A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mantèdha 1 , nf, nm: mantedhu 2, montedhu, muntedhu Definitzione coment'e unu pannighedhu chi si ponet a is pipios po dhis imbodhigare su culitu; a logos est fintzes su muncadoredhu Sinònimos e contràrios cuatzu, culíciu Frases tenet una criadura ancora in muntedhos ◊ dogni die li devimos samunare sos muntedhos a su pitzinnu ◊ sos mantedhos de su pitzinnu sunt ispartos pro assutare ◊ su montedhu fit de oro, sa mantíglia de brocadu Terminologia iscientìfica bst Ètimu ltn. mantellum Tradutziones Frantzesu couche, lange Ingresu napkin Ispagnolu pañal Italianu pannolino Tedescu Windel.

mantedhàda , nf: ammuntedhada, muntidhada, muntidhata Definitzione puzon'e signora Sinònimos e contràrios concorrúbia, grabbella, mantedhàdile, passariàngia, pitigrussa, pitilongu, sinnora Frases sa mantedhada e s'alipinta si che tufeint lestras in sa tupa Terminologia iscientìfica pzn, lanius senator badius Ètimu srd. Tradutziones Frantzesu pie-grièche Ingresu shrike Ispagnolu alcaudón Italianu avèrla capiróssa Tedescu Korsischer Rotkopfwürger.

mantedhàda 1 , nf Definitzione erva pútita, de batos, de arresfrius, genia de erba chi faet a istúrridos Sinònimos e contràrios allupaguadhu 1, brunedha, erbiatus, isculabadedhas, issopo, mummuleu, sudorea Terminologia iscientìfica rbc, Teucrium marum.

mantedhàdile , nf: montedhàdile Definitzione puzon'e signora Sinònimos e contràrios ammuntedhada, grabbella, passariàngia, pitigrussa, pitilongu, sinnora Terminologia iscientìfica pzn, lanius senator badius Ètimu srd.

mantedhàre , vrb: ammantedhai* Sinònimos e contràrios ammantai / fascai.

mantédhu , nm Definitzione genia de bestimentu de mannu, longu, a betare in codhos coment'e a imbodhigadura, grussu Sinònimos e contràrios manteu Frases fit totu ammuntau in su mantedhu Terminologia iscientìfica bst Tradutziones Frantzesu manteau Ingresu mantle Ispagnolu capa Italianu mantèllo Tedescu Umhang, Mantel.

mantédhu 1 , nm: martedhu 1 Definitzione genia de pische de mare: est ladu e a bisura de pigione cun is alas ispartas (o cun mantedhu), est de sa matessi genia de sa scrita, ma portat coa curtzitedha cun d-un'ispina velenosa Terminologia iscientìfica psc, gymnura altavela Ètimu ctl. mantell.

mantédhu 2 mantèdha 1

mantèga mantèca

mantegàda mandagàda

manteghíglia , nf Definitzione genia de crema, meighina de fàere a frigadura; nau in cobertantza de unu, chi est de manu istrinta, chi no giaet nudha o tropu pagu Sinònimos e contràrios pumada / aggantzadu, assuriu, ingurdone, limidu, susuncu Ètimu ctl. manteguilla Tradutziones Frantzesu pommade Ingresu salve Ispagnolu pomada Italianu pomata Tedescu Salbe, Creme.

mantegósu , agt Definitzione chi portat mantega meda Ètimu srd.

mantèlla , nf Definitzione genia de bestimentu a betare in codhos e in palas, curtza, a imbodhigadura Frases tziu Sarbadori est essiu cun sa mantella ghetada in pabas.

mantellàfu mantabàfu

mantellína , nf Sinònimos e contràrios mantella, mantellita.

mantellíta , nf Definitzione genia de ammontu de betare in pitzu, in codhos, curtza Sinònimos e contràrios mantella Frases bestiat sempri de niedhu, a mantellita o a guefa, a velu sempri calau ma apuntau cun s'agulla a sa coronita Terminologia iscientìfica bst.

manteníca , nf: mantinica, mantininca, mantrinica, martinica, moltinica Definitzione genia de animale de tantas arratzas, àbbile e inteligente, chi tenet cumportamentos chi assimbígiant a cussos de su cristianu, mescamente ca faet totu su chi biet faendho / martinincone: genia de moninca manna; comporai, fai o bèndiri a martinica = a s'acua, chentza èssere autorizados Sinònimos e contràrios carulina, monica Frases sos pitzinnos si che apilicabant coment'e martinicas in su muru ◊ badhat che martinica ◊ paris sa martinica bessia a fai su giogu! ◊ fiat una pipia lègia e piluda che una martinica 2. in tempus de guerra pigastis totu a martinica: pani, ollu, arrosu, su lati ◊ is piciochedhus circant istrexu antigu chi bendint a martinica ◊ candu est torrau de sordau no teniat trabballu e s'est donau a fai sa martinica Terminologia iscientìfica anar Ètimu srd. Tradutziones Frantzesu singe Ingresu monkey Ispagnolu mono Italianu scímmia Tedescu Affe.

mantenichéri , agt, nm: martinicheri, martinincheri Definitzione chi o chie bendhet a martinica, chentza permissu, chie costumat a martinicare Sinònimos e contràrios sfroseri Frases ndh'apo bistu de martinicheris bendhendho cosa!…◊ unu tziu martinincheri, po fai su crepa crepa a is fillus e dhis torrai sa fúrria de no dh'ai castiau candu fiat béciu, iat lassau totu su bèni a un'amigu Ètimu srd. Tradutziones Frantzesu contrebandier Ingresu smuggler, defrauder Ispagnolu estafador, contrabandista Italianu contrabbandière Tedescu Schmuggler.

mantenidòre, mantenidòri , agt, nm Definitzione chi o chie mantenet, chi est de foedhu, chi tenet firmesa Ètimu srd.

manteniméntu , nm Definitzione su mantènnere, prus che àteru nau de cantu serbit po campare a unu Sinònimos e contràrios mantoloida, nordítziu Frases pro su mantenimentu de su corpus serbit màndhigu, bidu e bestimenta.