Ditzionàriu in línia
de sa limba e de sa cultura sarda

acaíre , vrb Definizione abbarrare citios, fàere citire, fàere abbarrare trancuillos, firmare de fàere ccn. cosa Sinonimi e contrari ammudai 1, ammudigare, ammudire, ammutessi, assamudare, assebiai, ismudulare / sensai | ctr. faedhare Frasi acaide cun basos sa pitzinna! (G.Raga) Traduzioni Francese taire, calmer, apaiser Inglese to quiet Spagnolo calmar, acallar Italiano chetare Tedesco schweigen, zum Schweigen bringen, beruhigen.

arresétu , nm: resetu Definizione su arresetare, su istare asseliaos, in pàusu, in paghe Sinonimi e contrari apàsigu, arrébiu, arréulu 1, assébiu, assentu, assuermu, assussegu, firmada | ctr. matana, pistu Modi di dire csn: chentza arresetu = chentza si frimmare; avb.: istare (a) arresetu = abarrai firmu Frasi fit un'ora pista pista sentza tènnere arresetu!…◊ bi at zente chi andhat e benit sena arresetu ne a dedie e ne a denote ◊ sas feras ant agatadu pasu e arresetu in matas e majones 2. tempus faghet mi aiant cunfirmadu de s'arresetu de babbu tou inoghe 3. ajó, ista a arresetu, già l'isco chi ses forte! Etimo srd. Traduzioni Francese arrêt, calme Inglese stop, quiet Spagnolo descanso, tregua Italiano sòsta, quïète Tedesco Rast, Ruhepause.

asseliàu , pps, agt Definizione de asseliare Sinonimi e contrari asselenau, asseriau, resetu, séliu, séntulu | ctr. avolotadu, bolluzadu 2. est una note frita ma asseliada Traduzioni Francese calme, tranquille Inglese be quiet Spagnolo tranquilo Italiano calmo, tranquillo Tedesco ruhig.

assentulàe, assentulàre , vrb: assetulare, sentilare Definizione abbarrare firmos, in assentu, in asséliu, pruschetotu nau cun arrennegu Sinonimi e contrari assantaigae, assebiai, asserenciai Frasi ista sériu, asséntuladi a un'oru! ◊ si ti assentulaias in domo faghias bene, cantu chi ses sèmpere in ziru! ◊ assentuladu chi sias, a un'oru! ◊ asséntula e no curras! ◊ non poto assentulare su sonnu ca su ganile non mi dat pasu ◊ assetuladi innoghe! Etimo srd. Traduzioni Francese se tenir coi Inglese to be quiet Spagnolo estar quieto Italiano star quièto Tedesco ruhig sein.

chétu , agt: achietu, chietu Definizione chi no si movet, chi istat firmu, chi no si giaet a fàere / abarrai chietu, abarrai a chietu Sinonimi e contrari assulenu, frimmu, séliu Frasi parat sas palas e s'istat chietu candho lu corpant ◊ mulleri mia, ti giuru chi abarru chietu, a póxiu a póxiu! ◊ ista chietu che pani ciuetu! ◊ istat chietu e apasigadu a un'ala in sa cama de austu Etimo itl. Traduzioni Francese tranquille, calme Inglese quiet Spagnolo quieto Italiano quièto Tedesco ruhig.

chietèsa , nf Definizione su èssere totu chietu, assentau, firmu Sinonimi e contrari assébiu Frasi su bilde de cussa tanca contra a sole lughet, cumbidendhe sos ojos chi si bi frimmant in chietesa ◊ fiat chietu ma de una chietesa chi fadiat a timiri Etimo srd. Traduzioni Francese calme, repos Inglese quiet Spagnolo tranquilidad, calma Italiano quïète Tedesco Ruhe.

pàsidu , agt: pàsinu 1, pàsiru, pàsitu, pàssidu 1 Definizione chi si movet abbellu, chentza brínchidos e ne iscutuladas, chi est a s'assentada faendho ccn. cosa, agiummai coment'e firmu; nau de una fortza, chi no est tropu forte, brandha Sinonimi e contrari assulenu, glianu, pianu 1, pràtinu, séliu Frasi sas àbbilas pàsidas chena trinnighinzu atraessant s'aera ◊ cadebai arratza de mari pàsidu, mancu si movit! ◊ pàsidu est su riu in logos paris ◊ su trenu curret prus pàsidu de su purma ◊ custu cadhu est pàsidu in s'andhare 2. diventadu ricu pàssidu, sa zente at comintzadu a dare cràculu a s'anticu massaju 3. sa pingiada ponidha a fogu pàsiru! ◊ custu pani est cotu a fogu tropu pàsiru Etimo srd. Traduzioni Francese paisible, placide, modéré Inglese quiet, moderate Spagnolo tranquilo, sosegado, moderado Italiano calmo, plàcido, moderato Tedesco ruhig, still, mäßig.

selénu 1 , agt: assulenu, serenu 1, silenu, solenu, suenu, sulenu, sullenu Definizione chi est in asséliu, in pàusu, trancuillu, chentza pentzamentos, chentza móvias a forte, chi faet allenu, abbellu Sinonimi e contrari chetu, glianu, pàghidu, pàsidu, pàsigu, pràtinu, séliu | ctr. càdriu, forte / orioladu, penciamentosu, pistichinzosu Modi di dire csn: pròere abba selena, a sulenu = abbighedha pàsida, paga ma sighida; silenu che abba fróchina = sériu sériu, pàsidu; andhare a passu selenu = abbellu, a passu pàsidu; còiri sullenu, a fogu sullenu = no tropu forte, chi no est cràdiu Frasi sulenos current sos rios sentza murmutare ◊ intro de s'adhe lentu repicat unu pitiolu, sinnu chertosu de vida selena ◊ andhat selenu ◊ mai t'incantit arriu sulenu! (D.Bernardini)◊ su mare est silenu e pranu che pratu de ozu de ulia ◊ seu ascurtendu s'acuedha suena suena currendu in is canabis 2. pioet a sulenu a sulenu ◊ est niendhe a sulenu ◊ deris tota sa note at sighidu dae chelu a rúere selena una mudhina (G.M.Cherchi)◊ est un'abbighedha serena, ma ifundhet etotu ◊ càstia comenti Deus proit cun àcua solena solena… 3. unu sonnu dae chelu Atena li mandhat, a sulenu de tanta pena Cognomi e Proverbi prb: àcua suena suena, piscina prena Etimo srd. Traduzioni Francese calme, paisible, tranquille Inglese quiet Spagnolo tranquilo Italiano calmo, plàcido, tranquillo Tedesco ruhiger Mensch.

tranchiglidàde , nf: tranchillidade, trancuillidade, trancuillidadi Definizione su èssere trancuillos, in asséliu, chentza pentzamentos, in paghe Sinonimi e contrari abbaucu, assébiu, assussegu, paidhu, serenidade | ctr. oriolu Frasi as a sos tzegos sa vista torradu e a sos coros sa tranchiglidade ◊ totu est cambiadu, tranchiglidade e recreu! Traduzioni Francese tranquillité Inglese quiet Spagnolo tranquilidad Italiano tranquillità Tedesco Ruhe.