Ditzionàriu in línia
de sa limba e de sa cultura sarda

alguzòne , nm: arguzone Definizione genia de bobboi niedhu, de duos millímetros, chi ponet sa cria in su trigu incungiau e dhu punghet, totu Sinonimi e contrari gruguglioni, ilguzone, orguloni, suzone Terminologia scientifica crp, calandra granaria Traduzioni Francese charançon Inglese wheat-weevil Spagnolo gorgojo Italiano punteruòlo del grano Tedesco Kornwurm.

arèste , nf: arista, erista, irista, rasta 1 Definizione braba de s'ispiga, su filighedhu longu, téteru, chi faet sa camisa de dónnia granu in s'ispiga de su trigu, de s'órgiu o de àtera erba deasi / min. aristixedha Sinonimi e contrari listra 1 Modi di dire csn: iscalaxiu che un'arista (nadu de unu)= finedhedhu, istrízile apunta a s'irzànghere; trigu aresti niedhu = calidade de trigu Terminologia scientifica rbr Etimo ltn. arista Traduzioni Francese arête, barbe d'épi Inglese arista Spagnolo arista Italiano rèsta, barba del grano Tedesco Granne.

bruvurínu , nm Definizione pruinedhu; genia de maladia, mufa niedha chi ponet a su trigu Sinonimi e contrari fodhebíssina, fogubíssimu, fungubíssimu, furcone, gurtizone Terminologia scientifica mld, Tilletia caries Etimo srd. Traduzioni Francese carie du blé Inglese rot Spagnolo carbón hediondo Italiano càrie del grano Tedesco Kornfäule.

carrucàre , vrb: carrugare Definizione portare a carruga, carrare o portare su trigu, su laore, a s'argiola po dhu treulare, a domo a dh'incungiare Sinonimi e contrari assedare, isseidare Frasi los bido carruchendhe in sas costeras cun sa màrghine a cúcuru ◊ bi cheriat su carru a carrugare trigu e lana ◊ carrucat a s'arzola sos mannucros de su tricu Etimo srd. Traduzioni Francese porter les graines à l'aire Inglese to carry grain to barnyard Spagnolo rebañar el trigo en la era Italiano portare il grano all'àia per la trebbiatura Tedesco den Weizen auf den Dreschplatz bringen.

cugudhàu , nm Definizione su cuguzadu, sa camisa o càscia de su trigu ancora in s'ispiga Sinonimi e contrari cuguzone, erenzu, iscuguza, scefa, scefabi Frasi su trigu fait sa palla de cugudhau ◊ sa paza est fata in fine, ma ancora su cugudhau est meda: moliae! ◊ su trigu si prugat po nd'iscerai su cugudhau chi est abarrau Terminologia scientifica rbr Etimo srd. Traduzioni Francese balle du blé Inglese husk Spagnolo cascabillo Italiano lòppa, pula del grano Tedesco Spreu.

cuguzòne , nm Definizione su cuguzadu, sa camisa o càscia de su trigu ancora in s'ispiga Sinonimi e contrari cugudhau, erenzu, scefa, scefabi Terminologia scientifica rbr Etimo ltn. cuculione(m) Traduzioni Francese balle du blé Inglese husk Spagnolo cascabillo Italiano lòppa del grano Tedesco Spreu.

grugugliòni, grugullòni , nm: gruguzone 1, gruguzoni, grulloni, gurgugione, gurgulloni Definizione babbaurru de trigu, bobboi pitichedhu, chi ponet in su trigu incungiau e dh'istampat, totu Sinonimi e contrari alguzone, ilguzone, orguloni, suzone / cdh. giulgudhoni Terminologia scientifica crp, calandra granaria Etimo ltn. gurgulione(m) Traduzioni Francese charançon, puceron Inglese weevil Spagnolo gorgojo, cuco Italiano punteruòlo del grano o calandra, gorgoglióne Tedesco Kornwurm, Kornkäfer, Kornkrebs.

gurtizòne , nm Definizione genia de maladia de su trigu, trigu mortu o tabbachinu Sinonimi e contrari bruvurinu, fogubíssimu, fungubíssimu Terminologia scientifica mld Traduzioni Francese nielle du blé Inglese wheat blight Spagnolo caries o tizón del trigo Italiano gólpe del grano Tedesco Steinbrand, Schmierbrand.

ingranidúra , nf Definizione su si fàere o essire matucu de su granu, su lompimentu, nau de is laores Sinonimi e contrari ingranimentu Frasi su trigu est friscu, a mesu ingranidura Etimo srd. Traduzioni Francese maturation du blé Inglese ripening Spagnolo maduración de cereales Italiano maturazióne del grano e sìmili Tedesco Reife.

martzólu , nm Definizione una calidade de trigu coinàrgiu Sinonimi e contrari martale Terminologia scientifica lrs, Triticum aestivum Etimo srd. Traduzioni Francese avrillet, blé tendre Inglese soft wheat Spagnolo trigo tierno Italiano grano tènero Tedesco Weichweizen.

nébida 1 , nf Definizione genia de mufa chi ponet a su trigu (in css. parte: fògia, cambu, ispiga) Sinonimi e contrari ruinu 1 Terminologia scientifica mld, Puccinia graminis Traduzioni Francese rouille du blé Inglese bunt Spagnolo roya negra, herrumbre Italiano rùggine del grano Tedesco Rost.

padennòste , nm: parinostu, pedrinostu, perdinnosti, pradennostre, prainnoste Definizione donniunu de is granos de una corona, de una cannaca / collana de prainnostes = zenia de prendha de coradhu Sinonimi e contrari babbunostru / aelmaria / nàcaru Frasi is didus allisant is parinostus, arrosariendi ◊ est unu pedrinostedhu pitiu pitiu ◊ essiat contendhe sos perdinnostis annoischidhados cun filu istramanadu ◊ minuda, ocannu, s'olia: paret pradennostres! Etimo itl. padrenostro Traduzioni Francese grain du chapelet Inglese rosary bead Spagnolo cuenta, grano Italiano grano del rosàrio Tedesco Rosenkranzperle.

ràsta 1 , nf: areste*, erista, reste 1, rista Definizione su filighedhu longu, téteru, arrasposu, chi faet sa terga o camisa de dónnia granu in s'ispiga de su trigu, de s'órgiu o erbas de cussa genia Sinonimi e contrari listra 1 Frasi sas ispigas s'ibboidaiant, bi restaiat solu sa reste e trigu no in logu ◊ su trídicu cheret ispozau de sa rasta ◊ giughet paza e rista dogni mannuju, s'annada bona s'ischit a s'incunza ◊ s'orzu si ghirghinzavat pro che li catzare sa rista Terminologia scientifica rbr Traduzioni Francese arête, barbe d'épi Inglese arista Spagnolo arista Italiano rèsta, barba del grano Tedesco Granne.

trícu , nm: trídicu, trídigu, trigu Definizione fortzis su prus connotu de is laores, genia de erba de tantas calidades chi faet una cannita fine arta agiummai de metro, fògia longa puntuda, e in punta bogat un'ispiga a tantas fileras de granos: su granu chi faet est su prus impreau po farra a pane e a macarrones (mescamente is calidades chi àrridant o Triticum durum): su foedhu po su granu est sèmpere unu upm, ma in su sensu de terra semenada/prena a trigu si narat pl. puru / in su fundhu de su trigu si distinghet: s'arraighina, sa canna, sa fògia, sa cabitza o ispiga; su trigu a erba podet èssere: puzonadu o afasciau, imbénnidu, lieru, metzanu, brujadu, abbruvurau, abbiveradu, anneuladu o fertu de népide, ispadonadu (bellu meda a erba ma cun s'ispiga aortitza po basca a tropu cabudàrgia); su trigu a granu podet èssere maduru, minudu, netu, brutu, suzonadu o tocau de bobbois; calidades de t.: (T. aestivum o trigu modhe) conca de mazu, cossu, majorca, mentanu; (T. turgidum ssp. durum o tostau) arrúbiu, biancale, biancu (a ispiga longa, areste bianca, a canna tuvuda), brotzu, canu, capelli (arestiniedhu, a canna tuvuda), cixiredhu (arestiniedhu, a canna prena), coa de atàlgiu, cuadhàriu (a ispiga longa e pilosa, a canna tuvuda), dandarone, longu, maresu, montrestinu, moro, moru niedhu (arestiniedhu, a canna tuvuda), murru, murru bàsciu (arestiniedhu, ispiga curtza, a canna prena), pitzu de caboru (a ispiga longa e arrubiasta), rasticanu, retore, sardaresu / àteras calidades de erba (o fintzes de laore): trigu ammustatzadu (Claviceps purpurea), trigu antigu o de frommiga (Aegilops geniculata), trigu farru (Triticum spelta), trigu grussu (Triticum turgidum), trigu órgiu (Hordeum vulgare var. distichum: serbit a fàere sa birra), trigu tabbacu (trigumortu); maladias de su trigu: Tilletia caries, Ustilago tritici Modi di dire csn: betare (o semenare), tzapitare, iserbare, messare, carrugare, triulare t.; sos trigos = sos campos semenados a trigu (ma fintzas calidades diferentes de t.); trigu in sàngia = modhe, ingranindhe ma ancora latelate; trigu in amori = sicau, cannemebi, in sa muta zusta pro ndhe lu messare; trigu tzegu = aurtidu, chi no at fatu ispiga; trigu mortu = nadu de su t. a erba, chi est fatu a carbone, a fungu písinu, anneuladu: si est nadu de su ranu triuladu, chi est aurtidu; trigu spabau = sicu de su bentu ’e sole; trigu dent'e cani = cun ispiga metzana, cun duas rigas ebbia de ranu; trigu brenti bianca = chi zughet sa mata de su ranu tropu bianca, metzana (candho su trigu est bonu est a brenti arrúbia); trigu próssimu = apunt'a ispighire; trigu moriscu = triguíndia, moriscu; ollu de trigu = s'ozu chi bogat su trigu, bonu pro sanare sa tzerra; fai in àcua su trigu = fàghere su trigu in abba, samunare su trigu pro lu maghinare; fàghere su trigu in sorfatu = ammodhigare su trigu in abba cun sorfatu de ràmine innantis de lu semenare; èssere cantu trigu farina (nadu de duos) = cantepare de fatas, assimbillaisí meda in dónnia cosa, in su naturali, in is capacidadis e in àteru; mandhigàresi su trigu a erva = godíresi una cosa innantis de su tempus (nadu mescamente pro fémina, faedhendhe de ómine cojendhe); andai a biri is trigus = (in suspu) mòrrere Frasi as semenadu trigu bonu in sa terra tua ◊ ainnui no faint pani de trigu dhu portint! ◊ a erva custu trigu est bellu ◊ fiat passendu in sa campagna in mesu de is trigus ◊ in santandria e nadale si sèmenant sos trigos ◊ su trigu maghinadu si cumpartit in bàtoro partes: bilinzone, chivarzu, chiu, podha ◊ innòi fuat annada de caristia, ma innia dhu'iat trigu meda ◊ ocannu est annada mala po is fàas, po is trigus e is àterus loris 2. no sunt unu menzus de s'àteru: sunt totos duos cantu trigu farina! (G.Ruju)◊ si ti cheriat bene no si aiat mandhigadu su trigu a erva! Cognomi e Proverbi prb: su trigu si ndi segat po sa conca e no po sa canna Terminologia scientifica lrs, Triticum aestivum, Triticum turgidum ssp. durum Etimo ltn. tridicum Traduzioni Francese blé, froment Inglese wheat Spagnolo trigo Italiano grano, fruménto Tedesco Weizen.

urgugiòne , nm: orguloni, urguglioni, urgulloni, urguzone Definizione bobboi piticu, niedhu, chi faet in su trigu incungiau Sinonimi e contrari alguzone, gruguglioni*, ilguzone, suzone Frasi s'urgulloni ponit in su trigu e in s'órgiu 2. cust'idea est un'urguzone chi li est rodendhe su chervedhu Terminologia scientifica crp, calandra granaria Traduzioni Francese charançon Inglese corn-weevil Spagnolo gorgojo Italiano punteruòlo del grano Tedesco Kornwurm.