Ditzionàriu in línia
de sa limba e de sa cultura sarda

assachitadúra , nf Definizione su assachitai, iscutulada, móvia a cropu chi si faet camminandho Sinonimi e contrari assachitamentu, irghinitada, iscutinada, sachedhada, saidada Etimo srd. Traduzioni Francese secousse Inglese jerk Spagnolo sacudida Italiano sobbalzo Tedesco Sprung.

assachitaméntu , nm Definizione su assachitai / a. de coru = timoria manna Sinonimi e contrari assachitadura, irghinitada, iscutinada, issúculu, sachedhada, saidada Frasi s'assachitamentu dhu fait su cuadhu, su carru ◊ custu no est unu ballu: est un'assachitamentu! ◊ s'ebba nostra caminaiat chena assachitamentu, pràtina (Q.Falchi) Etimo srd. Traduzioni Francese secouement Inglese shaking Spagnolo sacudida Italiano scotiménto Tedesco Stoßen.

assachítidu , nm Definizione móvia a cropu Sinonimi e contrari ghighinada, resacu, sachedhada, sachedhonzu, trémida Frasi intr'e un'assachítidu e una frenada, fiaus arribbaus a s'istatzioni Etimo srd. Traduzioni Francese secousse Inglese shake Spagnolo tumbo, sacudida Italiano scòssa, sobbalzo Tedesco Stoß, Sprung.

atapaméntu , nm Sinonimi e contrari atapadura Etimo srd. Traduzioni Francese claquement Inglese slamming Spagnolo sacudida Italiano sbattiménto Tedesco Schlagen.

ghighinàda , nf Definizione su ghighinare, su prugare; movimentu coment'e su chi si faet cun su chiliru prugandho Sinonimi e contrari mobinada 2. li est andhau dae bandha de palas a supra pro li dare una bella ghighinada ◊ apo dau una ghighinada a Pepeu chi si nche ischidat isprasumau Etimo srd. Traduzioni Francese secousse Inglese shake Spagnolo sacudida Italiano scòssa Tedesco Ruck.

irghinitàda , nf: irghitinada Definizione su irghitinare Sinonimi e contrari assachitadura, iscutinada, sachedhada, saidada Etimo srd. Traduzioni Francese secousse Inglese shake Spagnolo sacudida Italiano scòssa Tedesco Stoß.

ischitzinónzu , nm Definizione móvia forte a iscutuladura, a tzantzigadura Sinonimi e contrari irghitintzu, ischitzinatura, ischítzinu, iscutinadura Etimo srd. Traduzioni Francese secouement Inglese shaking Spagnolo sacudida Italiano scrollaménto Tedesco Schütteln.

iscotulàda , nf: iscutulada*, iscutzulada, scutulada Definizione su iscotulare; fintzes cropu de calecuna cosa Sinonimi e contrari assachitadura, ghirghidhada, irghinitada, iscutinada, sachedhada, saidada / cumerada 2. su burricu si pesat cun is duas cambas de segus e donat una grandu iscutulada ◊ a iscutzuladas de palita de tzidha, cudhu gatu si fit dadu bandhidu ◊ dona un'iscutulada a sa tialla ca est prena de pimpiralla de pani! Etimo srd. Traduzioni Francese secousse Inglese shake Spagnolo sacudida Italiano scòssa Tedesco Stoß, Erschütterung.

iscutinàda , nf: iscutzinada Definizione su iscutinare; cropu chi si giaet iscutulandho Sinonimi e contrari assachitadura, ghirghidhada, irghinitada, sachedhada, saidada, scutuladura / cdh. trinicata Frasi mi at aggarrau a sos pilos e mi dat un'iscutzinada (A.G.Solinas)◊ dae un’iscutinada a sa tiaza ca bi at parfaruza! Etimo srd. Traduzioni Francese secousse Inglese shake Spagnolo sacudida Italiano scòssa, scrollata Tedesco Schlag, Schütteln.

módia , nf: mófida, mófita, móghia, móghida, móida, móvida Definizione su mòvere, su si mòvere unu pagu; su cumenciare unu viàgiu (nau de bestiàmene, essire o portare a pàschere); fintzes abbrítiu, abbilidade de si pònnere a fàere cosa / min. moidedha Sinonimi e contrari fracadura, fritida, irmóvia, mofitia, sidhida / acínnidu, ammiada, movitada / tucada | ctr. firmada Frasi mi ballant in sas venas sas módias de sos pilos tuos ◊ agatat sa móvida giusta de is manus parit nàsciu imparau ◊ sa zòvana edade est un'iscaza de sa bida chi nche bolat impresse coment'e una móghia de chizos (G.Piga)◊ mellus a si sètzi e a fai su tontu, certas bortas, chi no a fai móvidas chi si faint pentí! ◊ cossumo su tempus ispetandhe una mófida de lavras dae una fotografia! 2. sos ciclistas a sas tres pretzisas si presentant a sa móvida a sa carrela de sa posta 3. chi no fut de sa móvida de is fradis, issu no nd'iat bogau nudha (G.Mura) Etimo srd. Traduzioni Francese mouvement Inglese movement Spagnolo movimiento, sacudida Italiano mòssa, scrollata Tedesco Bewegung.

sachedhàda , nf Definizione su sachedhare; móvia a forte, a corpu Sinonimi e contrari acinnicada, assachítidu, ghirghidhada, irghinitada, iscollizada, iscutinada, saculada, saidada, saigada, scianchitu / cdh. trinicata Frasi custu postale andhat totu a sachedhadas ca s'istrada est totu a fossos Etimo srd. Traduzioni Francese ballottement, cahotage Inglese shake Spagnolo sacudida Italiano trabalzóne, scossóne, scrollata Tedesco heftiger Stoß, heftiger Ruck.

sachedhadúra , nf Definizione su sachedhare Sinonimi e contrari acinnicu, saculadura, sciaculamentu Frasi cantu est niedha sa mura, chi tinghet finas su pannu… sas bajanas de ocannu ballant a sachedhadura! ◊ si la leas a sachedhadura, cussa cosa la perdes in caminu Etimo srd. Traduzioni Francese secouement Inglese shaking Spagnolo sacudimiento, sacudida Italiano scuotiménto Tedesco Schütteln.

saidàda , nf Definizione su saidare; móvia forte a iscutuladura, de un'ala a s'àtera Sinonimi e contrari assachitadura, irghinitada, iscutinada, sachedhada, saculada, sainada, trémida / cdh. trinicata 2. su pudhu si daiat una saidadedha e si poniat a cúrrere ◊ bastat a dare una saidada a s'àrbure e ndhe ruent totu sos butios chi zughet sa foza de comente at próidu Etimo srd. Traduzioni Francese violente secousse Inglese jolt Spagnolo sacudida Italiano scossóne Tedesco heftiger Stoß, heftiger Ruck.

strempàda , nf: istrempiada*, strempara, strempiada, strempuada Definizione genia de cropu, de ispinta a cropu, a iscutulada forte Sinonimi e contrari ilgiarrada, imbudada, imperta, iscollizada, iltrutinada, sedatada, spintua Frasi chi dhi donat una strempada de màchina, àter'e che contravintzioni est!…◊ dh'ant pigau a stremparas de figu ◊ chi dha pigu, cussa molleta, ti ndi dòngiu una strempuada! ◊ pigu una cosa e ndi dhi ammollu una strempara Traduzioni Francese poussée Inglese jerk Spagnolo tirón, sacudida Italiano strattóne Tedesco heftiger Ruck.