A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

manuzadúra , nf Definitzione su manuzare Ètimu srd.

manuzàre , vrb: ammanutzare* Definitzione tocare, pigare in manos, nau in su sensu de trebballare, manigiare Sinònimos e contràrios manigiai / afarrancae, ammanucai, apodhicare, cariedhare, mangiucai Frases est fémina chi ischit massarizare, ma it'e manuzare no bi ndh'at ◊ fint pòveros e dinari pacu ndhe manuzabant ◊ ischit manuzare su lapis, su pinzellu ◊ sa lana ocannu nos la manuzamus nois in dommo etotu.

manúzu manúxa

manzàna mangiànu

manzanàda , nf Definitzione totu su tempus de unu mengianu, unu mengianu intreu Sinònimos e contràrios manzanile Frases istracu ses a mesa manzanada, apenas duas oras tzapitendhe ◊ custos cumandhos, si no los fato intro de sa manzanada, tocat a torrare ca sos ufíscios a su sero sunt serrados ◊ in montes totu sa manzanada faghet friscura in istiu puru Terminologia iscientìfica tpc Ètimu srd. Tradutziones Frantzesu matinée Ingresu forenoon Ispagnolu mañana Italianu mattinata Tedescu Vormittag.

manzanía , nf Definitzione foedhandho de sa vida, is annos chi unu est pipiu, giòvono Sinònimos e contràrios gioventura, picinnia Frases sa vida mi at donadu a manzania Terminologia iscientìfica vda Ètimu srd.

manzaníle , nm, agt Definitzione mengianu chitzo, s'ora de su mengianu; de su mengianu, chi pertocat su mengianu / lentore m. = su lentori de su mangianu chitzi Sinònimos e contràrios mangianedhu / manzanada / ttrs. manzaniri | ctr. serantina Frases lestra curret s'ora a fàci'a su manzanile ◊ totu su manzanile mi est créfidu a tínghere cudha cosa ◊ in sa figu sos corvos dant s'atacu a manzanile ◊ sos pudhos fint cantendhe a manzanile 2. nàrami, lughe manzanile, custu caminu inue finit e ue comintzat? (G.Fiori)◊ totu su mundu in dainnantis tuo est che istídhiu de lentore manzanile (Bb) Ètimu srd. Tradutziones Frantzesu matinal, du matin Ingresu morning Ispagnolu matutino Italianu mattutino Tedescu Morgen, morgendlich.

manzànu mangiànu

manzíme , nm Sinònimos e contràrios proendha.

manzíngula , nf: manzunga, mazunga, mazúngura Definitzione ossu de giogare a forma de cubbu cun númeru diferente in dónnia afaciada; genia de giogu fatu betandho in pitzu de sa mesa bàtoro manzíngulas: segundhu is números chi essint, andhat su giogu Sinònimos e contràrios giogulana, madrúncula Tradutziones Frantzesu dé Ingresu dice Ispagnolu dado Italianu dado Tedescu Würfel.

manzíta , nf Definitzione vitella de calecun'annu.

manzói , nm Definitzione chi o chie papat meda o est solu interessau a papare o aprofitare si dhue at de badangiare Sinònimos e contràrios mangiufoni Frases cussu est unu bellu manzoi: cantu bosi nd'at leau? Ètimu srd.

manzorràre , vrb Definitzione papare meda, a tzatzadura manna Sinònimos e contràrios abbentrare, abbidhiai, abbiscarzare, abbrentosicare, abbuselcare, abbuzare, afraschedhare, imbrentai.

manzorràta , nf Sinònimos e contràrios abbentrada, abbrentu, abbuzada, atatada, sassada.

manzúnga manzíngula

maódhu , nm, nf: maudhu, medudhu, merudhu, meudha, meudhu, midudhu, miodhu, miudha, miudhu, moedhu, muedhu Definitzione sa parte de mesu de is ossos grussos, de colore e duresa coment'e a gheladina, biancu: serbit a fàere glóbbulos orrúbios e glóbbulos biancos chi che andhant in su sàmbene; massa nervosa chi de su crebedhu s'isterret in totu su filu de s'ischina, ammontada cun is mentes fines, e de ue is nérbios s'isterrent a totu sa carena; parte de mesu fintzes de is linnas, de is truncos; si pigat coment'e símbulu de fortza / ndhe falat sa meudha de s'ischina = bi cheret irfortzu mannu, sacrifítziu meda Sinònimos e contràrios majodhu, neudhu / cdh. marudha / cau 1 Frases sezis torrados, che prima inganados de nos surzire meudhos e brios (T.Rubattu)◊ mancari in archiles paret chi apat in abbas sos meudhos, daghi iscaldit currindhe truncat s'istrada a bentu ◊ nau ca su calentori dhis murdit prupa e moedhu! (R.Locci) 2. su moedhu de sa feurra at pigau fogu Terminologia iscientìfica crn Ètimu ltn. *medullu Tradutziones Frantzesu moelle Ingresu marrow Ispagnolu médula Italianu midóllo Tedescu Knochenmark, Rückenmark.

maólu magiólu 1

Maòma , nm: Maomo, Maumma, Meomo Definitzione su profeta de sa fide islàmica (bistu a bortas coment'e una cosa lègia e de tímere, a bortas coment'e un santu ma niedhu) Sinònimos e contràrios Maometo Ètimu spn.

maometànu , agt, nm Definitzione chi o chie professat sa fide chi at predicau Maometo Sinònimos e contràrios mussulmanu.

maometísmu , nm Sinònimos e contràrios islamismu.