A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mannigàre mandhicàre

mannighédhu , agt Definizione min. de mannu, unu pagu mannu Sinonimi e contrari mannitu, matocu.

mannigólu , nm Definizione manada, matzu de laore messau de acapiare cun àteros a fasche manna Sinonimi e contrari mannigonedhu Etimo srd.

mannigòne , nm Sinonimi e contrari màiga, manna, mannedhu 1, mannúciu, mannuga Etimo srd.

mannigonédhu , nm Definizione mannigone minore, manada, matzu de laore messau de acapiare a fasche manna Sinonimi e contrari mannigolu Frasi bi cheret de bíndhighi a degheoto mannigonedhos pro fàghere una manna.

mànnigu màndhicu

mannínu , agt Definizione nau de ccn., chi est mannu de importu, chi si sentit de importu (a bortas fintzes tropu)/ manninu mannu = cuntentone, prexau meda Sinonimi e contrari ammannadu, bravanciosu, magnosu 1 / altivu, ispantosu, meravizosu, stravanau Frasi Zacomina ndhe fit mannina, ma sas sorres e sa mama ndhe fint atollitas de su fàchere suo ◊ fipo andhandhe a Núgoro e mi fachio manninu supra de su cabadhu ◊ sa natura ti at dau luche e ti at postu prospore fachèndheti manninu in s'arrampile 2. ischiat a lèzere e a iscríere e fit de fàcheres e de allegas a sa mannina 3. sa zente, mannina manna, a sos prades los aiat azudaos a fàchere su cumbentu ◊ sos isposos sunt ridèndhesi solos e manninos mannos ca totus si los abbratzant Etimo srd. Traduzioni Francese grandiose, suffisant, orgueilleux Inglese grand, bumptious Spagnolo grandioso, soberbio Italiano grandióso, spocchióso Tedesco großartig, dünkelhaft.

manniòi, manniòre, manniòri , nm Definizione su èssere mannu de sa cosa, su tanti chi sa cosa est manna Sinonimi e contrari mannària, mannura Frasi póberu iscioncu, ita creis, ca unu pisci de cussu manniori tenit ganas de si firmai inguni po comodidadi tua? ◊ is mallaredhus de mamma funta agiummai a mannioi de su granu de su trigu! Etimo srd.

manniòne , agt Definizione chi est mannatzu Sinonimi e contrari mannarione Etimo srd.

manniónnu , agt Definizione nau in cunfidàntzia de ccn., chi est mannu de annos, intrau in tempus Sinonimi e contrari mannarione.

manniósu magnósu 1

manniròne , nm Definizione istrégiu mannu de linna o de ortigu a pònnere farra o pasta faendho pane Sinonimi e contrari badhidoni Cognomi e Proverbi smb: Mannironi.

mannitédhu , agt Sinonimi e contrari mannitu.

mannítu , agt, nm Definizione chi est unu pagu mannu, créschiu Sinonimi e contrari mannighedhu, mannitedhu, matocu Frasi su pisedhu como za est mannitu a fàghere carchi betada de manu ◊ est animaledhu mannitu de poder bochire ◊ su pipiu, candu fut mannitedhu, andàt cun su babbu a dónnia logu Etimo srd. Traduzioni Francese grandelet Inglese pretty big Spagnolo grandote Italiano grandicéllo Tedesco ziemlich groß, halb erwachsen.

mannitúdine , nf Sinonimi e contrari magnosidade, manniénscia, mannosia Etimo srd.

mannòci , agt Definizione chi est unu pagu mannu Sinonimi e contrari mannàciu, mannonzu Etimo srd.

mannói , nm Definizione parente, su babbu de sa mama, su babbu de su babbu Sinonimi e contrari abu, bisàgiu, donnumannu, mannedhu, minnannu, nannai, tadaju Frasi mannoi in su novanta prantesit un'àlbure in s'ortighedhu ◊ mannai e mannoi, ammostàemi su ci eis ammostau a mamma! ◊ mannoi connoschiat totu sas eréntzias e parentados, répulas e arrampiles de chie fit bonu o malu Terminologia scientifica ptl Etimo srd. Traduzioni Francese grand-père Inglese grandfather Spagnolo abuelo Italiano nònno Tedesco Großvater.

mannòne , nm Sinonimi e contrari boe Frasi ant garrigadu sas bértulas subra su mannone e si che sunt torrados a bidha Cognomi e Proverbi smb: Mannone, Mannoni.

mannónzu , agt Definizione chi est unu pagu mannu Sinonimi e contrari mannàciu Etimo srd.

mannosía , nf Definizione idea bona, de arrespetu, de cunsideru donniunu po issu, su si crèdere de importu (a bortas fintzes a tropu) Sinonimi e contrari altivesa, magnosidade, manniénscia, ondra | ctr. umilesa Frasi in Sardigna che tevet àere prus mannosia pro Giommaria Angioi! ◊ si naro chi so istada dinna de isse no est pro mannosia ◊ su poeta no bantat mannosia: est modestu e onestu essendhe mannu!◊ cantu a mannosia cussa pitzinna est prus arta de campanile! Etimo srd. Traduzioni Francese orgueil Inglese pride Spagnolo orgullo Italiano orgóglio Tedesco Stolz.