Ditzionàriu in línia
de sa limba e de sa cultura sarda

arratròxa , nf: arretroxa, arrutorza, arrutroxa, irrutorja, orrudòrgia, rutolza, urrutorza Definition istrampada, calada a terra a cropu, forte, nau prus che àteru de gente Synonyms e antonyms addràbbulu, arruta, bótiu, ijonada, irdobboinada, iscartinada, iscorjada, issonco, istrampada, trabintada Idioms csn: donai un'arrutroxa a conca in bàsciu, a faci in terra, a paneri in terra = rúere a cúcuru ficadu, a buca a terra, a culu in terra; s'arretroxa de sa morti = ruta mala chi che ponet in sa fossa un'antzianu Sentences s’est posta a arriri biendi is arratroxas de is àterus ◊ fuant arretroxas a dógnia passu ◊ prus in artu andat e prus manna at a èssi s'arrutroxa a terra! ◊ at tentu un'arrutorza mala de s'àinu Etymon srd. Translations French chute English fall Spanish caída Italian caduta German Fall, Sturz.

arrumbiàda , nf: arrumbulada Definition orruta a orrumbuladura Etymon srd. Translations French roulade English tumble Spanish caída Italian rotolóne German Sturz.

bórtule, bórtulu , nm: vórtulu Definition movimentu fatu a orrumbuladura, a furriadura Synonyms e antonyms arrúmbiu, arrumbulada, bortulada, lúdhuru, tróulu, rúmbulu / abbolotu, morrugnu Idioms csn: leare una cosa a b. = arrumbulendi; pònnere su logu in b. = pònniri a tréulu Sentences a bórtulu a bórtulu, mancari pesosu meda, cussu truncu ndhe l'apo acurtziadu ◊ millu, mih, a bórtulu in terra, s’àinu!◊ candho no poto drommire isto a bórtulu fintzas chi abbreschet 2. pro no ndhe pesare àteru bórtulu, fateit crere a sa muzere chi faghiat comente cheriat issa Etymon srd. Translations French dégringolade English heavy-fall Spanish caída Italian rùzzolo German Sturz.

issònco , nm Definition orrutòrgia, istrampada mala / giare un'i. = arrúiri, donai un'arrutroxa Synonyms e antonyms iscartinada, orrudòrgia Translations French chute, dégringolade English tumble Spanish caída, revolcón Italian ruzzolóne German Fall, Sturz.

istrampída, istràmpida , nf, nm: istrampidu, istràmpidu Definition su istrampare, su pònnere o betare de botu, a cropu, s'isciorrocu chi faet orruendho a cropu una cosa (e sa persona etotu), atzapulandho a terra / a i. = istrampendhe, a faladura a corpu, a frundhinu Synonyms e antonyms istrampa, istrampada / istràmpinu 2. che l'ant postu a istràmpidu e l'ant segadu ◊ rúere a istràmpidu ◊ comente l'ant puntu, ndh'est istupadu su sàmbene a bullone e rutu est a istràmpidu ◊ lassesit annare sas valígias a istràmpidu ◊ comente l'ant dassadu andhare a istràmpidu at iscumeradu che cadhu ◊ in s'iscala no fales a istràmpidu! Etymon srd. Translations French chute, coup, bruit sourd English bump, fall Spanish caída, ruido producido al caerse Italian caduta, bòtto, tónfo German Sturz.

istràmpu , nm: istrumpu, strumpu Definition logu malu de orroca, artu, de ue si che podet orrúere (fintzes orrutòrgia a terra, istràmpidu); orroca arta de ue s'abba de un'erriu orruet a bàsciu, scabiossu de àcuas / rispòndhere a istrumpu = rispòndhere cun pore Synonyms e antonyms irrocadolzu, ispéntimu, scabiossu, spérruma / istrampa, istrampada / spéndula, turràrgiu Sentences su riu abbiat sa costera saltiendhe in matedos e istrampos ◊ tra pedras tundhas e istrumpos, su riu falat muendhe ◊ a Murenu che l'ant betadu de un'istrampu ◊ ti apo a bídere rutu in calchi istrampu 2. nimmancu is doloris prus mannus ant a trumbullai límpius arrius chi a istrumpu si ant a imprassai (T.Piredda) Scientific Terminology slg Etymon srd. Translations French précipice, escarpement, cascade English precipice, waterfall Spanish precipicio, cascada Italian precipìzio, dirupo, cascata German Absturz, Sturz, Wasserfall.

liscigàda , nf Synonyms e antonyms alliscinada, fuzida, iscadriada Etymon srd. Translations French glissade English slip Spanish resbalón Italian scivolóne German Rutsch, Sturz.

rúta , nf: arruta, irruta Definition su orrúere, su calare a terra a cropu de cosa istrantagiada o posta in artu, fintzes su fàere male po no tènnere sa fortza o coràgiu de si ndh'istare, de padire, agguantare Synonyms e antonyms arratroxa, istrampada Idioms csn: àerendhe sa ruta ei su tzurumbone, sa r. e sa trajinada = su dannu e su zúdigu, su dannu e sa befe, unu male subra de s'àteru; ruta de cadhu, de àinu = ruta, istrampada dae cadhu, dae subra s'àinu Sentences onzi passu una ruta e onzi ruta un'órchidu ◊ a sa ruta at fertu su bruncu ◊ in su paris l'assurtit una ruta e si truncat una cossa ◊ ruta e recaida 2. est mortu dae una ruta de cadhu Etymon srd. Translations French chute, écroulement English collapse Spanish caída, derrumbamiento Italian caduta, cròllo German Fall, Sturz.

scartinàda , nf: iscartinada* Definition orruta mala a terra, a forte, a cropu Synonyms e antonyms arratroxa, irdobboinada, ischintogliata, tzapuada Sentences càstia ita scartinada, po curpa de una saboga!… Translations French chute English fall Spanish caída Italian cascata, caduta German Fall, Sturz.

sciotàda , nf: isciotada* Definition orruta a terra a iscutuladura, a cropu / donai una s. a terra Synonyms e antonyms arratroxa, atzapulada, dobbo 1, dubba, iscartinada, istrampada, tóbbida Translations French chute, bruit sourd English heavy fall Spanish batacazo Italian stramazzata, tónfo German Fall, Sturz.

scrantiàda , nf Definition orruta mala Synonyms e antonyms alliscinada, fuzida, iscartinada, iscradiada, liscigada Etymon srd. Translations French mauvaise chute English heavy fall Spanish costalada Italian caduta rovinósa German heftiger Sturz.

trabintàda , nf Definition orruta mala Synonyms e antonyms arratroxa, iscartinada, iscorjada, istrampada Translations French culbute, dégringolade English big tumble Spanish caída Italian tombolóne German schwerer Sturz.