Legenda Abbreviazioni | Legenda Simboli

arrébiu , nm: arrépiu Definizione pagu pagu de tempus, de pàusu Sinonimi e contrari àchiu, arresetu, assébiu, impasada Frasi seus sempri in giru, sentz'e arrébiu ◊ no acatat arrépiu su coro tou ◊ fit a su anna anna e in domo sua non bi fachiat arrépiu ◊ semus chircandhe isperu chen'arrépiu Etimo srd. Traduzioni Francese arrêt, trêve Inglese rest, truce Spagnolo tregua, pausa Italiano sòsta, trégua Tedesco Halt, Rast.

arresétu , nm: resetu Definizione su arresetare, su istare asseliaos, in pàusu, in paghe Sinonimi e contrari apàsigu, arrébiu, arréulu 1, assébiu, assentu, assuermu, assussegu, firmada | ctr. matana, pistu Modi di dire csn: chentza arresetu = chentza si frimmare; avb.: istare (a) arresetu = abarrai firmu Frasi fit un'ora pista pista sentza tènnere arresetu!…◊ bi at zente chi andhat e benit sena arresetu ne a dedie e ne a denote ◊ sas feras ant agatadu pasu e arresetu in matas e majones 2. tempus faghet mi aiant cunfirmadu de s'arresetu de babbu tou inoghe 3. ajó, ista a arresetu, già l'isco chi ses forte! Etimo srd. Traduzioni Francese arrêt, calme Inglese stop, quiet Spagnolo descanso, tregua Italiano sòsta, quïète Tedesco Rast, Ruhepause.

arrèssa , nf Definizione su si firmare Sinonimi e contrari arressada, firmada, imbaru, ressu Modi di dire csn: fàghere s'a. = firmaisí; chen'a. = a sa sighida Frasi naràt "Sirvone! Sirvone!" immaginendhesilu unu contone, a s'arressa, mirèndhesi sa trata (G.Nuvoli) Etimo srd. Traduzioni Francese arrêt Inglese stop Spagnolo parada Italiano sòsta Tedesco Halt.

firmàda , nf: frimmada Definizione su si firmare; logu inue si dhue firmat Sinonimi e contrari acociada, arressada, arrigida, aturada, impasada, intratesa, repiada | ctr. módia, tucada Frasi o bois chi passades in sa bia, un'istante faghide sa firmada! 2. abboja a sa frimmada de su purma! ◊ bai a sa firmada de su postali e abeta a sorri tua! Traduzioni Francese arrêt Inglese stop Spagnolo parada Italiano fermata, sòsta Tedesco Halt, Halteplatz, Station.

impasàda , nf Definizione su impasare, su si firmare unu pagu de fàere ccn. cosa / bíere a un'impasada = bufare totu a una sulada Sinonimi e contrari firmada, pasada / arrébiu Frasi in s'arréjonu, Zuanne at fatu un'impasada, pessamentosu (Z.F.Pintore) Etimo srd. Traduzioni Francese arrêt, pause Inglese stop, pause Spagnolo parada, pausa Italiano sòsta, pàusa Tedesco Unterbrechung.

istúda , nf: istura Definizione su istudare, sa fine, sa firmada o acabbada de una cosa Sinonimi e contrari studamentu / acabbada, assébiu, pàsiu Modi di dire csn: no giai o no donai i. = no dare tempus, chèrrere chi si fetat puntu e mortu, ma fintzas no lassare asséliu, sighire chentza sessare, dare o no àchiu, tempus; chena i. = chentza si frimmare 2. tempus, chi mi benis avatu avatu tochendumí de ispina che meri malu, donamí pagu pagu istuda! ◊ s'àcua de s'udri miu límpia e crara donat consolu cun bonesa sentza istuda (F.Onnis)◊ s'ómini currit chena istuda avatu a siendas chena sensu (S.Mossa)◊ oi est cuíndixi diis chi no mi donat istura custu tussi! 3. no donat istura de si citiri, cussa! ◊ candu cummentzais no teneis istura: acabbedha de si abantai! Etimo srd. Traduzioni Francese arrêt, trêve Inglese rest Spagnolo alto, tregua Italiano sòsta, trégua Tedesco Halt, Pause.

tasída , nf Definizione su tasire Sinonimi e contrari firmada, pasada Etimo srd. Traduzioni Francese arrêt, pause Inglese break Spagnolo alto, descanso Italiano sòsta, interruzióne, sospensióne Tedesco Unterbrechung.

«« Cerca di nuovo