A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mantèdha 1 , nf, nm: mantedhu 2, montedhu, muntedhu Definition coment'e unu pannighedhu chi si ponet a is pipios po dhis imbodhigare su culitu; a logos est fintzes su muncadoredhu Synonyms e antonyms cuatzu, culíciu Sentences tenet una criadura ancora in muntedhos ◊ dogni die li devimos samunare sos muntedhos a su pitzinnu ◊ sos mantedhos de su pitzinnu sunt ispartos pro assutare ◊ su montedhu fit de oro, sa mantíglia de brocadu Scientific Terminology bst Etymon ltn. mantellum Translations French couche, lange English napkin Spanish pañal Italian pannolino German Windel.

mantedhàda , nf: ammuntedhada, muntidhada, muntidhata Definition puzon'e signora Synonyms e antonyms concorrúbia, grabbella, mantedhàdile, passariàngia, pitigrussa, pitilongu, sinnora Sentences sa mantedhada e s'alipinta si che tufeint lestras in sa tupa Scientific Terminology pzn, lanius senator badius Etymon srd. Translations French pie-grièche English shrike Spanish alcaudón Italian avèrla capiróssa German Korsischer Rotkopfwürger.

mantedhàda 1 , nf Definition erva pútita, de batos, de arresfrius, genia de erba chi faet a istúrridos Synonyms e antonyms allupaguadhu 1, brunedha, erbiatus, isculabadedhas, issopo, mummuleu, sudorea Scientific Terminology rbc, Teucrium marum.

mantedhàdile , nf: montedhàdile Definition puzon'e signora Synonyms e antonyms ammuntedhada, grabbella, passariàngia, pitigrussa, pitilongu, sinnora Scientific Terminology pzn, lanius senator badius Etymon srd.

mantedhàre , vrb: ammantedhai* Synonyms e antonyms ammantai / fascai.

mantédhu , nm Definition genia de bestimentu de mannu, longu, a betare in codhos coment'e a imbodhigadura, grussu Synonyms e antonyms manteu Sentences fit totu ammuntau in su mantedhu Scientific Terminology bst Translations French manteau English mantle Spanish capa Italian mantèllo German Umhang, Mantel.

mantédhu 1 , nm: martedhu 1 Definition genia de pische de mare: est ladu e a bisura de pigione cun is alas ispartas (o cun mantedhu), est de sa matessi genia de sa scrita, ma portat coa curtzitedha cun d-un'ispina velenosa Scientific Terminology psc, gymnura altavela Etymon ctl. mantell.

mantédhu 2 mantèdha 1

mantèga mantèca

mantegàda mandagàda

manteghíglia , nf Definition genia de crema, meighina de fàere a frigadura; nau in cobertantza de unu, chi est de manu istrinta, chi no giaet nudha o tropu pagu Synonyms e antonyms pumada / aggantzadu, assuriu, ingurdone, limidu, susuncu Etymon ctl. manteguilla Translations French pommade English salve Spanish pomada Italian pomata German Salbe, Creme.

mantegósu , agt Definition chi portat mantega meda Etymon srd.

mantèlla , nf Definition genia de bestimentu a betare in codhos e in palas, curtza, a imbodhigadura Sentences tziu Sarbadori est essiu cun sa mantella ghetada in pabas.

mantellàfu mantabàfu

mantellína , nf Synonyms e antonyms mantella, mantellita.

mantellíta , nf Definition genia de ammontu de betare in pitzu, in codhos, curtza Synonyms e antonyms mantella Sentences bestiat sempri de niedhu, a mantellita o a guefa, a velu sempri calau ma apuntau cun s'agulla a sa coronita Scientific Terminology bst.

manteníca , nf: mantinica, mantininca, mantrinica, martinica, moltinica Definition genia de animale de tantas arratzas, àbbile e inteligente, chi tenet cumportamentos chi assimbígiant a cussos de su cristianu, mescamente ca faet totu su chi biet faendho / martinincone: genia de moninca manna; comporai, fai o bèndiri a martinica = a s'acua, chentza èssere autorizados Synonyms e antonyms carulina, monica Sentences sos pitzinnos si che apilicabant coment'e martinicas in su muru ◊ badhat che martinica ◊ paris sa martinica bessia a fai su giogu! ◊ fiat una pipia lègia e piluda che una martinica 2. in tempus de guerra pigastis totu a martinica: pani, ollu, arrosu, su lati ◊ is piciochedhus circant istrexu antigu chi bendint a martinica ◊ candu est torrau de sordau no teniat trabballu e s'est donau a fai sa martinica Scientific Terminology anar Etymon srd. Translations French singe English monkey Spanish mono Italian scímmia German Affe.

mantenichéri , agt, nm: martinicheri, martinincheri Definition chi o chie bendhet a martinica, chentza permissu, chie costumat a martinicare Synonyms e antonyms sfroseri Sentences ndh'apo bistu de martinicheris bendhendho cosa!…◊ unu tziu martinincheri, po fai su crepa crepa a is fillus e dhis torrai sa fúrria de no dh'ai castiau candu fiat béciu, iat lassau totu su bèni a un'amigu Etymon srd. Translations French contrebandier English smuggler, defrauder Spanish estafador, contrabandista Italian contrabbandière German Schmuggler.

mantenidòre, mantenidòri , agt, nm Definition chi o chie mantenet, chi est de foedhu, chi tenet firmesa Etymon srd.

manteniméntu , nm Definition su mantènnere, prus che àteru nau de cantu serbit po campare a unu Synonyms e antonyms mantoloida, nordítziu Sentences pro su mantenimentu de su corpus serbit màndhigu, bidu e bestimenta.