A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

manorbería , nf Definition manorbas, totu is manorbas, su fàere de manorba Synonyms e antonyms manialaza, manialia.

manósu , agt Definition prus che àteru nau de ccn., chi est a sa manu, chi si lassat dominare in su sensu chi adduit, chi lassat cúrrere; si narat fintzes in su sensu de àbbile, capassu, de manos bonas faendho faina / m. a… = chi adduit, chi est dispostu o sugetu a calecuna cosa; m. a… (parte de sa carena) = chi sufrit a…, sugetu meda a sufrire de… Synonyms e antonyms maníbbili, masedu 2. dèu seu manosu a crei totu su chi mi nant (G.Pili) 3. su pipiu est manosu a s'arresfriu ◊ custu est manosu a arrúiri Etymon srd. Translations French affable, enclin English incline, reasonable Spanish comprensivo, tolerante Italian trattàbile, proclive, incline German umgänglich, konziliant.

manotàda , nf Definition cropu giau cun sa manu Synonyms e antonyms cabbessu, irbatulada, mantuada Etymon ctl. manotada.

manòtze , nm Definition manu manna, debberone Sentences a s'ómine tzigante lu sont ghiranne presu, cun sos manotzes vene ligatos Etymon srd.

manòvra , nf: manuvra Definition movimentu, movimentos chi si faent mescamente po mòvere calecuna cosa grae meda, manna, o fintzes de una faina longa e difícile Synonyms e antonyms manígiu Sentences sos trenos faghent manovra in sas istatziones pro leare e atacare sos vogones apare Etymon itl.

manovradòre , nm Definition chie faet manovra.

manovrài, manovràre , vrb: manuvrai Definition fàere manovra.

mansídha , nf: massidha Definition de is duos ossos chi portant is dentes, pruschetotu sa parte de pitzu (ma si narat de sa barra de asuta puru); sa parte prus in artu de is trempas, sa trempa etotu Synonyms e antonyms massidhale / càvanu, trempa Sentences fit frobbíndhesi sas làcrimas dae sas massidhas, rujas a fortza de las fricare ◊ tenit su fronti ispatziosu, nasu bèni profilau chi parit èssi pintau, is massidhas purpurinas, is làvuras coradhinas (L.Matta) 2. una làcrima caente làssinat in sa massidha… Surnames and Proverbs smb: Massidda Scientific Terminology crn Etymon ltn. maxilla Translations French mâchoire, joue English jaw, cheek Spanish mandíbula, mejilla Italian mascèlla, ganàscia, gòta German Kiefer, Wange, Backe.

mànta , nf: ammanta, màntua Definition ammontu prus che àteru lébiu, de pònnere a pígiu de pitzu in su letu, in pitzu de s'àteru ammontu; su pilu (e colore) de un'animale Synonyms e antonyms coce / bentina, intinnu Sentences sa manta chi zuchio a cuzicura dae su letu mi ndhe ant istratzadu ◊ at pigau sa manta de su letu e dh’at ghetada in palas de su béciu ◊ su pipiu in su letu s’acugúciat asuta de is mantas po iscadhiai su perígulu Surnames and Proverbs smb: Manta Scientific Terminology ts Etymon ctl., spn. manta Translations French couvre-lit English bedcover Spanish colcha, capa Italian coprilètto German Tagesdecke.

mantabàfu , nm: mantalafu, mantalassu, mantellafu, matalafu, matalatzu, matelafu, mentelafu Definition modhita, una genia de sacone (o camisa) prenu a pígiu grussu parívile de cosa modhe (lana, crinu, àteru) po letu, largu e longu su matessi tanti de su letu, cun puntos de tretu in tretu a manera de agguantare su prenimentu istérriu chentza si ammuntonare o fàere a fossu / m. de sacu = sacone; m. corciau = cun sos puntos postos de parte a parte pro muntènnere sa lana istérrida frimma e parívile Synonyms e antonyms bainta, ballita, istrabunta, sabanita, tramata 1 Sentences teniat su matalafu de sacu prenu a mamma de sèssiri ◊ soi dépia andai a dommu de Luigina po dhi fai su mantalafu Etymon ctl. matalaf, matalàs Translations French matelas English mattress Spanish colchón Italian materasso German Matratze.

mantadínu , agt: montadinu Definition nau de animales de bentina niedha o iscuriosa meda, chi portant in s'ischina una mància longa de diferente colore (es. biancu, chisinatu) Synonyms e antonyms montadu Sentences sa craba mia est una múdula bella mantadina ◊ mi apo comporau unu zubitu montadinu Etymon srd.

mantalàfu, mantalàssu mantabàfu

mantalàtzu , nm Definition ammontu grussu, de letu Synonyms e antonyms coce.

mantàma , nm Definition un'èssere pentzau coment'e cosa chi faet a tímere Synonyms e antonyms fantàsima, malmuntone, mantuma, pantama, pantuma, pupurru.

mantamèsa , nf Synonyms e antonyms tiàgia Etymon srd.

mantaràgius , nm pl Definition genia de barracu, aprigu inue si ponet sa tunnina apenas piscada, piscandhodha Etymon itl.s marfarággiu.

mantàu , agt Definition nau de boe, chi portat sa bentre de colore biancu Etymon srd.

mantèca , nf: mantega, monteca, munteca Definition su pígiu chi ponet a su late, prus che àteru sa parte prus grassa; a logos, genia de cosa bianca chi bogant is ogos malesanos Synonyms e antonyms botirru, ozugasu, teizone / tzidhica Sentences za fint cosa de bíere cussos durches chin sa pasta violada chin munteca!…◊ a sa zente débbile li dant sa munteca pro la sanare Surnames and Proverbs smb: Mantecca, Mantega Scientific Terminology mng Translations French crème English cream Spanish nata Italian panna German Haut, Rahm.

mantecàda , nf Definition pígiu de manteca chi si ponet a unos cantu druches.

mantèdha , nf Definition min. de manta, ammontu piticu po pipiu, a betare in pitzu de su brasciolu Sentences sonnat mantedhas de pipiu po su bartzolu e tiallas pintadas po s'incúngia Scientific Terminology ts Translations French couverture English small cover Spanish manta Italian copertina German Babydecke.