abborresciméntu , nm: abborressimentu Definition su abborrèssere, fintzes cosa chi si arrefudat Synonyms e antonyms refudu / cdh. abburrissimentu Sentences cussu traitori est s'abborrescimentu de totus! Etymon spn. aborrecimiento Translations French horreur English abhorrence Spanish aborrecimiento Italian aborriménto, abomìnio German Abscheu.

acioródhu , nm: atzarodhu, atzerodhu, atzorodhu, ciarodhu, tzorodhu Definition cosa fata male o nada a s’afaiu, betada apare chentza régula; fintzes cosa leada unu pagu a disprétziu / fàghere sa cosa a s'atzorodhinu = a sa biscaina, a brétiu, comenti essit essit Synonyms e antonyms abbaunzu, abbunzadura, afioncu, atzarodhadura, atzorodhinada, ciaputzeria, coredhu, frodhoga, impaputzu, impiastru, inciapudhu, inciorodhu, indróvigu, navàciu Sentences is chi cantant oe funt totu atzerodhos!◊ ridiat e iscracagliada po dogni atzorodhu chi dhi nariant ◊ mi fiat improdhendi una surra de atzarodhus ◊ tzertos poetas, oe, candho crent de fàghere poesia ahi cantu aciorodhu batint apare! (A.Dettori)◊ narat botza de atzorodhu chi annuat su sole!◊ chi sighit s'asciutore est bellu s'atzerodhu: ocannu ndhe torraus chentza nudha! 2. bi aiat a bèndhere durches, turrone e àteros atzorodhos Etymon srd. Translations French bâclage, horreur, chose mal faite English bungling, mess Spanish chapuza, chapucería Italian acciarpìo, pastìccio German Pfuscherei.

arròre, arròri , nm: orrore Definition male o dannu mannu, de tímere meda, ma nau agiummai solu coment'e una genia de frastimu, o a ispantu, a iscàndhalu / un'arrore de… = cantidade manna de… Synonyms e antonyms acíchidu, asciuconu, assàrtiu, assúmbridu, assústidu, ilgiru, isprama / arroria, dannu, dispiaghere, male Sentences arrori mannu tengat! arrori dhu cundat! arrori dhi calit! ◊ ancu tengat arrori: est unu furriotu de píbiri, cust'ómini! ◊ ite dispiaghere… at dadu arrore a totu ca est mortu su mere! ◊ drommi, fiore meu: mai tenzas arrore! 2. arrorixedhu, gei est nudha!…◊ it'arrore, Deus meu! ◊ allà un'arrori!… it'arrori!… labai it'arrori!… ◊ ohi, it'arrore, a inue mi che sezis leandhe!…◊ ohi, ite arrore, ite fàula mala! 3. tenet tantu arrore de linu ancora imballonadu Etymon ltn. horrore(m) Translations French horreur English horror Spanish horror Italian orróre German Schauder.

caciaràda , nf Definition cosa pastissada, cumpositziones o ispetàculos fatos male Synonyms e antonyms abbunzu, maltitzu Translations French horreur, chose mal faite English swill Spanish chapuza Italian pappolata German Faselei.

grísu , nm Definition genia de gana lègia chi si provat po calecuna cosa chi no praghet; fintzes timoria, assíchidu Synonyms e antonyms afàstiu, àscamu, aschiore, ascru, gheléstia, ischifu / acíchidu Sentences totu cust'errisu po una mucosa chi faet grisu! ◊ sa rana est leza chi faghet grisu petzi a l'abbaidare ◊ s'arriu est carendi ma s'àcua est trúvula, totu àliga, unu grisu! Etymon srd. Translations French dégoût, horreur English loathe Spanish repugnancia Italian ribrézzo German Abscheu.

impródhiu, impródhu , nm Definition cosa fata male, totu atzorodhada, betada apare chentza órdine; a logos, brutesa, brutore / bivi a i. = de ispedientes, chentza triballu fetivu, faghindhe cosighedhas Synonyms e antonyms abbaunzu, abbunzadura, aciorodhu, ciafaretzu, coredhu, frodhoga, imburdugu, impiastru, impriodhu, intzodhu, mistréllia, massipu, mugoni, navàciu Sentences abbramius de tastai prostus nous, ingurtint mesturus e improdhus ◊ eus acabbau su trabballu, mancai a improdhu Etymon srd. Translations French horreur, gribouillage English mess Spanish chapucería Italian pastìccio German Pfuscherei.

ispràma , nf, nm: ispramma, isprammu, ispramu, sprama Definition assíchidu forte, de ndhe apèrrere su coro Synonyms e antonyms acíchidu, arrore, asciuconu, assàntiu, assàrtiu, assúmbridu, assústidu, atzudhimentu, ilgiru, ispràmminu Sentences sa càtzia russa fit un'isprammu mannu pro sos porcrabos de Monte Santu ◊ candho abbàido a su conzu, si est bóidu in terra ruo e de isprammu mi fuo! ◊ comente bi est coladu su fogu, su restuju est un'isprammu de chijina ◊ la moris a isprammu, ca at sa debbilesa de tímmere ◊ cudhu chi cheriat dare prova de corazu est mortu de ispramu ◊ unu tronu a isprammu lu ischidesit Etymon ctl. espalm(e) Translations French horreur English horror Spanish espanto, horror Italian raccaprìccio German Schaudern.

ispréu , nm: spreu Definition timoria manna meda, po cosa mala chi podet acontèssere o chi si est provada Synonyms e antonyms assunciudhu, astudhu, iscadha, iscalmentu, ispràgiu, isprioru Sentences e asinche puru puru… candu in s'eternu iscuru e in su piús mannu ispreu ti chirco e no ti agato, Deus meu… (S.Baldino)◊ mai piús mi faghe, ite ispreu!, a vívere torrare pro mòrrere, Deus meu! ◊ no ti pighist ispreu! ◊ mancu unu utu, mancu una boche de ispreu pro custu dolore! ◊ a tocos, lentos lentos, mesanote sa péndhula at sonadu: un'aerita lena de ispreu mi artudhat sa carena! (P.Fae)◊ unu cane orulendhe ti astudhit sas palas de ispreu 2. sos betzos timent a ispreu a bíere arribbandhe s'istiu, ca los dassant solos Etymon ctl. menyspreu Translations French frisson, horreur English shudder, horror Spanish horror Italian brìvido, orróre German Schauder.

napíle , nm Definition pígiu de napa, ma nau pruschetotu in cobertantza po bregúngia manna, iscàranu, cosa chi annapat s'onore de unu Synonyms e antonyms aggràviu, bergugna, cavanile, desdoru, gutipéria, navra / cdh. napili | ctr. bàntidu, unore Sentences su mastru de ferru in mesu de ischintzidhas e napile colat sa bida ammasedandhe ferru ◊ bellu napile pítzigas a nois si pro sorte cun frútures anzenas ti che truvant in àbbidu a presone! (G.Raga) 2. est istadu unu napile mannu a ti agatare in cussas cundisciones! Etymon srd. Translations French horreur, honte English shame Spanish vergüenza, oprobio Italian obbròbrio, scòrno German Scham, Schande, Schmach.

spréu , nm: ispreu*, spriu Definition calecuna cosa chi no si bolet, chi est contragéniu meda, chi giaet dirgustu, iscramentu malu; fintzes pelea, múngia Synonyms e antonyms assunciudhu, astudhu, iscadha, iscalmentu, ispràgiu, spamentu Idioms csn: bodhiri s. = collire assuconu; tènniri ccn. cosa a spreu = timiresila, istare timindhe a la fàghere; unu spreu de tempus = tempus meda Sentences ndi at a tenni spreu a dhoi torrai a domu de s'amigu, po s'istrobbu chi dhi at donau ◊ de candu apu pigau spreu po is dotoris no dhus pòciu biri! ◊ su pensamentu de sa morti dhu turmentat fintzas a dh'acorrai in cristas de spreu ◊ spriu mannu ndi apu tentu de cussa chistioni! 2. apustis de unu spreu de tempus dh'at torrada a cerriai Translations French répugnance, horreur, terreur English repugnance, dread Spanish repugnancia, horror, terror Italian ripugnanza, orróre, terróre German Widerwille, Horror, Schrecken.

«« Search again