Ditzionàriu in línia
de sa limba e de sa cultura sarda

mannariòne , agt Definitzione nau pruschetotu de gente, chi est créschiu, mannitu de carena, de tempus Sinònimos e contràrios mannàciu, mannu Ètimu srd.

mannarítzu mannalíciu

mannatàriu mandatàriu

mannàtzu mannàciu

mannàu mannài 1

mannèdha , nf Definitzione sa mama de sa mama, sa mama de su babbu Sinònimos e contràrios aba 1, ajaja, bisàgia, donnamanna, mannai, minnanna, tiatia Frases mamma fit istata un’ustrina vona falata dae Deus in domo de mannedha mea ◊ nois aiamus fradiles de babbu òrfanos, fizos de una sorre de mannedha, chi s'aiant pesadu sas sorres baxanas Terminologia iscientìfica ptl Tradutziones Frantzesu grand-mère Ingresu grandmother Ispagnolu abuela Italianu nònna Tedescu Großmutter.

mannédhu , nm Definitzione parente, su babbu de sa mama, su babbu de su babbu Sinònimos e contràrios ajaju, bisàgiu, donnumannu, mannoi, minnannu, nannai, tadaju Frases mannedhu m’iat nau ca biviant in is domos fatas de ludu e paxa ◊ mannedhu aiat bautu su mulinu dae Continente Sambenados e Provèrbios smb: Manneddu Terminologia iscientìfica ptl Ètimu srd. Tradutziones Frantzesu grand-père Ingresu granfather Ispagnolu abuelo Italianu nònno Tedescu Großvater.

mannédhu 1 , nm Definitzione laore messau acapiau a fasche Sinònimos e contràrios manna, mannúciu.

mannédhu 2 , agt Sinònimos e contràrios mannitu, matucu Frases de is fillus, su mannedhu est in s'iscola média.

mannèsa , nf Definitzione su tanti chi est manna una cosa; s'importu, sa mannària morale de unu o de una chistione e fintzes bàntidu, su bene chi si ndhe podet nàrrere Sinònimos e contràrios mannària Frases de tintas e de mannesa s'abe reina est piús giara de sas àteras ◊ s'idiat a levante una lugura, adhane, in su bassu firmamentu, fatu fatu andhendhe in aumentu in mannesa, in giaria e in bellura (P.Sulis) 2. l'amus a mannesa ca tue ses sintzeru e bonu ◊ su cuntzetu sou no lu negat mancu pro su martúriu, antzis l'at a mannesa e ndhe dat prou ◊ at bidu sa mannesa de Deus Tradutziones Frantzesu grandeur Ingresu size, greatness, grandeur Ispagnolu tamaño, magnitud, grandeza Italianu grandézza Tedescu Größe.

mannésia magnésia

manniài , vrb: ammanniai* Definitzione fàere mannu, a mannu Sinònimos e contràrios acrèschere, immannitare | ctr. impiticai, irminorigare, torrae.

manniantésimu , nm Sinònimos e contràrios altivesa, barrosia, chibberesa, intreore, madérria, magnosidade, mannidade Ètimu srd.

mannicantínu , agt Definitzione nau de unu, chi papat, papat meda; nau de cosa, chi est bona a papare, chi si papat Sinònimos e contràrios manicantinu, mastigajolu, papadore Frases bi at pitzinnos vonos e malos, brenniosos e aficatos a sos libbros, linghesos e mannicantinos 2. est essita a ghirare erva mannicantina: finucru, veta, gardu e àteru Ètimu srd. Tradutziones Frantzesu comestible Ingresu edible Ispagnolu comestible Italianu mangeréccio Tedescu eßbar.

mannicàre mandhicàre

mannicàta , nf Sinònimos e contràrios abbuzada, atatamacada, fauzu, papada, satzada Ètimu srd.

mannicatòglia mandhigadòlza

mannidàde , nf Definitzione su èssere mannos de tempus, de annos, o fintzes de importu, ma pruschetotu su si crèdere a tropu, su si crèdere de importu prus mannu de su chi si tenet Sinònimos e contràrios altària, altivesa, barrosia, chibberesa, intreore, madérria, magnosidade, manniantésimu Frases dae candho so intrada in mannidade apo pedidu a su coro sa giae pro intrare in s'abbitu de s'onestade (L.Mudadu) 2. Deus fachet connòschere sa poténtzia e sa mannidade sua 3. Deu, sempre m'agiuas a suportare tanta mannidade chi est in s'umanidade, chi no at caras sas òperas tuas! (G.A.Cossu)◊ at una mannidade cussa fémina chi no benit a bene! ◊ sa mannidade atirat s'ódiu ◊ mannidade nachi siat, putzidha! Ètimu srd. Tradutziones Frantzesu orgueil, vanité Ingresu pride Ispagnolu soberbia Italianu supèrbia Tedescu Hochmut, Stolz.

manniénscia , nf Definitzione sentidu de presuntzione, in su sensu de si crèdere meda, de importu Sinònimos e contràrios magnosidade, mannitúdine, mannosia.

mannigadòre mandhicatòre