A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

manuèsta , nf Sinonimi e contrari dereta, esta | ctr. manca Frasi a manuesta dhoi at unu muru, a manca un'istrada Etimo srd.

manufàtu , nm Definizione trebballu, faina, trastu fatu a manu, ma fintzes bastat chi siat, no importat si a manu o a màchina.

manufíca , nf Definizione prendha de coradhu, coment'e una manu pitichedha faendho is corros, chi si ponet in pitzu apicada in su tzugu po majinzu Terminologia scientifica prd Etimo srd.

manúgia , nf Definizione manera de fàere / èssiri de m. bona = de bonu augúriu Sinonimi e contrari manígiu.

manúgu mannúciu

manuíbbile maníbbili

manuíre , vrb: ammanuire, maunire Definizione pònnere in órdine, assentare, pònnere bene, arrangiare, agiustare, tènnere contu: foedhandho de animale mortu apostadamente (es. su mannale), segare is partes diferentes po comente depent serbire Sinonimi e contrari ammanitzare, manigiai, magonire / mususcai / contifizare Frasi totu sos zardineris chi recuant a su zardinu chi as manuidu in s'àndhala de sas musas (G.Mele)◊ puite est chi sa matessi providéntzia no manuit cun prus atintziones sos poberitos? (S.Are)◊ famidu ma ascamadu, no assazat cudhos macarrones ca si ammentat comente tia Larenta at maunidu sa símula Etimo itl.t ammanovire.

manúle malúne

manulèa manlèa

manuncàu , agt Definizione chi dh'ant totu tocau a manos, chi dhi ant postu is manos in pitzu in medas prus che àteru a giogu, po si ndhe godire o àteru (nau de fémina, chi at ammorau cun medas) Sinonimi e contrari apodhigadu, cariedhadu, matunzadu Frasi est a mucadori a frontedha, sciancada, tzumburuda, bisoga e sentza dentis, manuncada.

manúnta, manúntza, manúnza , nf: manuza 2, manutza Definizione sa màniga o manu de s'arau, intrada in s'isteva; donniunu de is bàtoro istantaloros o bandhelas de su telàrgiu Sinonimi e contrari manale, manile, manissa, manua Frasi boliat manigiai s'arau ma aciungiat apenas a is manutzas e dhoi podiat veti abarrai atacau Cognomi e Proverbi smb: Manunta, Manunza Terminologia scientifica msg Etimo ltn. *manucia Traduzioni Francese mancheron Inglese plough-stilt Spagnolo esteva Italiano stégola Tedesco Pflugsterz.

manuscrítu maniscrítu

manutentziòne , nf Definizione contivígiu chi si faet mescamente a màchinas, machinàrios (o fintzes àteru) a manera chi siant sèmpere de pòdere serbire, de no àere iscónciu.

manútza manúnta

manúvra manòvra

manuvrài manovrài

manúxa, manúza , nf, nm: manuzu Definizione bona capacidade de sa manu, de is manos, pratighesa faendho sa faina / àere manuza, èssere de manuza = èssiri bellu meda a trabballai cun is manus Sinonimi e contrari manu, monistru Frasi manuzu est su tuo? no bies ca custa cosa est fata male?! ◊ sa manuza chi bi at isse a s'abe est un'incantu! ◊ at una manuza fatendhe sa durcheria chi est un'ispantu! ◊ at una manuza fatendhe sas innetziones chi mancu mi las sento Etimo srd. Traduzioni Francese caractère manuel Inglese manual ability Spagnolo manualidad Italiano manualità Tedesco Handfertigkeit.

manúza 1 , nf Definizione su tanti de cosa chi cabet in sa manu / una manuza de fae, de trigu = unu punzu de fae, de trigu Sinonimi e contrari apuinada, punzu Etimo srd.

manúza 2 manúnta

manuzadòre , nm Definizione chie manuzat, istat tocandho Etimo srd.