A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

manifestài, manifestàre , vrb Definizione giare a bíere, ammostare, nau mescamente po is ideas, sa volontade a favore o in contràriu de calecuna cosa.

manifestatziòne , nf Definizione atóbiu púbblicu chi si faet a favore o in contràriu de calecuna cosa o chistione po giare a bíere de comente, cudhos chi dhue andhant, dha pentzant o bolent.

maniféstu , nm Definizione paperi iscritu de pònnere in logu púbblicu po fàere ischire ccn. sceda Sinonimi e contrari afissu 1 Traduzioni Francese affiche Inglese poster Spagnolo manifiesto Italiano manifèsto Tedesco Plakat.

màniga maínga

màniga 1 , nf: Definizione mànigas de sartitza = lobos de sartitzu Sinonimi e contrari crobu 1 Etimo srd.

màniga 2 màiga

màniga 3 , nf: màriga Definizione genia de istrégiu de terra, tundhu, a bentre in mesu, cun duas asas (a logos: brotzuitus) de mesania a su tzugu, a buca istrinta, po abba Sinonimi e contrari broca, pitzaredha Modi di dire csn: pròiri a màrigas = pròere a dellúbbiu; marighedha de carrúciu = maschinganna, morisca créschida in mesu de sa tàula; s'eca de is màrigas = zenia de armàriu a pònnere sas brocas de s'abba; segai sa marighedha (in suspu)= fai su scioncu, fuire su cadhu, imprinzare innantis de isposare, sendhe fidantzados; su giogu de is marighedhas = zenia de zogu de pisedhos chi si ponent unu pagu apispirinados e cun sas manos in chitu a zisa de broca: àteros duos colant, la tochedhant in conca e si no faghet sonu de cannidura si che leant sa 'marighedha' tenta a sas asas fintzas chi agguantat chentza… si segare Frasi ci funt pòburus chi non tenint casi casi àcua in sa màriga Cognomi e Proverbi smb: Maniga, Manigas, Mariga Terminologia scientifica stz Etimo srdn. Traduzioni Francese broc, cruche, amphore Inglese pitcher Spagnolo jarra, jarro Italiano bròcca, ànfora Tedesco Krug.

manigadòre manicadòre

manigagiólu , agt Definizione chi mànigat, arrechedit a papare, ispàciat (nau fintzes de male) Sinonimi e contrari mandhicatore.

manigànte , agt, nm Sinonimi e contrari assuriu, manighile Frasi s'ómine chi campat isfrutendhe su triballu de sos àteros no est un'ómine: est unu manigante! (G.B.Fressura) Etimo srd.

manigantzínu manicantínu

manigàre manicàre

manigasàmbene , agt, nm Definizione nau de ccn., chi o chie traighet is suos etotu (is de su matessi sàmbene), chi est chentza piedu nudha Sinonimi e contrari isferitzadu Frasi chi so manigasàmbene mi acusades, isveniadu, malu e contularzu Etimo srd.

manigàu , agt Definizione chi dhi mancat una manu Sinonimi e contrari manimutzu, múcuru, smanau Frasi si sa manu tua ti portat a su mali, segandedha: est mellus a intrai in sa vera vida manigau chi no èssi ghetau in su fogu chi no sentzat (Ev) Traduzioni Francese manchot Inglese maimed Spagnolo manco Italiano mónco Tedesco einarmig.

maníghe maínga

manighèdha , nf Definizione min. de màniga; una genia de orrolu largu in is brúcios de su bestimentu Sinonimi e contrari manighita, manighitu, manissu.

manighèdha 1 , nf: manixedha Definizione min. de manu, manu minore, de pipiu Sinonimi e contrari manedha, maninchedha.

manighíle , agt, nm Definizione chi o chie aprofitat pruschetotu de su podere púbblicu po fàere afàrios e torracontos privaos suos Sinonimi e contrari mandhigajolu, manigante, papadore Frasi in bidha prus de unu contat cantu su foghile: bi sunt zustu in su comunu de apozu a su manighile (A.F.Muredda)◊ regalos a sos manighiles no ndhe faghiant e menzus ant emigradu Etimo srd. Traduzioni Francese concussionnaire Inglese extortioner Spagnolo concusionario Italiano concussionàrio Tedesco erpresserisch, Erpresser.

manighíle 1 manaxíli

manighinzàre mandhighinzàre