Ditzionàriu in línia
de sa limba e de sa cultura sarda

búfida , nf, nm: búfita, búfiu Definition súlidu chi si bogat de buca unu pagu a moida, comente si faet sentindho ifadu Synonyms e antonyms assúpidu, bufada 1, irbúfida, súrbidu 1, súrfiu Sentences comente si est bidu iscapu, su sirbonedhu at iscutu búfidas de cuntentesa ◊ s'intenniat sa sughe a búfitas allatanne ◊ comenti mi apubànt, is procus betànt cos’e búfius e si nci fuiant Etymon srd. Translations French soupir d'ennui, d'impatience, mouvement d'ennui, d'impatience English snort, puff Spanish resoplido Italian sbuffata, sbuffo German Schnauben.

irbúfida , nf Definition sulu, ària chi si bogat de buca unu pagu a moida, comente si faet sentindho ifadu, o fintzes surbada de bentu / èssere o istare a irbúfidas Synonyms e antonyms assúpidu, búfida, ispísciu, supedhu Sentences chin issa no bi at àpiu mai una ripitia o un'irbúfida in tantu tempus chi biviat in dommo issoro ◊ su ventu at comintzau a irbúfidas chi fachiant trèmere su portellu Etymon srd. Translations French soupir d'ennui, d'impatience English snort Spanish bufido Italian sbuffata German Schnauben.

isufulàre , vrb: isulfulare Definition èssere o istare a isúlfidas, a súlidas, a búfidos Synonyms e antonyms irbufidare, isufiare Sentences su trau comintzat a irrúilos, a marrare in terra, isufulendhe cun sas tivas de su nare Etymon srd. Translations French souffler, haleter English to puff Spanish resoplar Italian sbuffare German schnauben.

rúschida , nf, nm: rúschidu, rúscida, rúscidu Definition su sonu a sorrogu chi faet cun s'ogroena, cun sa buca e su nasu unu dormiu chi arrespirat male; assúpidu de isalenadas mannas / rúscidu de refreu = sarragadura Synonyms e antonyms corróschiu, forróschiu, sarragu, sorroscru / irbúfida, isúlfida Sentences isse lasseit sos amigos a rúschida e che esseit a pònnere mente a su trabàgliu ◊ s'intendhiant sas rúschidas de cudhos duos drommidos ◊ fit drommida a rúschida 2. su pudhedru est cadredhendhe a brincos e a rúschidos ◊ a rúscidas sos pudhedros brincant dae mata in mata (B.Truddaju) Etymon srd. Translations French ronflement, ébrouement English snore, puff Spanish ronquido, el bufar del caballo Italian russaménto, sbuffo del cavallo German Schnarchen, Schnauben.

rusciàre , vrb Synonyms e antonyms roschidare, surbuschiare Sentences su cadhu si est pesadu a crabitinos ruscendhe che dimóniu Translations French haleter, s'ébrouer, souffler English to puff Spanish bufar Italian sbuffare German Schnauben.

sulàda , nf Definition su sulare; fintzes genia de súrbiu chi faent unos cantu animales coment'e arrennegaos o timendho Synonyms e antonyms isufulada, sulvilada Sentences sa pampa a dógnia sulada de bentu tzacat e cincidhat ◊ a s'anzone mortu li at dadu duas o tres suladas pro l'iscolzare menzus 2. in sos beranos, candho bigiaiant sas bachitas, sas bórridas poniant sa paura a colpos de ramuzu e a suladas Etymon srd. Translations French souffle, ébrouement English puff, snort Spanish soplo, bufido Italian sóffio, sbuffata German Blasen, Schnauben.

sulvilàda , nf: surbilada Definition sa sulada chi faent is boes candho si fúrriant a is canes; in cobertantza, genia de nada o arresposta mala, de malu crabbu Synonyms e antonyms istupaciara, isufulada, isulvilada, sulada, súlida 2. fit pompiàndhesi sas surbiladas de fumu biancu chi fachiat su trenu ◊ est a sulviladas: mi no t'iscudat puru, mih! Etymon srd. Translations French ébrouement English snort Spanish resoplido Italian sbuffata German Schnauben.

supédhidu, supédhu , nm: assupedhu Definition respiru a cropu, mancamentu de s'àlidu chi faet a chie pranghet a meda; assúpidu, respiru a pelea Synonyms e antonyms acoramentu, atzuconamentu, singurtu, sucúturu, surpúliu, tzuconi, tzúcuri / afandha, assúpidu, bémida, irbúfida Idioms csn: s. assutu = chentza làgrimas; s'últimu supédhidu = s'úrtima torrada de àlidu chi faghet unu morindhe Sentences apustis de pac'ora est ghirada pranghendhe a supedhu pro sa sorre ◊ sessae sos supedhos, chi no est ora de prànghere! ◊ che so curtu isalenau e pranghendhe a supedhu 2. sas bajanas giughiant su coro a supedhos daghi intendhiant sos bajanos cantendhe in su giannile ◊ est proghendhe a supedhu e no b'at ànima in ziru Etymon srd. Translations French sanglot English sob, snort Spanish sollozo, bufido Italian singulto, sbuffo German Schluchzer, Schnauben.

surbilàre , vrb: survilare Definition nàrrere, foedhare prus che àteru a murrúngiu, coment'e a surbadas, surbare che píbera, istare a ufas e afas, a súlidos po tzacu, tratare de malu crabbu Synonyms e antonyms suai, sulvare, surbuschiare Sentences si bi fit istau Deus, fortzis tzertas cosas no fint sutzessas! - aiat surbilau Bustianu Etymon srd. Translations French soupirer d'ennui English to pant Spanish bufar Italian sbuffare German schnauben.

surbuschiàre , vrb: surbuscare Definition fàere una genia de súlidu, de surbada; nàrrere cosa a murrúngiu, coment'e a súlidos de tzacu, de arrennegu Synonyms e antonyms surbilare, suvrusare 2. a tibe za ti nche falat su ticu, beru?! - li at surbuscau su babbu, mesu in brulla e mesu sériu Etymon srd. Translations French souffler English to grumble Spanish bufar Italian stronfiare German schnauben, murren.

surbúschiu , nm Definition su surbuschiare Synonyms e antonyms arràmiu, giarràspidu, irbórchidu Sentences pipajolos de guàrdias a un'ala e surbúschios de sirbones a s'àtera ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G.Solinas)◊ labadidhu abbrungiuladu, a surbúschios no bogat foedhu! Etymon srd. Translations French soufflement English snort Spanish el bufar Italian stronfiaménto German Schnauben, Murren.