A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

vissiàdu visciàdu

vissiàre , vrb: afissiai*, fissiare, vitziai, vitziare Definition pònnere o pigare vítzios Synonyms e antonyms addengae, imbissiare.

vissiàtu visciàdu

víssiu, víssu vísciu

vísta , nf: bista Definition sa capacidade de bíere, distínghere o connòschere sa figura de is cosas, de ndhe bodhire cun is ogos su chi est sa cosa; s'abbaidada, sa castiada; cosa o logu bellu a bíere Synonyms e antonyms ida / castiada Idioms csn: v. ispabigliada, alluta = ogros chi bident meda, bene = itl. vista acuta; v. inchelada = impannada, itl. offuscata; a v. pérdia = atesu chi no si podet bídere prus, a cantu afiet ogru; èssiri de v. curtza = gliuscu; èssiri de v. trota = lértzinu; v. longa = pecu a sa vista de s'antzianu, chi agatat prus difítzile a bídere sa cosa acurtzu; testimóngiu de v. = chi at bidu sa cosa chi atrogat, chi bi fit, si est àpidu in dainanti a bídere su fatu; fai v., fàghere v. longa = fàghere finta; parare v. a ccn. = castiai, abarrai in faci; connòsciri a unu de v. = pro l'aer bidu ma chentza bi chistionare e ne bi àere mai àpidu de fàghere paris, chentza ischire ite si narat a númene; afruscia, indebbilitai sa v., indebbilitamentu de v. = abbassiare sa vista, bíere prus pagu; pèrdere sa v. = essiri tzurpu, intzurpai; isprigu de totu v. = mannu, de si bi poder bídere sa pessone intrea Sentences a bídere istellas de chelu e mare aiat vista bene alluta ◊ at tentu un'irfrunzitada a ogros, azummai li leat sa vista ◊ betzu est, ma zughet vista bella ◊ a cantu imbatiat vista bidia totu su mare ◊ fatei s'apostada: restei firmu che una roca vigiulendhe s'istrada a tota vista ◊ su pillonedhu iat abertu is alas e si fiat bolau a vista pérdia 2. aundi fúrriu sa vista agatu isceti penas! 3. a sa betzesa trista so durada pro bídere custa vista?! (P.Mossa)◊ a ne cheres bíere de vista!…◊ muzere mia a tale vista si est giómpida a pilos ◊ cantos úrulos tristos as intesu, pòvera càscia, e malas vistas bidu! (P.Casu) 4. de cantu est fea, po li parare vista be cheret coro de leone! (A.Cucca) Translations French vue English sight Spanish vista Italian vista, veduta, panorama German Gesichtssinn, Aussicht, Panorama.

vistàda , nf Definition su vistare; su betare sa vista a ccn. cosa po dha castiare Synonyms e antonyms abbaidada, castiada, mirada, ociada 1 Etymon srd.

vistài, vistàre visài

vistiàriu vestiàriu

vistigúrtzu , agt, nm: bisticurtzu* Definition chi o chie portat vista curtza, chi est gliuscu, biet bene solu a pagu tretu Synonyms e antonyms cdh. visticultu.

vistíre vestíre

vístu , pps, nm: bistu Definition de vídere; genia de documentu, o fintzes solu sa firma, de comente calecuna cosa dh'ant bista e averguada Synonyms e antonyms bídiu Translations French vu, visa English seen, approval Spanish visto Italian visto German gesehen, Visum.

vísu , nm: bisu* Definition cosa chi a unu dhi paret de bíere candho est dormiu; cosas bellas, contos chi si faet unu in su pentzamentu essendho ischidau Synonyms e antonyms bijione, sónniu Sentences si ndhe errighiat meda e si fachiat befes de Pepedhu e de sos visos suos ◊ duas notes apo fatu visos malos.

visúra , nf: bisura* Definition su chi si paret a cara, unu, su chi si paret o chi si biet de una cosa Synonyms e antonyms cara, chèrgia, chígia, chinna, crilta, faci, fasumia, inchérrida, pinta 1 Sentences cussu zughet tota sa carena afoghizada: Lutzinferru at una visura prus zeniosa! (G.Ruju)◊ finas sa limba italiana oje cumparit a vortas de mala visura e non paret mancu issa.

visúra 1 , nf Definition su giare a bíere unu paperi, unu documentu, su documentu etotu Sentences pro una visura in su catastu como s'intrat in internèt, si unu tenet s'intrada Etymon ctl., spn. visura Translations French inspection English survey Spanish visorio Italian visura German Einsicht.

visurrèi , nm Definition autoridade chi est in parte de su rei, ca dh'at posta o mandhada su issu etotu in parte sua Sentences is dominadoris furisteris mandànt unu visurrei dónnia tres annus po guvernai su Regnu de Sardigna Etymon spn. visorrey Translations French vice-roi English viceroy Spanish virrey Italian viceré German Vizekönig.

víta , nf: bita* 1 Definition genia de sisia, fintzes po acapiare is pilos, is trícias; tira de orrobba.

víta 1 , nf: bita* 2 Definition cambighedhu de sida Synonyms e antonyms arrampu / bica.

víta 2 vída

vitài , vrb: avitare*, ovitare Definition fàere avitu, arrispàrmiu, cricare de no ispèndhere o ispaciare cosa meda, manigiare a régula sa cosa Synonyms e antonyms acolomizare, aorrai, arresparmiai, istraviare 1 | ctr. perdimentare, sparafiai, sperditziai.

vitalítziu , nm Definition assignamentu de dinare chi si faet o si giaet a unu po chi potzat bívere.