Legenda Abbreviazioni | Legenda Simboli

addorógiu , nm: addoroju, atoroju Definizione prantu a tzérrios, a boghes Sinonimi e contrari addorojamentu, arrepentamentu, piantu, teroju, tormentu Frasi lassa s'addoroju e canta unu nou e briosu ballu tundhu! ◊ pro su turmentu custu mundhu est in addoroju Etimo srd. Traduzioni Francese pleurnicherie Inglese whine Spagnolo queja, llanto incontenible Italiano piagnistèo, pianto dirótto Tedesco Schmerzensschrei.

apenétu , nm: penetu* Sinonimi e contrari lambrighitu, póleu, pibia, piugnu, tziunzu Traduzioni Francese pleurnicherie, regret Inglese regret, wailing Spagnolo lloriqueo, queja Italiano piagnucolìo, rammàrico Tedesco Gewimmer, Klage.

ciúnchiu , nm: ciúnciu, túnchiu* Definizione genia de boghighedha pibiosa, a lamentu, mescamente pranghendho; fintzes una genia de sonu chi faet cosa sidhia chi apenas si podet mòvere Sinonimi e contrari lambrighitu, lamentu, piulanchina, póleu, tziunzu Frasi apo paradu s'orija chirchendhe de assebèschere cussu ciúnciu (S.Tedde)◊ e cantos patidores bramant sa sepultura pro tzessare sos ciúncios de lamentu! ◊ a su cane no li at essidu mancu ciúnciu 2. s'intennet su ciúnchiu de s'istàulu comente passant ca si moent is tàulas Traduzioni Francese pleurnicherie Inglese whimpering Spagnolo lloriqueo Italiano piagnucolìo Tedesco Gewimmer.

pibía , nf, nm: pibinu, pibiu, píbiu Definizione genia de píulu, de boghighedha coment'e lamentu, chèscia po dolore, genia de dispraxere, de annicu; cosa chi si narat o chi si faet coment'e lastimandho Sinonimi e contrari agémenu, ciúnchiu, ghémida, intzúnchidu, lambrighitu, píliu, piugnu, túnchiu, tziunzu / carigna, làstima Frasi de fiza tua intendhe sa boghe in pibiu, dolente, lastimosa, dae ora continu giama giama! ◊ no l'intendhes su pibiu de una criadura chi est giamendhe? ◊ beni duncas, no vivas in pibinu, friti sa testa in s'amorosu sinu (P.Mereu)◊ su trenu fait tzichirriai is frenus in d-unu pibinu de ferru cun ferru 2. puzones chi allegrent su manzanu cun sas milli pibias delicadas! (A.Casula)◊ dogni puzone torrat a cantare in su nidu pibios de amore (S.Serra)◊ in custa terra mai perunos pibios as retzidu ◊ torra, Nina, cun sos carignos tuos e pibios! ◊ su pitzinnu fit pesadu a pibinos mesu visciadu e unu pagu mandronatzu Cognomi e Proverbi smb: Pibiu Etimo srd. Traduzioni Francese pépiement, plainte, pleurnicherie Inglese peeping, whining Spagnolo pío pío, gemido, lamento Italiano pigolìo, laménto, piagnucolìo, lamentazióne, querimònia Tedesco Gepiepe, Gewimmer, Gejammer, Jammern, Wehklage.

teróju , nm: tológiu, tolozu, torógiu, torógliu, toroju, torou, torozu Definizione boghes a meda, a s'istremada, coment'e de lamentu, de dolore, de dannu mannu, de prantu, ma fintzes de murrúngiu sighiu; dolore, dispraxere mannu Sinonimi e contrari coroju, murrunzu, órulu, tórulu, túnchiu / addorojamentu, addoroju, piantu, tormentu Frasi bi est su teroju in domo issoro, no bi at manera de los assussegare ca a su fizu li ghetant sa morte de unu ◊ ohi cun ite tológiu mi che andho!…◊ si pesant a toroju corrighinendhe che boes feridos ◊ ti ant piantu a toroju ◊ si est isfatu in torojos de prantu ◊ at comintzadu a torojos, ohi sa bentre! ohi sa bentre! ◊ a torozu aviant prantu 2. betàdeli a manigare a su porcu, ca est a toroju! ◊ frade tou est a toroju ca a domo sua no bi semus torrados Etimo srd. Traduzioni Francese déluge de larmes, pleurnicherie Inglese desperate crying Spagnolo llanto incontenible Italiano pianto dirótto, piagnistèo Tedesco heftiges Weinen.

«« Cerca di nuovo