afolfigàre , vrb Definizione nàrrere male de unu Sinonimi e contrari aferritai, aforticare 1, annegiai, slinguai, terraguzare Frasi già de l'intèndhere ndhe fia istracu, afolfighèndhemi su bighinadu cun sas sabunadoras in su lacu (G.Ruggiu) Etimo srd. Traduzioni Francese médire Inglese to talk behind Spagnolo hablar mal Italiano sparlare Tedesco schlecht reden.

allecàre , vrb: allegae, allegai, allegare Definizione foedhare bastat chi siat, foedhare de calecuna chistione, fintzes nàrrere / allegai a limba pérdia = in manera chi no si ndhe cumprendhet nudha Sinonimi e contrari arragionare, chiltionare, cuntrastare, faedhare, negossare | ctr. cagliare, citire Frasi cussu piciochedhu allegat su tedescu ◊ allegat bèni, sa sinniora! ◊ de custu soe allegandudendhe solu cun tui ◊ candho nos intendhiat alleghendhe in sardu, su mastru nos daiat tres atzotadas 2. su chi amus allegau mantènelu in su coro! Cognomi e Proverbi prb: chie est sàviu meda allegat pagu Traduzioni Francese discuter Inglese to argue, to talk Spagnolo hablar, discutir Italiano discórrere, argomentare Tedesco reden, argumentieren.

batallài, batallàre , vrb Definizione foedhare a meda, a boghe arta Sinonimi e contrari arrallai, bacagliare 1, batazare, batugliare, chistionai | ctr. cagliai, citire Frasi batallendi tra issus, tzérriant infogaraus ◊ fiat giai mesunoti, dhu pigat a batallai e si seus drommius a is duas de chitzi ◊ funt batallendi po su prétziu ◊ custus políticus batallant, batallant, ma no cumbinant nudha! Cognomi e Proverbi prb: su batallai meda fait sa dí pitica Traduzioni Francese discuter avec agitation Inglese to talk excitedly Spagnolo batallar, acalorarse Italiano discùtere concitataménte Tedesco zanken, wortwechseln.

chiltionàre , vrb: chistionai, chistionare, chistionari, cristionai, cristionare Definizione pigare o fàere unu chistionu, foedhare de calecunu argumentu Sinonimi e contrari allecare, arragionare, cuntrastare, faedhare, negossare Frasi atopa a domo cantu de chiltionare! ◊ innantis de leare sa detzisione si ndhe sunt chistionados ◊ gei si nd'eus a cristionai un'atra borta! ◊ is pipius teniant bregúngia a chistionari in sardu ◊ eus fatu mali a scuai de chistionai su sardu ◊ issu pudat, inferit e chistionat puru cun is matas! Etimo itl. quistionare Traduzioni Francese causer Inglese to talk Spagnolo conversar, discutir Italiano discórrere, conversare, discùtere Tedesco reden.

ciaciarài, ciaciaràre , vrb: ciaciarrai, ciaciarrare, tzantzarare Definizione istare a chistionu cracu ma cun pagu sustàntzia, foedhandho tanti po nàrrere calecuna cosa, po su gustu de foedhare Sinonimi e contrari argiolae, arrallai, badaciare, badulare, ciaramedhare, crallatai, friganzare, itzarralai, paraletare, prillissai | ctr. cagliare, citire Frasi fiant ciaciarrendi, chistionendi de su tempus, de sa genti e de tantis atras cosas ◊ no ciaciarrànt prus a fuedhus ma cun làgrimas chi calànt in is trempas che funtanedhas de arriu ◊ los aimis bidos in piata ciaciarrendhe cun àtere Etimo spn. chacharear Traduzioni Francese bavarder, babiller Inglese to talk in low voice Spagnolo chacharear Italiano parlottare Tedesco tuscheln.

ciavanàre , vrb Definizione istare a chistionu cracu ma cun pagu sustàntzia, foedhandho tanti po nàrrere calecuna cosa, po su gustu de foedhare Sinonimi e contrari arrallai, badaciare, badulare, ciaciarai, ciaramedhare, friganzare, itzarralai, labredhiare, paraletare, prafatai, prillissai | ctr. cagliare, citire Frasi s'intendhet zente ciavanendhe ◊ fit totu s'ora ciavanendhe de isse etotu ◊ sa domo fit piena de zente, ciavanendhe e riendhe Traduzioni Francese bavarder Inglese to talk (idly) Spagnolo charlar Italiano chiacchierare Tedesco plaudern.

frofoài, frofroài, frofrobài, frofrolài , vrb Definizione si narat de sa moida chi faent s'abba e mescamente cosas cagiadas coendho candho ndhe faent essire coment’e bubburucas de vapore; in cobertantza, su istare a chistionedhu agiummai a iscúsiu / frofrobai cun sa fantasia = cúrrere cun s'immazinassione, cun su pessamentu Sinonimi e contrari abbrubudhai, chischisiai, ischigliare, ischiglionare, iscusietare, mamughiare, pispisai, sbrufare, sbrufulai, strichidhai Frasi s'àcua est frofroendu 2. su dotori iat aprapau su pipiu frofrobendu fuedhus chi nisciunus cumprendiat ◊ ita seis frofrobendu asuta asuta: no fiaus de acórdiu cantu si depia giai? 3. dhis frofrobàt sa fantasia sena de riparu ◊ is arregordus frofrolant e ndi essint de is perevundus de sa memória Traduzioni Francese chuchoter, grommeler Inglese to talk in a low voice, to moan, to whisper Spagnolo cuchichear, refunfuñar Italiano bisbigliare, parlottare, mugugnare Tedesco murmeln.

illeriàre , vrb: illoriare Definizione nàrrere isciolórios, istare unu pagu a giogu in cunfiantza; fintzes foedhare meda, a tropu, po cosas de pagu contu Sinonimi e contrari astrologare, cregantae, ibentiare, illeredhiare, istralobbiare Etimo srd. Traduzioni Francese dire des bêtises Inglese to talk nonsense Spagnolo decir tonterías Italiano dire sciocchézze, scemènze, dilungarsi Tedesco Dummheiten reden.

iscantaràre , vrb: iscanterare Definizione foedhandho, su ch'essire fora de su chi si podet nàrrere cun seriedade o giudítziu, cun cabu, cantare a isambruliadura, a isciolóriu Sinonimi e contrari iscantonare Frasi bah, bah, bois puru, como, fatu a ómine mannu sezis iscantarendhe: dae conca bos benit a nàrrere cosas gai?!…◊ cantat tota note sa tonca e nos faghet cumpanzia, fintzas si nos iscàntarat sa conca Etimo srd. Traduzioni Francese dire des fadaises Inglese to talk nonsense Spagnolo tontear Italiano parlare sènza giudìzio, dire scipitézze Tedesco irrereden.

istralobbiàre , vrb: istrollobiare, istrolobbiare Definizione foedhare credendho a is astros, a intzertu, foedhare a s'afaiu, nàrrere istrolobbos, isciolórios Sinonimi e contrari astrolicare, illeriare, istroligare* Traduzioni Francese dire des fadeurs Inglese to talk nonsense Spagnolo tontear, decir tonterías Italiano dire scipitézze Tedesco Dummheiten reden.

negossàre , vrb: negossiare, negotziai Definizione abbarrare a chistionu, foedhandho de ccn. cosa, de importu o no Sinonimi e contrari allecare, arragionare, arralatai, chistionai, cuntrastare Frasi sedíebbos e negossiae chin socra e socru meu, ca nois semus antziandhe a monte! ◊ a isse l'at biu e negossiau paritzas bortas ◊ de cussas cosas mancu si ndhe negossiabat ◊ s'est postu a negossare chin sos bichinos 2. e ita nci negótziat a custas partis: cichendi po si fai sa braba? Etimo itl. negoziare Traduzioni Francese causer, converser Inglese to talk Spagnolo conversar Italiano conversare Tedesco sich unterhalten, reden, sprechen.

paraletàre , vrb: parletai, prallatai, preletare Definizione istare a paraleta, a chistionu meda, deasi fintzes chentza importu Sinonimi e contrari argiolae, arrallai, badaciare, badulare, ciaramedhare, friganzare, ispralletare, prillissai Frasi e ita chi dhu intendis prallatendu, a fillu tuu: fuedhat in dónnia linguatzu! ◊ za ti piaghet a istare paraletendhe! Etimo srd. Traduzioni Francese bavarder Inglese to talk in a low voice Spagnolo charlar Italiano parlottare, ciarlare Tedesco schwatzen.

scibudhàe, scibudhài , vrb Definizione essire irbentiadu, chentza fortzas, nàrrere isciolórios, immentigare is cosas Sinonimi e contrari iltasire / sciolloriai Frasi mi nci bollu andai, de innòi, prima de mi agabbai de scibudhai ◊ ses a ferionis o scibudhendidí?! Etimo srd. Traduzioni Francese dire des bêtises, retomber en enfance Inglese to talk nonsense, to go silly Spagnolo decir tonterías, abobarse Italiano dire sciocchézze, rimbambirsi Tedesco Unsinn reden, verblöden, verdummen.

sciolloriài , vrb: isciolloriai Definizione nàrrere o fàere isciolórios Sinonimi e contrari addrollare, astrologare, ibentiare, illeredhiare, istralobbiare, istralloriare, istorodhare, scassolai Frasi ti ses imbriagau e sciollórias puru! ◊ ciai dh'agatas s'ora de sciolloriai!…◊ de candu at pigau cuss'acollara in màchina at cumentzau a sciolloriai, no est prus sentzeru de conca Etimo srd. Traduzioni Francese dire des fadaises Inglese to daze, to talk nonsense Spagnolo abobar, decir tonterías Italiano rimbambire, dire scipitézze Tedesco verblöden, Unsinn reden.

trepedhàre , vrb Definizione foedhare a murrúngiu, chentza cabu, tanti po istare naendho Sinonimi e contrari ammusciare, arraunzare, ciaciarrai, ciaramedhare, paraletare, spaparotai, tricatare Frasi trepedhandhe li dat sa grassanera, sa massaja (S.Manconi)◊ ant cumintzau a trepedhare tra issos nandhe goi Etimo srd. Traduzioni Francese bougonner, babiller Inglese to talk idly Spagnolo cotorrear Italiano cianciare, borbottare Tedesco schwätzen.

tzarodhài , vrb: aciarollai*, tzorodhai, tzorodhare Definizione nàrrere o fàere is cosas a improdhu, betare is cosas a s'afaiu, chentza órdine, chentza critériu, fàere atzerodhos Sinonimi e contrari aciapuciae, aciorobedhare, acoredhai, afioncai, allarodhai, impiastai, improdhai, inciorodhare Traduzioni Francese parler à tort et à travers Inglese to talk nonsense Spagnolo embarullar, badajear Italiano fare o dire a vànvera, sènza critèrio Tedesco unüberlegt daherreden, aufs Geratewohl handeln.

«« Cerca di nuovo