Ditzionàriu in línia
de sa limba e de sa cultura sarda

assachitadúra , nf Definizione su assachitai, iscutulada, móvia a cropu chi si faet camminandho Sinonimi e contrari assachitamentu, irghinitada, iscutinada, sachedhada, saidada Etimo srd. Traduzioni Francese secousse Inglese jerk Spagnolo sacudida Italiano sobbalzo Tedesco Sprung.

atídhidu , nm Definizione genia de movimentu a cropu, a iscutuladura, brínchidu mescamente comente faent is cuadhos, is lèperes, crabas e àteru / donai atídhidus Sinonimi e contrari brinchitu, sàdhidu, sàltidu Frasi est unu cuadhu chi no donat atídhidus ◊ ia donau un'atídhidu e nci fui intrada in s'àteru aposentu Etimo srd. Traduzioni Francese saut, bond Inglese jump, jerk Spagnolo bote, brinco Italiano sbalzo, salto Tedesco Sprung.

incannàda , nf Definizione genia de móvia chi si faet a cropu Sinonimi e contrari imbatu, infrusada, irfunada Modi di dire csn: fàghere una cosa, andhare a incannadas = a sàrtidus, a brínchidus, a corpus, a impéllidas; leare s'i. = pigai su bólidu, cúrriri unu pagu po pòdiri sartai de prus, leare s'issédhidu Etimo srd. Traduzioni Francese bond, élan Inglese jerk, rush, run-up Spagnolo salto Italiano slàncio, sbalzo, rincórsa Tedesco Anlauf.

sadhíe , vrb rfl: sadhire, sadhiri Definizione trèmere paris, su si trèmere totu, prus che àteru de assíchidu, ma fintzes fàere brínchidos Sinonimi e contrari acicai, apramare, asciuconare, assicare, atidhidai, ispramai, sidhire, tidhiricare, trèmere / atidhai, atidhidai, brincae, sadhiare, seghedhare Frasi sa caminera fit prena de fossos chi su carru faghiat sadhire sos biazadores ◊ fiant notítzias malas chi ndi fadiant sadhiri is mortus ◊ si est sadhiu pariat chi dh'iat puntu s'àrgia ◊ is tronus e lampus mi faiant sadhiri paris ◊ cudha si est sadhia paris, a su tzérriu! 2. sa crapita si est posta a cúrrere, cadredhosa, e nch'est sadhida a intro de un'àtera tanca Traduzioni Francese tressaillir, sursauter Inglese to jerk Spagnolo sobresaltarse Italiano sobbalzare, sussultare Tedesco zusammenzucken.

sidhàda , nf Definizione genia de brínchidu, de trémia, de iscutulada, móvia a cropu Sinonimi e contrari fritida, móida, sidhida, sidhimentu Frasi delírios mi ponent in su coro donandhe a s'ànima sidhadas de chelu Etimo srd. Traduzioni Francese rebondissement Inglese jerk Spagnolo salto, barquinazo Italiano sobbalzo Tedesco Sprung.

strempàda , nf: istrempiada*, strempara, strempiada, strempuada Definizione genia de cropu, de ispinta a cropu, a iscutulada forte Sinonimi e contrari ilgiarrada, imbudada, imperta, iscollizada, iltrutinada, sedatada, spintua Frasi chi dhi donat una strempada de màchina, àter'e che contravintzioni est!…◊ dh'ant pigau a stremparas de figu ◊ chi dha pigu, cussa molleta, ti ndi dòngiu una strempuada! ◊ pigu una cosa e ndi dhi ammollu una strempara Traduzioni Francese poussée Inglese jerk Spagnolo tirón, sacudida Italiano strattóne Tedesco heftiger Ruck.