A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

manuzadúra , nf Definizione su manuzare Etimo srd.

manuzàre , vrb: ammanutzare* Definizione tocare, pigare in manos, nau in su sensu de trebballare, manigiare Sinonimi e contrari manigiai / afarrancae, ammanucai, apodhicare, cariedhare, mangiucai Frasi est fémina chi ischit massarizare, ma it'e manuzare no bi ndh'at ◊ fint pòveros e dinari pacu ndhe manuzabant ◊ ischit manuzare su lapis, su pinzellu ◊ sa lana ocannu nos la manuzamus nois in dommo etotu.

manúzu manúxa

manzàna mangiànu

manzanàda , nf Definizione totu su tempus de unu mengianu, unu mengianu intreu Sinonimi e contrari manzanile Frasi istracu ses a mesa manzanada, apenas duas oras tzapitendhe ◊ custos cumandhos, si no los fato intro de sa manzanada, tocat a torrare ca sos ufíscios a su sero sunt serrados ◊ in montes totu sa manzanada faghet friscura in istiu puru Terminologia scientifica tpc Etimo srd. Traduzioni Francese matinée Inglese forenoon Spagnolo mañana Italiano mattinata Tedesco Vormittag.

manzanía , nf Definizione foedhandho de sa vida, is annos chi unu est pipiu, giòvono Sinonimi e contrari gioventura, picinnia Frasi sa vida mi at donadu a manzania Terminologia scientifica vda Etimo srd.

manzaníle , nm, agt Definizione mengianu chitzo, s'ora de su mengianu; de su mengianu, chi pertocat su mengianu / lentore m. = su lentori de su mangianu chitzi Sinonimi e contrari mangianedhu / manzanada / ttrs. manzaniri | ctr. serantina Frasi lestra curret s'ora a fàci'a su manzanile ◊ totu su manzanile mi est créfidu a tínghere cudha cosa ◊ in sa figu sos corvos dant s'atacu a manzanile ◊ sos pudhos fint cantendhe a manzanile 2. nàrami, lughe manzanile, custu caminu inue finit e ue comintzat? (G.Fiori)◊ totu su mundu in dainnantis tuo est che istídhiu de lentore manzanile (Bb) Etimo srd. Traduzioni Francese matinal, du matin Inglese morning Spagnolo matutino Italiano mattutino Tedesco Morgen, morgendlich.

manzànu mangiànu

manzíme , nm Sinonimi e contrari proendha.

manzíngula , nf: manzunga, mazunga, mazúngura Definizione ossu de giogare a forma de cubbu cun númeru diferente in dónnia afaciada; genia de giogu fatu betandho in pitzu de sa mesa bàtoro manzíngulas: segundhu is números chi essint, andhat su giogu Sinonimi e contrari giogulana, madrúncula Traduzioni Francese dé Inglese dice Spagnolo dado Italiano dado Tedesco Würfel.

manzíta , nf Definizione vitella de calecun'annu.

manzói , nm Definizione chi o chie papat meda o est solu interessau a papare o aprofitare si dhue at de badangiare Sinonimi e contrari mangiufoni Frasi cussu est unu bellu manzoi: cantu bosi nd'at leau? Etimo srd.

manzorràre , vrb Definizione papare meda, a tzatzadura manna Sinonimi e contrari abbentrare, abbidhiai, abbiscarzare, abbrentosicare, abbuselcare, abbuzare, afraschedhare, imbrentai.

manzorràta , nf Sinonimi e contrari abbentrada, abbrentu, abbuzada, atatada, sassada.

manzúnga manzíngula

maódhu , nm, nf: maudhu, medudhu, merudhu, meudha, meudhu, midudhu, miodhu, miudha, miudhu, moedhu, muedhu Definizione sa parte de mesu de is ossos grussos, de colore e duresa coment'e a gheladina, biancu: serbit a fàere glóbbulos orrúbios e glóbbulos biancos chi che andhant in su sàmbene; massa nervosa chi de su crebedhu s'isterret in totu su filu de s'ischina, ammontada cun is mentes fines, e de ue is nérbios s'isterrent a totu sa carena; parte de mesu fintzes de is linnas, de is truncos; si pigat coment'e símbulu de fortza / ndhe falat sa meudha de s'ischina = bi cheret irfortzu mannu, sacrifítziu meda Sinonimi e contrari majodhu, neudhu / cdh. marudha / cau 1 Frasi sezis torrados, che prima inganados de nos surzire meudhos e brios (T.Rubattu)◊ mancari in archiles paret chi apat in abbas sos meudhos, daghi iscaldit currindhe truncat s'istrada a bentu ◊ nau ca su calentori dhis murdit prupa e moedhu! (R.Locci) 2. su moedhu de sa feurra at pigau fogu Terminologia scientifica crn Etimo ltn. *medullu Traduzioni Francese moelle Inglese marrow Spagnolo médula Italiano midóllo Tedesco Knochenmark, Rückenmark.

maólu magiólu 1

Maòma , nm: Maomo, Maumma, Meomo Definizione su profeta de sa fide islàmica (bistu a bortas coment'e una cosa lègia e de tímere, a bortas coment'e un santu ma niedhu) Sinonimi e contrari Maometo Etimo spn.

maometànu , agt, nm Definizione chi o chie professat sa fide chi at predicau Maometo Sinonimi e contrari mussulmanu.

maometísmu , nm Sinonimi e contrari islamismu.