A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mànghina , nf Definizione genia de ingannu Sinonimi e contrari màngana, manganella Cognomi e Proverbi smb: Manghina Etimo srd. Traduzioni Francese duperie Inglese prank Spagnolo malabarismo Italiano gherminèlla Tedesco Schlich, Trick.

manghinèlla manganèlla

mànghinu , agt Definizione chi ingannat, chi faet fintas, mànghinas, chi est falsu Sinonimi e contrari afrascadore, arrebuseri, fraitzu, imbodhiosu, imbusteri, inganneri, tramposu, trasseri Etimo srd.

manghítu , nm: mangitu Definizione una genia de mànigas curtzas chi si bestint in bratzos messandho o iserbandho is laores Sinonimi e contrari manaxili, manile Etimo srd.

mangiafràncu , agt, nm Definizione chi o chie aprofitat de is cosas angenas, a papare in donu / bíviri a m. = a gastos de àtere Sinonimi e contrari bardotu, brunzeri, ispiligamba, smurfidori Etimo itl. mangiafranco.

mangiamò , nm: angiamò* Definizione in Castedhu, su preide chi betat s'abbasanta, a Pascamanna Frasi su mangiamò no est ancora beniu a benedíxiri sa domu.

mangianédhu , nm: manzanedhu Definizione su mengianu chitzo; min. de mangianu, cun valore de calidade, nau de tempus malu Sinonimi e contrari manzanile Frasi dugna santa dí andat a sa primu missa a mengianedhu chitzi ◊ su meri est essiu a mengianedhu a circai genti a trabballai ◊ andaus a mengianedhu ca a tradu fait basca 2. manzanedhu su chi at fatu: unu bentu chi no faghiat a parare in logu! ◊ unu manzanedhu de ghidhighia mi so incaminadu a campagna.

mangiànu , nm, nf, avb: manzana, manzanu, megnanu, mengianu, menzanu, mignanu, mingianu Definizione sa primu parte de una die, de s'abbréschia fintzes a mesudie; nau a solu, s'incràs mengianu, su mengianu apustis de sa die presente / min. manzanedhu, mangianedhu (e fintzes mengianedhedhu)= a primu manzanu, a manzanu ancora chito (ma, segundhu comente si narat, fintzas manzanu malu); su manzanu balet fintzas cussu manzanu; s'incràs m. = su mengianu de sa die apustis de una calesiògiat die Sinonimi e contrari | ctr. deice, sero Frasi su mengianu sa mama ndhe pesat is piciochedhos dea su letu po dhos mandhare a iscola ◊ dogni megnanu tiatia faet s'acostada a crésia ◊ su mengianu est de s'arbescidórgiu a mesudí ◊ oe est una manzana bella ◊ si ndh'est pesadu a manzanedhu ◊ su maridu su manzanu giuchiat sa luna a tónchinu ◊ su mignanu sa pipia pesat acoitu e annat a iscola ◊ intendhia sas vacas muliendhe, brincaiant sos bijos su mangianu…◊ su mingianu apustis is massàgias faiant is cocois e sa pintandàina ◊ s'incràs manzanu mi ndhe so pesadu chito 2. bae e corcadiche ca manzanu depes pesare chito! ◊ si no ti poto sighire oe ti apo a sighire manzanu ◊ a cheret pònnere sa posta chi manzanu peso piús chitzo de vostè?! 3. manzanedhu su chi at fatu, oe, cun cussu bentu!…◊ cuss'ómini passat dónnia mengianedhedhu ananti de domu mia Terminologia scientifica sdi Etimo ltn. *maneanus Traduzioni Francese matin, demain matin Inglese morning Spagnolo mañana, mañana por la mañana Italiano mattina, mattino, domattina Tedesco Morgen, morgen.

mangioràu , nm Definizione genia de papare: pane fatu a supa cun arrescotu Terminologia scientifica mng.

mangítu manghítu

mangiucadúra , nf Definizione su mangiucai, su fàere is cosas male Sinonimi e contrari abbunzadura, coredhu, improdhu Etimo srd.

mangiucài , vrb: ammangiucai Definizione su chi faent is tocaredhos, istare tocandho, totu, cricandho, iscorrovedhandho Sinonimi e contrari ammanucai, fodichinare Frasi dh'eus postu cosa manna ananti, a sa computera, ca assinuncas is pipius bandhant a mangiucai Etimo itl. mangiucare Traduzioni Francese fouiller Inglese to search Spagnolo hurgar Italiano frugare Tedesco stöbern.

mangiúcu , nm Definizione unu papare fatu male; cosa fata male, a improdhu, cosas ammesturadas apare chentza critériu Sinonimi e contrari mandhufu / abbaunzu, abbunzadura, aciorodhu, afioncu, coredhu, improdhu, indróvigu Frasi po ghisau coxinas tui etotu su mangiucu chi ti tenit in pei ◊ is malis no si sanant cun mangiucus de erbas ammesturadas a farra de corru abbrabau! 2. no seu aici basucu: si nci ant fatu mangiucu, in su binu, dhu connòsciu de s'arrastu Etimo srd. Traduzioni Francese mixture, mélange Inglese swill, muddle Spagnolo brebaje, potingue, mejunje Italiano intrùglio Tedesco Fraß, Mischmasch.

mangiúdhu , nm Definizione cosa de papare Sinonimi e contrari mandugu Frasi tra munisciones de mangiudhu e binos sas duas partes fint sempre in comítziu (S.Casu).

mangiúfa , nf Definizione cosa bona, licante, a papare Sinonimi e contrari apetitoja, gulosina, licantzadoria, licantzúmene, mangiusta, pititeria Etimo srd.

mangiufài , vrb Definizione papare cun apetitu meda Sinonimi e contrari acamufai, allufiai, atafiai, mangiustai, scantusciai.

mangiufòni , agt, nm Definizione chi o chie papat meda Sinonimi e contrari allambridu, allupidu, bentranu, buconeri, mandhigone, pasteri, sassagoni Etimo srd.

mangiústa , nf Definizione cosa a papare licante, saboria meda Sinonimi e contrari licaldadoria, licaldúmini, licantzadoria.

mangiustài , vrb Definizione papare cun apetitu meda Sinonimi e contrari acamufai, allufiai, atafiai, mangiufai, scantusciai.

mangòne , agt, nm: mangoni 1 Definizione nau a disprétziu de unu po su pagu crabbu; genia de bobboi chi faet in logos de umidore, mescamente aintru de domo, de colore agiummai niedhu Sinonimi e contrari babbasaju, buvone, cadalana, partabúdiga, paulina, sasàgia, scarfajoni Frasi cussu est unu mangoni, no aguantat nudha in manus! Cognomi e Proverbi smb: Mangone, Mangoni Etimo spn. mangón.