigu messau acapiaos apare a fasche manna; segundhu su logu est unu tanti de mannugros chi betant, faent, unu cartu de laore, de 12, de 16, de 20 mannucros Sinònimos e contràrios màiga, mannedhu 1, mannúciu Frases sos màtulos beniant ligados umpare, pro fàghere sas mannas prontas a carrugare ◊ deghe mannujos cumponent una manna ◊ dies e dies s'intendheint sos faedhos e suspiros de sas falches: sas mannas de su trigu si faghiant muntones in s'alzola Sambenados e Provèrbios smb: Manna Terminologia iscientìfica msg Ètimu ltn. manua Tradutziones Frantzesu gerbe Ingresu sheaf Ispagnolu gavilla Italianu covóne Tedescu Garbe.

mànna 1 , nf Definitzione parente, sa mama de sa mama, sa mama de su babbu Sinònimos e contràrios ajaja, mannai, mannedha Frases mi lu ammento che una igione su fogu in su foghile de manna mia (T.Giagu) Terminologia iscientìfica ptl Ètimu srd.

mannàciu , agt: mannatzu Definitzione chi est unu pagu mannu Sinònimos e contràrios mannoci, mannonzu | ctr. piticognu Frases mannàcius e pitius, benei totus! ◊ est una fémina mannàcia cun sa faci totu pintulinada Sambenados e Provèrbios smb: Mannatzu, Mannazzu Terminologia iscientìfica zcrn Ètimu srd.

mannàda , nf Definitzione su primu tretu de s'istentina, passau s'istògomo Sinònimos e contràrios iltentina Frases portat sa scivedha cun sa petza prenendi su sartitzu e is mannadas ◊ po preni a sartitzu si ponint is mannadas de su procu Terminologia iscientìfica crn Tradutziones Frantzesu boyau Ingresu bowel Ispagnolu intestino Italianu budèlla Tedescu Eingeweide (Pl.), Gedärm.

mannadètas , nf pl Definitzione is mannadas, is istentinas Sinònimos e contràrios mannaditzu Ètimu srd.

mannadítzu , nm Definitzione mannada, is mannadetas, is istentinas o biraditzos: totu su chi si narat mata, matza de un'animale Sinònimos e contràrios beraditos, busellos, garaitzos, iltentina, stintinigu, stintiritzu Frases si pigat sa pudha, si ndi tirant is mannaditzus, s'isciàcuat bèni e si prenit cun su prenimentu ◊ cussu mannaditzu est chentza de isciacuai Ètimu srd.

mannàghe , nm Sinònimos e contràrios ispantamata, malmuntone, mustagione.

mannài , nf Definitzione sa mama de sa mama, fintzes sa mama de s'ajaja / sos mannais = ajaja e ajaju Sinònimos e contràrios aba 1, ajaja, mannedha, nannai, tiatia Frases mannai cantat sulena che frama, cosi cosi ◊ mannai e mannoi, ammostàemi su ci eis ammostau a mamma! ◊ si no ant babbos e mamas, mannedhos e mannais de bocare a campu, sont pérditos, burdos Sambenados e Provèrbios smb: Mannai, Manai Terminologia iscientìfica ptl Ètimu srd. Tradutziones Frantzesu grand-mère, arrière-grand-mère Ingresu grandmother (great-) Ispagnolu abuela, bisabuela Italianu nònna, bisnònna Tedescu Großmutter, Urgroßmutter.

mannài 1 , nm: mannau Definitzione genia de pane, cosa bianca bona a papare chi calaiat de is aeras comente contat sa Bíbbia: si narat fintzes in su sensu de irmasionu, de s'istentare chentza cabu ibertandho cosa chena trebballada, de is àteros Sinònimos e contràrios bràtzimu Frases si no ti ndhe tribàglias, ite pessas, chi ti falat su mannau de s'aera?! ◊ ispeta, ispeta, tue, chi ti falet su mannai, chi emmo!…◊ pagu cosa nd'iscarràfiant, de mimi, chi abetant a dhis calai su mannau a buca! ◊ no ispetaiat mai su mannai calau de su chelu e faiat de totu po bívere 2. mòvedi, ca sorres tuas ndhe sunt giai in bassu aispetandhe su mannau tou! Tradutziones Frantzesu manne Ingresu manna Ispagnolu maná Italianu manna Tedescu Manna, Gottesgabe.