Ditzionàriu in línia
de sa limba e de sa cultura sarda

bistentósu , agt Definizione chi si la leat a istentare, chi no tenet coidau Sinonimi e contrari cagallente, mandrone | ctr. coidosu Frasi animalatzu bistentosu, no ponet a mandhigare e cudha crebendhe de su fámine! Etimo srd. Traduzioni Francese paresseux, fainéant Inglese lazy Spagnolo perezoso Italiano pigro Tedesco faul.

chighinéri , agt: chijineri, chiniseri, chisineri Definizione chi istat sèmpere in su chinisu, acanta a su fogu, in sa forredha, chentza trebballare Sinonimi e contrari chinisaju, fochilarju, mandrone, praitzosu Frasi est che bídere in campu su leone cun batu chijineri e trisinadu Etimo srd. Traduzioni Francese paresseux Inglese lazy Spagnolo perezoso Italiano neghittóso Tedesco träge.

chinisàju, chinisàrzu , agt, nm: chisinarzu, chixinàgiu, chixinalzu, chixinarzu, chixinaxu, cinisàrgiu Definizione chi no faet àteru che istare sèmpere acanta a su fogu, in sa forredha; logu inue fúliant o ammuntonant su chinisu Sinonimi e contrari chighinarzu, chighineri, fochilarju, mandrone, praitzosu Terminologia scientifica ntl Etimo srd. Traduzioni Francese paresseux, indolent Inglese lazy Spagnolo perezoso Italiano neghittóso, poltróne Tedesco faul.

codiàlzu , agt: codiarzu Definizione nau de ccn., chi istat o abbarrat a códias, chi lassat istare (o faet male sa cosa) po mandronia o cricat de no ndhe fàere; chi portat códias, trassas Sinonimi e contrari coilongu, filísigu, ilvioladu, iscuidadu, mandronàciu, praitzosu / trasseri | ctr. apensamentau, penciamentosu 2. cussu est codialzu che unu matzone! Terminologia scientifica ntl Etimo srd. Traduzioni Francese fainéant Inglese slothful, shirker Spagnolo perezoso, holgazán Italiano neghittóso, scansafatiche, lavativo Tedesco faul.

filisigósu , agt: filosigosu Definizione chi abbarrat a su mighirimíghiri faendho is cosas, dhas faet cun tropu lentesa, coment'e chie no ndhe tenet gana Sinonimi e contrari adasiau, cagallente, cojanesu, fiacosu, fracómudu, frasselenu, immajonadu, prodhincu Terminologia scientifica ntl Etimo srd. Traduzioni Francese paresseux, lambin Inglese lazy, slowcoach Spagnolo perezoso, pachorrudo Italiano pigro, posapiano Tedesco faul.

ingurdósu , agt Definizione nau de ccn., chi istat o abbarrat sèmpere chentza fàere, ammandronau, chentza gana de fàere nudha Sinonimi e contrari arremàsigu, gudrebi / arreulau, cracaratzu, filísigu, mandronàciu, oreri, praitzosu Frasi est unu pagu ingurdosa, cracaratza: dhi praxit sa domu mundada, su pani fatu, ma abarrat sétzia totu sa dí Etimo srd. Traduzioni Francese fainéant, réticent Inglese slothful, reluctant Spagnolo perezoso Italiano infingardo, riluttante Tedesco träg, widerstrebend.

isandhalàdu , agt Definizione chi andhat o istat tropu abbellu faendho sa cosa Sinonimi e contrari cagallente, cojanesu, dasianu, immajonadu, présiru, trajanu | ctr. coidadosu, lestru Traduzioni Francese paresseux, lent Inglese lazy, slow Spagnolo perezoso, lento Italiano pigro, tardo, lènto Tedesco faul, träg, langsam.

mandronàciu, mandronàssu, mandronàtzu , agt, nm Definizione mandrone, ma nau cun arrennegu e a disprétziu Sinonimi e contrari arreulau, filísigu, oreri, praitzosu Frasi mandronatzu, dae manzanu a sero istat fuliadu chentza fàghere nudha! ◊ bai a trabballai, mandronàciu!◊ sos Sardos non los poto lissentziare ca mi rendhent a tres bortas de sos mandronatzos chi mi ant mandhadu! Etimo srd. ac Traduzioni Francese paresseux, fainéant Inglese lazy Spagnolo perezoso Italiano poltróne, accidióso, poltronésco Tedesco faul, müßig, träge, Faulpelz, Faulenzer.

mandròne, mandròni , agt, nm Definizione chi o chie tenet pagu gana de trebballare, chi no est amantiosu de su trebballu, chi dhu tirat a ingurru, chi no trebballat Sinonimi e contrari abbaredhau, chighineri, chinisaju, cojanesu, fochilarju, gradhiosu, mandruxu | ctr. faineri, marasadore, trabagliadore, trabagliante Modi di dire csn: su viazu de su m. = càrrigu tropu mannu, e po cussu istrobbosu o assentau mali, po sa mandronia de no pigai sa cosa in prus bortas; mandroni che cani = mandrone mannu, meda, a s'úrtimu etzessu Frasi si sas muntagnas fint de macarrones e ite vida sa de sos mandrones!…(G.Zicconi Tanchis)◊ chirca tribàgliu, mandrone, chi est sa menzus meighina! ◊ in cussa famíglia is fillus funt managus e mandronis, dh'ant pigau paura a trabballai in su sartu! ◊ mandronedhu est… si aiat ischidu chie at inventadu su tribàgliu l'aiat mortu!◊ custu fut unu piciochedhu mandroni e abbetiosu, no agiudàt mai a nemus Cognomi e Proverbi prb: su mandrone sa chijina si adorat Terminologia scientifica ntl Etimo srd. Traduzioni Francese paresseux, fainéant Inglese idle Spagnolo perezoso, poltrón Italiano poltróne Tedesco müßig, Müßiggänger, Taugenichts.

praitzósu , agt, nm: preiciosu, preitigosu, preitiosu, preissosu, preitosu, preitzosu, pretiosu 1, prisciosu, pritiosu Definizione chi o chie est pigau de sa preítzia e no bollet fàere nudha po abbitúdine o naturale suo Sinonimi e contrari arreulau, cracaratzu, filísigu, ingurdosu, mandronàciu, oreri / cdh. sdórriu, pritzosu | ctr. contipizosu, marasadore, trabagliante Frasi su preitzosu bollit puntu, no solingau! ◊ cussu preitosu istat in su pinnetu che gatu in sa chisina ◊ sos preitiosos sunt chensciosos cun totu ◊ ge at a fai un'acabbu cussu pritzosu arreulau!…◊ deo pro iscríere so prisciosu ◊ seo immidiosu ca medas bortas su preiciosu tenet siendha lumenada!◊ a sa pessona pritiosa no li aggradat a trivagliare Terminologia scientifica ntl Etimo srd. Traduzioni Francese paresseux, fainéant Inglese lazy Spagnolo perezoso Italiano pigro, pelandróne, neghittóso, accidióso Tedesco faul, träge, Nichtstuer.