Ditzionàriu in línia
de sa limba e de sa cultura sarda

alguzòne , nm: arguzone Definitzione genia de bobboi niedhu, de duos millímetros, chi ponet sa cria in su trigu incungiau e dhu punghet, totu Sinònimos e contràrios gruguglioni, ilguzone, orguloni, suzone Terminologia iscientìfica crp, calandra granaria Tradutziones Frantzesu charançon Ingresu wheat-weevil Ispagnolu gorgojo Italianu punteruòlo del grano Tedescu Kornwurm.

arèste , nf: arista, erista, irista, rasta 1 Definitzione braba de s'ispiga, su filighedhu longu, téteru, chi faet sa camisa de dónnia granu in s'ispiga de su trigu, de s'órgiu o de àtera erba deasi / min. aristixedha Sinònimos e contràrios listra 1 Maneras de nàrrere csn: iscalaxiu che un'arista (nadu de unu)= finedhedhu, istrízile apunta a s'irzànghere; trigu aresti niedhu = calidade de trigu Terminologia iscientìfica rbr Ètimu ltn. arista Tradutziones Frantzesu arête, barbe d'épi Ingresu arista Ispagnolu arista Italianu rèsta, barba del grano Tedescu Granne.

bruvurínu , nm Definitzione pruinedhu; genia de maladia, mufa niedha chi ponet a su trigu Sinònimos e contràrios fodhebíssina, fogubíssimu, fungubíssimu, furcone, gurtizone Terminologia iscientìfica mld, Tilletia caries Ètimu srd. Tradutziones Frantzesu carie du blé Ingresu rot Ispagnolu carbón hediondo Italianu càrie del grano Tedescu Kornfäule.

carrucàre , vrb: carrugare Definitzione portare a carruga, carrare o portare su trigu, su laore, a s'argiola po dhu treulare, a domo a dh'incungiare Sinònimos e contràrios assedare, isseidare Frases los bido carruchendhe in sas costeras cun sa màrghine a cúcuru ◊ bi cheriat su carru a carrugare trigu e lana ◊ carrucat a s'arzola sos mannucros de su tricu Ètimu srd. Tradutziones Frantzesu porter les graines à l'aire Ingresu to carry grain to barnyard Ispagnolu rebañar el trigo en la era Italianu portare il grano all'àia per la trebbiatura Tedescu den Weizen auf den Dreschplatz bringen.

cugudhàu , nm Definitzione su cuguzadu, sa camisa o càscia de su trigu ancora in s'ispiga Sinònimos e contràrios cuguzone, erenzu, iscuguza, scefa, scefabi Frases su trigu fait sa palla de cugudhau ◊ sa paza est fata in fine, ma ancora su cugudhau est meda: moliae! ◊ su trigu si prugat po nd'iscerai su cugudhau chi est abarrau Terminologia iscientìfica rbr Ètimu srd. Tradutziones Frantzesu balle du blé Ingresu husk Ispagnolu cascabillo Italianu lòppa, pula del grano Tedescu Spreu.

cuguzòne , nm Definitzione su cuguzadu, sa camisa o càscia de su trigu ancora in s'ispiga Sinònimos e contràrios cugudhau, erenzu, scefa, scefabi Terminologia iscientìfica rbr Ètimu ltn. cuculione(m) Tradutziones Frantzesu balle du blé Ingresu husk Ispagnolu cascabillo Italianu lòppa del grano Tedescu Spreu.

grugugliòni, grugullòni , nm: gruguzone 1, gruguzoni, grulloni, gurgugione, gurgulloni Definitzione babbaurru de trigu, bobboi pitichedhu, chi ponet in su trigu incungiau e dh'istampat, totu Sinònimos e contràrios alguzone, ilguzone, orguloni, suzone / cdh. giulgudhoni Terminologia iscientìfica crp, calandra granaria Ètimu ltn. gurgulione(m) Tradutziones Frantzesu charançon, puceron Ingresu weevil Ispagnolu gorgojo, cuco Italianu punteruòlo del grano o calandra, gorgoglióne Tedescu Kornwurm, Kornkäfer, Kornkrebs.

gurtizòne , nm Definitzione genia de maladia de su trigu, trigu mortu o tabbachinu Sinònimos e contràrios bruvurinu, fogubíssimu, fungubíssimu Terminologia iscientìfica mld Tradutziones Frantzesu nielle du blé Ingresu wheat blight Ispagnolu caries o tizón del trigo Italianu gólpe del grano Tedescu Steinbrand, Schmierbrand.

ingranidúra , nf Definitzione su si fàere o essire matucu de su granu, su lompimentu, nau de is laores Sinònimos e contràrios ingranimentu Frases su trigu est friscu, a mesu ingranidura Ètimu srd. Tradutziones Frantzesu maturation du blé Ingresu ripening Ispagnolu maduración de cereales Italianu maturazióne del grano e sìmili Tedescu Reife.

martzólu , nm Definitzione una calidade de trigu coinàrgiu Sinònimos e contràrios martale Terminologia iscientìfica lrs, Triticum aestivum Ètimu srd. Tradutziones Frantzesu avrillet, blé tendre Ingresu soft wheat Ispagnolu trigo tierno Italianu grano tènero Tedescu Weichweizen.

nébida 1 , nf Definitzione genia de mufa chi ponet a su trigu (in css. parte: fògia, cambu, ispiga) Sinònimos e contràrios ruinu 1 Terminologia iscientìfica mld, Puccinia graminis Tradutziones Frantzesu rouille du blé Ingresu bunt Ispagnolu roya negra, herrumbre Italianu rùggine del grano Tedescu Rost.

padennòste , nm: parinostu, pedrinostu, perdinnosti, pradennostre, prainnoste Definitzione donniunu de is granos de una corona, de una cannaca / collana de prainnostes = zenia de prendha de coradhu Sinònimos e contràrios babbunostru / aelmaria / nàcaru Frases is didus allisant is parinostus, arrosariendi ◊ est unu pedrinostedhu pitiu pitiu ◊ essiat contendhe sos perdinnostis annoischidhados cun filu istramanadu ◊ minuda, ocannu, s'olia: paret pradennostres! Ètimu itl. padrenostro Tradutziones Frantzesu grain du chapelet Ingresu rosary bead Ispagnolu cuenta, grano Italianu grano del rosàrio Tedescu Rosenkranzperle.

ràsta 1 , nf: areste*, erista, reste 1, rista Definitzione su filighedhu longu, téteru, arrasposu, chi faet sa terga o camisa de dónnia granu in s'ispiga de su trigu, de s'órgiu o erbas de cussa genia Sinònimos e contràrios listra 1 Frases sas ispigas s'ibboidaiant, bi restaiat solu sa reste e trigu no in logu ◊ su trídicu cheret ispozau de sa rasta ◊ giughet paza e rista dogni mannuju, s'annada bona s'ischit a s'incunza ◊ s'orzu si ghirghinzavat pro che li catzare sa rista Terminologia iscientìfica rbr Tradutziones Frantzesu arête, barbe d'épi Ingresu arista Ispagnolu arista Italianu rèsta, barba del grano Tedescu Granne.

trícu , nm: trídicu, trídigu, trigu Definitzione fortzis su prus connotu de is laores, genia de erba de tantas calidades chi faet una cannita fine arta agiummai de metro, fògia longa puntuda, e in punta bogat un'ispiga a tantas fileras de granos: su granu chi faet est su prus impreau po farra a pane e a macarrones (mescamente is calidades chi àrridant o Triticum durum): su foedhu po su granu est sèmpere unu upm, ma in su sensu de terra semenada/prena a trigu si narat pl. puru / in su fundhu de su trigu si distinghet: s'arraighina, sa canna, sa fògia, sa cabitza o ispiga; su trigu a erba podet èssere: puzonadu o afasciau, imbénnidu, lieru, metzanu, brujadu, abbruvurau, abbiveradu, anneuladu o fertu de népide, ispadonadu (bellu meda a erba ma cun s'ispiga aortitza po basca a tropu cabudàrgia); su trigu a granu podet èssere maduru, minudu, netu, brutu, suzonadu o tocau de bobbois; calidades de t.: (T. aestivum o trigu modhe) conca de mazu, cossu, majorca, mentanu; (T. turgidum ssp. durum o tostau) arrúbiu, biancale, biancu (a ispiga longa, areste bianca, a canna tuvuda), brotzu, canu, capelli (arestiniedhu, a canna tuvuda), cixiredhu (arestiniedhu, a canna prena), coa de atàlgiu, cuadhàriu (a ispiga longa e pilosa, a canna tuvuda), dandarone, longu, maresu, montrestinu, moro, moru niedhu (arestiniedhu, a canna tuvuda), murru, murru bàsciu (arestiniedhu, ispiga curtza, a canna prena), pitzu de caboru (a ispiga longa e arrubiasta), rasticanu, retore, sardaresu / àteras calidades de erba (o fintzes de laore): trigu ammustatzadu (Claviceps purpurea), trigu antigu o de frommiga (Aegilops geniculata), trigu farru (Triticum spelta), trigu grussu (Triticum turgidum), trigu órgiu (Hordeum vulgare var. distichum: serbit a fàere sa birra), trigu tabbacu (trigumortu); maladias de su trigu: Tilletia caries, Ustilago tritici Maneras de nàrrere csn: betare (o semenare), tzapitare, iserbare, messare, carrugare, triulare t.; sos trigos = sos campos semenados a trigu (ma fintzas calidades diferentes de t.); trigu in sàngia = modhe, ingranindhe ma ancora latelate; trigu in amori = sicau, cannemebi, in sa muta zusta pro ndhe lu messare; trigu tzegu = aurtidu, chi no at fatu ispiga; trigu mortu = nadu de su t. a erba, chi est fatu a carbone, a fungu písinu, anneuladu: si est nadu de su ranu triuladu, chi est aurtidu; trigu spabau = sicu de su bentu ’e sole; trigu dent'e cani = cun ispiga metzana, cun duas rigas ebbia de ranu; trigu brenti bianca = chi zughet sa mata de su ranu tropu bianca, metzana (candho su trigu est bonu est a brenti arrúbia); trigu próssimu = apunt'a ispighire; trigu moriscu = triguíndia, moriscu; ollu de trigu = s'ozu chi bogat su trigu, bonu pro sanare sa tzerra; fai in àcua su trigu = fàghere su trigu in abba, samunare su trigu pro lu maghinare; fàghere su trigu in sorfatu = ammodhigare su trigu in abba cun sorfatu de ràmine innantis de lu semenare; èssere cantu trigu farina (nadu de duos) = cantepare de fatas, assimbillaisí meda in dónnia cosa, in su naturali, in is capacidadis e in àteru; mandhigàresi su trigu a erva = godíresi una cosa innantis de su tempus (nadu mescamente pro fémina, faedhendhe de ómine cojendhe); andai a biri is trigus = (in suspu) mòrrere Frases as semenadu trigu bonu in sa terra tua ◊ ainnui no faint pani de trigu dhu portint! ◊ a erva custu trigu est bellu ◊ fiat passendu in sa campagna in mesu de is trigus ◊ in santandria e nadale si sèmenant sos trigos ◊ su trigu maghinadu si cumpartit in bàtoro partes: bilinzone, chivarzu, chiu, podha ◊ innòi fuat annada de caristia, ma innia dhu'iat trigu meda ◊ ocannu est annada mala po is fàas, po is trigus e is àterus loris 2. no sunt unu menzus de s'àteru: sunt totos duos cantu trigu farina! (G.Ruju)◊ si ti cheriat bene no si aiat mandhigadu su trigu a erva! Sambenados e Provèrbios prb: su trigu si ndi segat po sa conca e no po sa canna Terminologia iscientìfica lrs, Triticum aestivum, Triticum turgidum ssp. durum Ètimu ltn. tridicum Tradutziones Frantzesu blé, froment Ingresu wheat Ispagnolu trigo Italianu grano, fruménto Tedescu Weizen.

urgugiòne , nm: orguloni, urguglioni, urgulloni, urguzone Definitzione bobboi piticu, niedhu, chi faet in su trigu incungiau Sinònimos e contràrios alguzone, gruguglioni*, ilguzone, suzone Frases s'urgulloni ponit in su trigu e in s'órgiu 2. cust'idea est un'urguzone chi li est rodendhe su chervedhu Terminologia iscientìfica crp, calandra granaria Tradutziones Frantzesu charançon Ingresu corn-weevil Ispagnolu gorgojo Italianu punteruòlo del grano Tedescu Kornwurm.