A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

precòne pragòni

precòne 1 , nm Definition buidu mannu in is orrocas Synonyms e antonyms pèlcia Sentences innanti su pastore si aprigàt in su precone, ma oe in monte at aposentu e coghina ◊ fut cuau aintru de unu precone.

precontàre , vrb: precuntare, pregontai, preguntai, preguntare, priguntare, progontai Definition fàere pregontas, dimandhas, foedhare po bòllere ischire de is àteros ccn. cosa, o fintzes po pigare o tènnere cosa Synonyms e antonyms chilcare, dimandhare, imbistigare, ispreculare, istigare, isuzigare, speculai / pedie | ctr. arraspundi, dare Sentences precuntat chercos, élighes, ozastros comente sunt naschidos ◊ bos cherzo preguntare: De chie est su pitzinnu chi ninnades? ◊ comare mia, odheu, de ite cosa mi azis preguntadu! ◊ unu carabbineri mi at progontau innoi bivias ◊ su pitzinnu si ch'est drommidu in coa in su menzus preguntare ◊ si est presentau pregontendi si fiant cussas is chi fiat circhendi 2. at pregontau un'ou a sa gomai Etymon ltn. percontare Translations French interroger, demander English to ask Spanish preguntar Italian interrogare, domandare German befragen, fragen.

precóntu , nm: pregontu, preguntu Definition su dimandhare, su istare pregontandho cosa po bòllere ischire, o fintzes po àere, tènnere cosa Synonyms e antonyms imbístigu, perrogu, preguntada / cdh. pricontu Idioms csn: fàghere pregontu = dimandhare; a pregontu = a imbístigu, dimandhendhe, imbistighendhe; fàghere pregontu de ccn. = fàghere contu de unu dimandhendhe comente istat Sentences de te fetant pregontu che de una balente! ◊ pro su pregontu chi mi ant a fàghere cheret chi andhe ◊ de me ti ammenta, fàghendhe pregontu, màndhami in segretesa un'imbasciada! 2. isse andhaiat in giru a pregontu, sempre in chirca de ischire cosa ◊ totu a pregontu, ma gei dh'apu agatau Etymon srd.

precónzu , nm Definition su pregare, su istare pregandho, istare a pregadorias pedindho Synonyms e antonyms precadoria Etymon srd.

precossàre percossàre

precúnta percúnta

precuntàre precontàre

precurài, precuràre pelcuràre

prèda pèdra

predabbràva , nf: pretabbrava Definition sorfatu de arràmene apedrau Sentences samunaiant su trigu in predabbrava, innantis de lu semenare Etymon itl. pietra brava.

predàche, predàghe pedràghe

predàili , nm, agt Definition logu de orrocas, totu orroca lisa; chi est che pedra (béciu p.) Synonyms e antonyms pedraju, pedrera, pedriaxu / pedrale Sentences torrandho a sa predàili de Nigola Orrú apo inténdhiu unu spulichistu. Scientific Terminology slg.

predàle pedràle

predalònga , nf Definition perda fita, fichia, prantada: pedra trebballada, picada pagu o deunudotu, de s'antigóriu prus mannu, símbulu de is divinidades o adoradas che divinidades etotu Synonyms e antonyms pedravita Scientific Terminology opan Etymon srd.

predàmene peideràmine

predamodhàju , nm Definition bogadore de pedra modhe (tarcu) Sentences sunt sos predamodhajos discuntentos ca non bastat s'issoro zorronada Etymon srd.

predamòdhe , nf Definition genia de minerale biancu, coment'e pedra morta ma sidhada, lisa a dha tocare: si agatat mescamente in is montes e minieras de Orane Synonyms e antonyms sinnadora, talcu Scientific Terminology mnr Etymon srd.

predamólina , nf Definition genia de pedra niedha (dhi narant fintzes màrmuri niedhu), essia de is vulcanos Synonyms e antonyms basartu Scientific Terminology mnr Etymon srd. Translations French basalte English basalt Spanish basalto Italian basalto German Basalt.

predampè , nn Definition preda in pè: in su giogu de sa càmpana (a pincaredhu), giru de totu is casellas cun sa pedrighedha posta in pitzu de su pei (su predamanu si faet cun sa preda in pitzu de sa manu) Sentences fatu su primu giru, si fait predampè: si ponit sa preda in pitzu de su pè e si torrat a fàiri s'ingíriu de totu sa càmpana Etymon srd.