A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mannigàre mandhicàre

mannighédhu , agt Definitzione min. de mannu, unu pagu mannu Sinònimos e contràrios mannitu, matocu.

mannigólu , nm Definitzione manada, matzu de laore messau de acapiare cun àteros a fasche manna Sinònimos e contràrios mannigonedhu Ètimu srd.

mannigòne , nm Sinònimos e contràrios màiga, manna, mannedhu 1, mannúciu, mannuga Ètimu srd.

mannigonédhu , nm Definitzione mannigone minore, manada, matzu de laore messau de acapiare a fasche manna Sinònimos e contràrios mannigolu Frases bi cheret de bíndhighi a degheoto mannigonedhos pro fàghere una manna.

mànnigu màndhicu

mannínu , agt Definitzione nau de ccn., chi est mannu de importu, chi si sentit de importu (a bortas fintzes tropu)/ manninu mannu = cuntentone, prexau meda Sinònimos e contràrios ammannadu, bravanciosu, magnosu 1 / altivu, ispantosu, meravizosu, stravanau Frases Zacomina ndhe fit mannina, ma sas sorres e sa mama ndhe fint atollitas de su fàchere suo ◊ fipo andhandhe a Núgoro e mi fachio manninu supra de su cabadhu ◊ sa natura ti at dau luche e ti at postu prospore fachèndheti manninu in s'arrampile 2. ischiat a lèzere e a iscríere e fit de fàcheres e de allegas a sa mannina 3. sa zente, mannina manna, a sos prades los aiat azudaos a fàchere su cumbentu ◊ sos isposos sunt ridèndhesi solos e manninos mannos ca totus si los abbratzant Ètimu srd. Tradutziones Frantzesu grandiose, suffisant, orgueilleux Ingresu grand, bumptious Ispagnolu grandioso, soberbio Italianu grandióso, spocchióso Tedescu großartig, dünkelhaft.

manniòi, manniòre, manniòri , nm Definitzione su èssere mannu de sa cosa, su tanti chi sa cosa est manna Sinònimos e contràrios mannària, mannura Frases póberu iscioncu, ita creis, ca unu pisci de cussu manniori tenit ganas de si firmai inguni po comodidadi tua? ◊ is mallaredhus de mamma funta agiummai a mannioi de su granu de su trigu! Ètimu srd.

manniòne , agt Definitzione chi est mannatzu Sinònimos e contràrios mannarione Ètimu srd.

manniónnu , agt Definitzione nau in cunfidàntzia de ccn., chi est mannu de annos, intrau in tempus Sinònimos e contràrios mannarione.

manniósu magnósu 1

manniròne , nm Definitzione istrégiu mannu de linna o de ortigu a pònnere farra o pasta faendho pane Sinònimos e contràrios badhidoni Sambenados e Provèrbios smb: Mannironi.

mannitédhu , agt Sinònimos e contràrios mannitu.

mannítu , agt, nm Definitzione chi est unu pagu mannu, créschiu Sinònimos e contràrios mannighedhu, mannitedhu, matocu Frases su pisedhu como za est mannitu a fàghere carchi betada de manu ◊ est animaledhu mannitu de poder bochire ◊ su pipiu, candu fut mannitedhu, andàt cun su babbu a dónnia logu Ètimu srd. Tradutziones Frantzesu grandelet Ingresu pretty big Ispagnolu grandote Italianu grandicéllo Tedescu ziemlich groß, halb erwachsen.

mannitúdine , nf Sinònimos e contràrios magnosidade, manniénscia, mannosia Ètimu srd.

mannòci , agt Definitzione chi est unu pagu mannu Sinònimos e contràrios mannàciu, mannonzu Ètimu srd.

mannói , nm Definitzione parente, su babbu de sa mama, su babbu de su babbu Sinònimos e contràrios abu, bisàgiu, donnumannu, mannedhu, minnannu, nannai, tadaju Frases mannoi in su novanta prantesit un'àlbure in s'ortighedhu ◊ mannai e mannoi, ammostàemi su ci eis ammostau a mamma! ◊ mannoi connoschiat totu sas eréntzias e parentados, répulas e arrampiles de chie fit bonu o malu Terminologia iscientìfica ptl Ètimu srd. Tradutziones Frantzesu grand-père Ingresu grandfather Ispagnolu abuelo Italianu nònno Tedescu Großvater.

mannòne , nm Sinònimos e contràrios boe Frases ant garrigadu sas bértulas subra su mannone e si che sunt torrados a bidha Sambenados e Provèrbios smb: Mannone, Mannoni.

mannónzu , agt Definitzione chi est unu pagu mannu Sinònimos e contràrios mannàciu Ètimu srd.

mannosía , nf Definitzione idea bona, de arrespetu, de cunsideru donniunu po issu, su si crèdere de importu (a bortas fintzes a tropu) Sinònimos e contràrios altivesa, magnosidade, manniénscia, ondra | ctr. umilesa Frases in Sardigna che tevet àere prus mannosia pro Giommaria Angioi! ◊ si naro chi so istada dinna de isse no est pro mannosia ◊ su poeta no bantat mannosia: est modestu e onestu essendhe mannu!◊ cantu a mannosia cussa pitzinna est prus arta de campanile! Ètimu srd. Tradutziones Frantzesu orgueil Ingresu pride Ispagnolu orgullo Italianu orgóglio Tedescu Stolz.