Ditzionàriu in línia
de sa limba e de sa cultura sarda

collocadòre , nm: collocaroi Definition impiegau chi contivígiat sa lista de is disocupaos iscritos e dhos tzérriat candho dhue at dimandha de manodòpera Sentences filla tua no est torrara ancora de su collocaroi? Scientific Terminology prf Translations French placeur English clerk (in a labour exchange) Spanish quien trabaja en la oficina de empleo Italian collocatóre German Arbeitsvermittler.

collocaméntu , nm Definition su collocare, su pònnere in postu de trebballu; s'ufíciu chi contivígiat sa lista de is disocupaos Synonyms e antonyms collocatzione Translations French placement, bureau de placement English placing Spanish empleo, oficina de empleo Italian collocaménto German Anstellung.

coltína , nf: cortina, cultina Definition sa pratza asuta de una mata, totu a inghíriu de su truncu inue orruet su frutu; s'umbra chi faent is matas, asuta; su frutu chi dhue orruet asuta de sa mata Synonyms e antonyms paltza, prassàrgia, pratzada Idioms csn: fàghere sa c. a sas àrbures = limpiai asuta de is matas; èssere a cortina (nadu de unu frutu) = a meda, in terra Sentences est abbaidendhe sas fozas sicas e mortas suta de sa coltina ◊ sa pira ruet in sa cortina ◊ sa cortina no si collit comintzendhe dae mesu, ma dae alas de fora, a s'atenta 2. sos àrbores fachent cortina ◊ in istiu cherent fatas sas cortinas pro agatare su logu netu a ndhe collire s'olia 3. ndhe apo collidu una cortina de olia ◊ sa nughe bi est a cortina, in terra Surnames and Proverbs smb: Cortina / prb: sa landhe falat a sa cortina Etymon srd. Translations French le couvert d'un arbre English Space under a tree Spanish lugar debajo de un árbol Italian lo spàzio sótto una pianta German Schatten eines Baumes.

comentacòe , avb Definition in calesisiat manera Synonyms e antonyms comentecasiat, comentesisiat Sentences a dónnia contu fàciat comentacoe!(E.Nieddu) Translations French de toute façon English however Spanish de todas formas Italian comùnque German wie auch immer.

comentecasíat , avb Definition de una css. manera Synonyms e antonyms comentacoe, comentisiollat, comentesisiat Etymon srd. Translations French de toute façon English however Spanish de todas formas Italian comùnque German wie auch immer.

comentesisíat , avb: cumentisisiat Definition de una manera chi no faet a dhu nàrrere, male meda de salude o de poberesa, in poberesa meda; in cale sisiat manera (fintzes cng. cun chi) Synonyms e antonyms comentecasiat Sentences est ca semus comentesisiat, sinono za bi fimus andhados nois puru a sa festa! 2. bi cheret chi sonent sos cannones sas allegrias de sa libbertade? Ma comentesisiat su pópulu oprimidu ndhe ischidade! Etymon srd. Translations French d'une très mauvaise manière English no matter (how) Spanish de forma mala Italian in pèssimo mòdo, in una condizióne purchè sia German recht und schlecht.

cómitu , nm: gómitu Translations French commandant English crew leader Spanish jefe de tripulación Italian capociurma German Mannschaftsführer.

comodínu , nm: cumodinu Definition genia de mobbiledhu chi si ponet apresu a sa cabitzana po dhue arrimare cosa chi podet serbire a sa persona crocada in su letu Synonyms e antonyms cdh. cumudinu Etymon itl. Translations French table de chevet English night-table Spanish mesa de cabecera Italian comodino German Nachttisch.

conciliadúra , nf: contziliadura, cuntziliadura Definition s'ufíciu de su cunciliadore Synonyms e antonyms curiedha Sentences cussu faet de totu, fintzes s'arrejonadore in contziliadura! Translations French bureau du conciliateur English reconciling Spanish oficina del juez de paz Italian conciliatura German Versöhnen.

cóncu , nm: cuncu Definition genia de istrégiu, mescamente de linna a pònnere a papare a su porcu, a catzigare su furesu, s'àghina, ammurgiare su casu; concale de porcu / bufare totu a unu c. = totu a unu tirone, chentza torrare àlidu Synonyms e antonyms lacu, pica Sentences pica cussa baca e múrghela a cussu concu de preda ◊ sos bervegarzos zughiant murtorzos, zodharzos e concos pro ammurzare su casu 2. in sa funtana at bíbiu abba chin sas manos a concu 3. pigat unu tzicherone de late e si che dhu bufat totu a unu cuncu ◊ bidindhe cudha isprammada bi faet bufare unu cuncu de abba Surnames and Proverbs smb: Concu Scientific Terminology stz Etymon srd. Translations French auge en bois English big wooden basin Spanish recipiente de madera Italian gròssa cónca di légno German großes Holzgefäß.

confusionéri , agt, nm: cubisioneri, cunfusioneri, cuvusioneri Definition chi o chie pesat cuvusiones, ponet a brigare s'unu cun s'àteru, betat apare is chistiones; fintzes chi o chie cunfundhet cun tropu facilidade cosas diferentes Synonyms e antonyms confusionajolu, cunvisionadori, cunfusionista / carraxeri Sentences a s'imprabastuleri no lu acrustes ca est confusioneri! Scientific Terminology ntl Etymon ctl. confusioner Translations French semeur de discordes English sow seeder of discord Spanish sembrador de discordia Italian seminatóre di discòrdia German Zwietracht Säer.

contrapàssu , nm Definition su currespòndhere giustu giustu de una pena a sa curpa Translations French peine du talion English retaliation Spanish pena de talión Italian contrappasso German Wiedervergeltung.

contrasinnàre , vrb Definition cambiare is sinnos (mescamente de is animales po dhos cunfúndhere, si funt furaos) Translations French modifier la marque du bétail pour tromper English to falsify the signs Spanish cambiar la marca de las reses Italian falsare i ségni German die Zeichen entstellen.

cóntzu , nm Definition genia de lentza po piscare Synonyms e antonyms palamitu Scientific Terminology ans Etymon itl.s conzu Translations French ligne à pêcher English boulter Spanish clase de hilo para pescar Italian palàmito German Langleine.

coràssidu, coràssiu, coràssili, coràssu , nm: coràtzidu Definition iscancamentu de coro; abbruxore o agriore de istògomo, imbarratzu de istògomo po cosa mala a digirire; a logos, fintzes apentu mannu, sentidu Synonyms e antonyms colàrdine, coràrghidu, fogóriu Sentences est mortu de coràssiu ◊ de sa tristesa, dugna noti mi pigat su coràssiu ◊ fiat tussendi pariat chi teniat coràssiu 2. tengu su coràssiu a s'istògumu ◊ cussu a papai no dhu bollu ca mi pigat su coràssiu a s'istògumu ◊ chi bufu binu papendi castàngia mi fait a coràssiu Scientific Terminology mld Etymon srd. Translations French brûlure d'estomac English heartburn Spanish ardor, acidez de estómago Italian piròsi gàstrica, brucióre di stòmaco German Sodbrennen.

corcòne , nm: corconi Definition ammurrionadura, su s'intristare primaos po calecuna ofesa o cosa chi no est pràchia Synonyms e antonyms annógiu, atrafudhu, bischiza, bústica, istrugnu, labbrione, porcandria, pussàgiu Translations French bouderie English sulky expression Spanish ceño, estar de morros Italian bróncio German Schmollmiene.

corgiólu , nm: corjolu, corzolu, craxolu, croxó, croxolu, curzolu Definition su pígiu de fora de calecuna cosa, mescamente su córgiu de su procu (corgiolu de lardu), ma fintzes de sa castàngia, de sa nughe, de sa patata, de is frutos / arrisu cun craxolu = su arriri cun amargura, po no prangi Synonyms e antonyms badhu 2, pedhe, pedhola / colzola, còglia Sentences su corzolu de su lardu est tostu, si no est porchedhu minore ◊ su corzolu de su casu est tostu, sa mata est modhe ◊ arrustendi su procedhu no fatzast abbruxai su croxó! Surnames and Proverbs smb: Corgiolu, Corzolu, Curgiolu Etymon srd. Translations French couenne, peau English pigskin, skin Spanish hoja de tocino, témpano Italian coténna, bùccia German Schwarte, Schale.

coronèta , nf: coronita, curunita Definition genia de petonadura de is féminas Synonyms e antonyms cacariolu, cocoiledhu, concajoni, cucajone, cucale, cuchedha, cucurinu, picioce Sentences bestiat sempri de niedhu, a mantellita o a guefa, a velu sempri calau ma apuntau cun s'agulla a sa coronita Etymon ctl. coroneta Translations French chignon English chignon Spanish tipo de peinado Italian tignóne dei capélli della dònna German Haarkranz.

corrédhu , nm Definition min. de corru; istugighedhu de corru, cun su tapu, po dhue pònnere su tebbacu; istúgiu po chistire paperis; genia de tassa po bufare, de corru; genia de imbodhigadura de is pilos, petonaos a manera de fàere coment'e unu corru curtzu; fintzes una genia de pentzamentu o ravinu malu a iscutulare Synonyms e antonyms corritedhu / corredha, corrigale 2. a su maridu lu cumannaiat a bacheta e lu faghiat pisciare in corredhu ◊ a tabbacare de su corredhu meu chie bi at a pònnere maledade?! Surnames and Proverbs smb: Correddu / prb: cartas cantant in corredhu Scientific Terminology stz Translations French étui à corne English horn-case Spanish estuche de cuerno Italian astùccio di còrno German Hornfutteral.

corrighínu , nm: corríginu, corróxinu, corrúxinu, currighinu, currughinu, currúxinu Definition boghe mescamente de animale (àinu, boe, leone), ma fintzes de gente; murrúngiu de istentinas Synonyms e antonyms borrighinu, borróchinu, corrinu, gridas, irrónchiu, órriu Idioms csn: pràngiri a corrúxinu = prànghere a órrios, a corrighinu; currúxinu de prantu = cadha de prantu, prantu a órrios Sentences in campu s'intendhent corrighinos de àinu ◊ dhoi fiant is moentis totu a currighinus ◊ búmbitus e agrónius e iscràmmius e isciarrocus e súrbius e borrocus e currúghinus e cónius 2. s'intendhiat piantu, giuilamentos e corrighinos ◊ si fiat abbrancada apitzus prangendi a corrúxinu 3. custus funt currúxinus de bentri isbuida ◊ iat abboxinau chi pariat unu tiàulu a sfinitzus e a corróxinus de brenti Surnames and Proverbs prb: currúxinu de mobenti no àrtziat a celu Scientific Terminology bga Etymon srd. Translations French braiment, cri plaintif English bray, cry Spanish rebuzno, grito de llanto Italian ràglio, grida di pianto German Iahen, Schrei.