A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mantèdha 1 , nf, nm: mantedhu 2, montedhu, muntedhu Definizione coment'e unu pannighedhu chi si ponet a is pipios po dhis imbodhigare su culitu; a logos est fintzes su muncadoredhu Sinonimi e contrari cuatzu, culíciu Frasi tenet una criadura ancora in muntedhos ◊ dogni die li devimos samunare sos muntedhos a su pitzinnu ◊ sos mantedhos de su pitzinnu sunt ispartos pro assutare ◊ su montedhu fit de oro, sa mantíglia de brocadu Terminologia scientifica bst Etimo ltn. mantellum Traduzioni Francese couche, lange Inglese napkin Spagnolo pañal Italiano pannolino Tedesco Windel.

mantedhàda , nf: ammuntedhada, muntidhada, muntidhata Definizione puzon'e signora Sinonimi e contrari concorrúbia, grabbella, mantedhàdile, passariàngia, pitigrussa, pitilongu, sinnora Frasi sa mantedhada e s'alipinta si che tufeint lestras in sa tupa Terminologia scientifica pzn, lanius senator badius Etimo srd. Traduzioni Francese pie-grièche Inglese shrike Spagnolo alcaudón Italiano avèrla capiróssa Tedesco Korsischer Rotkopfwürger.

mantedhàda 1 , nf Definizione erva pútita, de batos, de arresfrius, genia de erba chi faet a istúrridos Sinonimi e contrari allupaguadhu 1, brunedha, erbiatus, isculabadedhas, issopo, mummuleu, sudorea Terminologia scientifica rbc, Teucrium marum.

mantedhàdile , nf: montedhàdile Definizione puzon'e signora Sinonimi e contrari ammuntedhada, grabbella, passariàngia, pitigrussa, pitilongu, sinnora Terminologia scientifica pzn, lanius senator badius Etimo srd.

mantedhàre , vrb: ammantedhai* Sinonimi e contrari ammantai / fascai.

mantédhu , nm Definizione genia de bestimentu de mannu, longu, a betare in codhos coment'e a imbodhigadura, grussu Sinonimi e contrari manteu Frasi fit totu ammuntau in su mantedhu Terminologia scientifica bst Traduzioni Francese manteau Inglese mantle Spagnolo capa Italiano mantèllo Tedesco Umhang, Mantel.

mantédhu 1 , nm: martedhu 1 Definizione genia de pische de mare: est ladu e a bisura de pigione cun is alas ispartas (o cun mantedhu), est de sa matessi genia de sa scrita, ma portat coa curtzitedha cun d-un'ispina velenosa Terminologia scientifica psc, gymnura altavela Etimo ctl. mantell.

mantédhu 2 mantèdha 1

mantèga mantèca

mantegàda mandagàda

manteghíglia , nf Definizione genia de crema, meighina de fàere a frigadura; nau in cobertantza de unu, chi est de manu istrinta, chi no giaet nudha o tropu pagu Sinonimi e contrari pumada / aggantzadu, assuriu, ingurdone, limidu, susuncu Etimo ctl. manteguilla Traduzioni Francese pommade Inglese salve Spagnolo pomada Italiano pomata Tedesco Salbe, Creme.

mantegósu , agt Definizione chi portat mantega meda Etimo srd.

mantèlla , nf Definizione genia de bestimentu a betare in codhos e in palas, curtza, a imbodhigadura Frasi tziu Sarbadori est essiu cun sa mantella ghetada in pabas.

mantellàfu mantabàfu

mantellína , nf Sinonimi e contrari mantella, mantellita.

mantellíta , nf Definizione genia de ammontu de betare in pitzu, in codhos, curtza Sinonimi e contrari mantella Frasi bestiat sempri de niedhu, a mantellita o a guefa, a velu sempri calau ma apuntau cun s'agulla a sa coronita Terminologia scientifica bst.

manteníca , nf: mantinica, mantininca, mantrinica, martinica, moltinica Definizione genia de animale de tantas arratzas, àbbile e inteligente, chi tenet cumportamentos chi assimbígiant a cussos de su cristianu, mescamente ca faet totu su chi biet faendho / martinincone: genia de moninca manna; comporai, fai o bèndiri a martinica = a s'acua, chentza èssere autorizados Sinonimi e contrari carulina, monica Frasi sos pitzinnos si che apilicabant coment'e martinicas in su muru ◊ badhat che martinica ◊ paris sa martinica bessia a fai su giogu! ◊ fiat una pipia lègia e piluda che una martinica 2. in tempus de guerra pigastis totu a martinica: pani, ollu, arrosu, su lati ◊ is piciochedhus circant istrexu antigu chi bendint a martinica ◊ candu est torrau de sordau no teniat trabballu e s'est donau a fai sa martinica Terminologia scientifica anar Etimo srd. Traduzioni Francese singe Inglese monkey Spagnolo mono Italiano scímmia Tedesco Affe.

mantenichéri , agt, nm: martinicheri, martinincheri Definizione chi o chie bendhet a martinica, chentza permissu, chie costumat a martinicare Sinonimi e contrari sfroseri Frasi ndh'apo bistu de martinicheris bendhendho cosa!…◊ unu tziu martinincheri, po fai su crepa crepa a is fillus e dhis torrai sa fúrria de no dh'ai castiau candu fiat béciu, iat lassau totu su bèni a un'amigu Etimo srd. Traduzioni Francese contrebandier Inglese smuggler, defrauder Spagnolo estafador, contrabandista Italiano contrabbandière Tedesco Schmuggler.

mantenidòre, mantenidòri , agt, nm Definizione chi o chie mantenet, chi est de foedhu, chi tenet firmesa Etimo srd.

manteniméntu , nm Definizione su mantènnere, prus che àteru nau de cantu serbit po campare a unu Sinonimi e contrari mantoloida, nordítziu Frasi pro su mantenimentu de su corpus serbit màndhigu, bidu e bestimenta.