A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aritimética arimmética

aritiméticu , agt Definizione chi pertocat s'aritimética Traduzioni Francese arithmétique Inglese arithmetic Spagnolo aritmético Italiano aritmètico Tedesco arithmetisch.

arítu , nm: aritzu, arritzu, eritu*, iritu, oritu, ritu 1 Definizione genia de animale cun sa pedhe totu ispinas (arritzoni de mata); genia de animale de mare, tundhu, a ispinas longas a dónnia parte (arritzoni de mari); su primu corgiolu de sa castàngia, totu ispinas Sinonimi e contrari arrescioni, ischissone Cognomi e Proverbi smb: Aritzu Terminologia scientifica anra, erinaceus aeuropeus italicus; anb, arbacia pustulosa, paracentrotus lividus, echinus acutus, e. melo, sphaerechinus granularis; rbr.

arítziu addízu

arítzu arítu

arizàru , nm Definizione erba de arrúngia, o de cirras, de dentis Sinonimi e contrari ispéliu, isteli Terminologia scientifica rba, Plumbago europaea Etimo itl. arisaro.

arjòla agliòla

arjolàda argiolàda

arjolàre alzolàre

arjolónzu , nm Definizione totu su trebballu de s'argiola incungiandho su laore (treulare, bentulare, arregòllere e carrare) Sinonimi e contrari treuladura, triulera, treulognu Etimo srd.

arjólu algiólu

arlichínu , nm, agt: arrelichinu, arrichillinu, arrilichinu, relichinu Definizione persona bestia de fàere a erríere; chi est postu bene meda de bestimentu, fintzes animosu Sinonimi e contrari arrelichinau / apinociau 2. cussu no est ómini chi fait po tui: totu arrilichinu parit un'istudiau! ◊ e bosatrus seis pentzendi chi Isbertu apat tímiu unu chemu de arrillichinus piemontesus?!… 3. istudiendi sa língua nosta apu inghitzau siguru e arrichillinu e seu finendi totu acobomau! Traduzioni Francese bouffon Inglese clown Spagnolo bufón, gracioso Italiano buffóne Tedesco Spaßvogel.

àrma , nf Definizione css. cosa chi podet serbire a fàere male o a si difèndhere, ma mescamente nau de ainas fatas apostadamente po púnghere, segare, isparare: su sing. si narat fintzes de is carabbineris; in cobertantza, sa natura de s'ómine Modi di dire csn: a. in puntu de isparu = cun sa gàrriga posta pronta a isparare; bogàresi su portu ’e s'a. = faisí su permissu de tenni e portai un'arma; s'arma = sos carabbineris; is armas de Deus = sos sacramentos chi si daent a unu malàidu Frasi totu sas armas pro fagher sa gherra chi siant reduidas a chijina! (P.Masia) 2. cussu fiat bandhidu ca dh'iant postu una contraventzione e no si fiat créfiu presentare a s'arma Cognomi e Proverbi smb: Armas Etimo ltn. arma Traduzioni Francese arme Inglese weapon Spagnolo arma Italiano arma Tedesco Waffe.

armàda , nf Definizione su armare; is armaos, totu is sordaos de un’esércitu.

armadéri , nm Sinonimi e contrari arrimaderu, arrimu Frasi issu s'est sétziu in s'armaderi de su soli.

armadòre, armadòri , nm Definizione chie armat, chie faet un'armadura Frasi s'armadori in miniera poniat su cuadru po aguantai sa galleria, po no franai de pitzus.

armadúra , nf Definizione su armare; su linnàmene chi si ponet faendho unu fràigu po aguantare calecuna cosa, mescamente su chi si faet a impastu de cimentu / a. de letu = totu su linnàmine, totu su materiale chi faghet su letu Traduzioni Francese armure Inglese armour Spagnolo encofrado, armazón Italiano armatura Tedesco Rüstung.

armàgliu almàriu

armài , vrb: armare Definizione pigare o giare armas; pònnere su linnàmene o àteru materiale po aguantare calecuna parte de unu fràigu, de una miniera o àteru; in cobertantza, ateterare o inchibberare de sa natura de s'ómine / armai arretza = fàghere o ammanitzare sas retes pro piscare 2. in gioventudi fut istétiu in miniera e armàt is gallerias Etimo ltn. armare Traduzioni Francese armer Inglese to arm Spagnolo encofrar, armar Italiano armare Tedesco ausrüsten.

armajólu , nm: armarolu Definizione unu chi connoschet, faet, tenet contu o acònciat armas, chie dhas bendhet Sinonimi e contrari armeri Etimo itl. Traduzioni Francese armurier Inglese armourer Spagnolo armero Italiano armaiòlo Tedesco Waffenschmied, Waffenhändler.