A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

valiènte , agt Definition chi balet, chi est bonu Synonyms e antonyms validore Sentences dhi ant augurau una fiza fémina chi no siat valiente a cozuare ◊ fiat naschiu unu pipiu mascu e valiente (L.Pisano).

valígia , nf: balígia*, valisa, valixa, vallízia Definition genia de trastu po pònnere cosa aintru de ingòllere a viàgiu, como giai totu tragaditzas, cun duas orrodighedhas, de pigare a una manu a sa màniga tragandhodha in terra Synonyms e antonyms ttrs. varixa Sentences dus sennoris ndi fuant artziaus cun d-una valígia in manus.

valíre , nm: balire*, varile Definition genia de istrégiu piticu de linna Synonyms e antonyms abbalire, balira, cubedhutzu, frascu.

valísa, valíxa valígia

vàllia vàglia

vàllia 1, vàlliu vàglia 1

vallízia valígia

vàllu , nm Definition fàghere v. = apèrrere unu passadórgiu, fàere su logu de passare in mesu de malesa o àteru Sentences si su corru de sa gherra tronat, disisperu e morte faghent vallu 2. a canno intenno unu dopiete cràdiu chi pariat unu vallu! (V.Mura).

valoldía , nf Definition its falóldia? Sentences tue no as pinnicu de valoldia peruna (A.Paba).

valoràdu , agt Definition chi tenet valore, de valore Synonyms e antonyms pretziadu Sentences pro cumpàrrere in su ballu sunt bàrrias de arracadas e de pendhinas, totu robba valorada.

valòre, valòri , nm: balore, valoru Definition su de bonu chi podet tènnere una cosa, su chi balet, cunsiderau fintzes, ma no sèmpere, coment'e prétziu contau in dinare Synonyms e antonyms bàlida, balimentu, biatzesa / prétziu Idioms csn: v. reale = (faedhendhe de dinari), su valore chi tenet pro sa cosa chi còmporat; v. nominale = su valore inditadu de su númeru chi zughet sa muneda; cosa de valore = chi balit meda Sentences sa cosa, candu est fata cun sudori, t’imparat a cumprendi su valori chi tenit (M.Pani)◊ sa balentia, su muntènnere sa peràula, su collire s'istranzu sunt valores de sa cultura sarda ◊ custa est cosa de valore, no la fides! ◊ no lis depo valore de unu sodhu ◊ s'isfortzu chi fait issu cun megus no tenit valori! ◊ isse chircat dirvagu solu in valores chi contant, comente sunt sa paghe e s'amistade ◊ po dh’arringratziai dhi at arregalau un'anedhu de valori ◊ custu terrinu at unu valoru mannu Translations French valeur English value Spanish valor Italian valóre German Wert.

valorósu , agt Definition chi tenet valore mannu, chi balet meda Synonyms e antonyms pretziadu, valoradu Translations French remarquable English valuable Spanish valioso Italian pregévole German wertvoll.

valóru valòre

valúda, valúde, valúra , nf Synonyms e antonyms bàlida, giudu, imprastu, valore Sentences est una cantzonedha de pacu valuda ◊ ti che as picadu sa cosa: dàemi sa valude de cantu ti che as picadu! ◊ unu distimonzu ebbia no at a tènnere valude ◊ cussos sunt ómines de valude ◊ a sas allegas lis torramus sa valura chi lis ispetat (M.Mereu).

valutài, valutàre , vrb Definition pònnere o betare su prétziu, nàrrere cantu si podet bàlere una cosa (fintzes si no est in dinare).

vàlvula , nf: vàrvula Definition calesiògiat cosa, aparíciu o parte de su corpus, chi si podet apèrrere e serrare, o fintzes chi si aperit e si serrat a sola, po fàere passare ccn. lícuidu, gasu e cosas deasi (dhue ndh'at in su coro, in is motores, in pompas, tubbos e àteru) Sentences bi aiat una vàlvola brujada e tochesit de bi la cambiare Translations French soupape, plomb, valvule English valve Spanish válvula Italian vàlvola German Ventil.

vàmpa , nf: Definition fogu allutu, sa fràmula chi faet Synonyms e antonyms fiaca 1, fiamma, fiara, gliama, pampa*.

vàmpua, vàmpuga , nf Synonyms e antonyms vampa Etymon srd.

vangantéri , agt, nm Definition chi o chie istat girandho, in giru, fatu de su logu Synonyms e antonyms andariegu, bandhuleri, chiriolu, corruntoneri, garroneri, peldulàriu, rundhajolu.

vangàntzia , nf: vengància, vengantza Definition su si ndhe pagare, de un'ofesa, de unu dannu, chentza istare ibertandho sa giustítzia o un'autoridade Synonyms e antonyms bindhita, irgarru, mendhita, niva, svengantza, venga | ctr. pedronu Sentences movenno s'istorúmene de su coro e aprontanno sa crara vengància pro cunnennare s'úrtima mancància fata a su pobidhare taju issoro (B.Liori)◊ cussus funt capatzus de mi fai caincuna vangàntzia! Etymon spn. Translations French vengeance English revenge, mischief Spanish venganza Italian vendétta, dispètto German Rache.