Legenda Incurtzaduras | Legenda Sìmbulos

acaíre , vrb Definitzione abbarrare citios, fàere citire, fàere abbarrare trancuillos, firmare de fàere ccn. cosa Sinònimos e contràrios ammudai 1, ammudigare, ammudire, ammutessi, assamudare, assebiai, ismudulare / sensai | ctr. faedhare Frases acaide cun basos sa pitzinna! (G.Raga) Tradutziones Frantzesu taire, calmer, apaiser Ingresu to quiet Ispagnolu calmar, acallar Italianu chetare Tedescu schweigen, zum Schweigen bringen, beruhigen.

arresétu , nm: resetu Definitzione su arresetare, su istare asseliaos, in pàusu, in paghe Sinònimos e contràrios apàsigu, arrébiu, arréulu 1, assébiu, assentu, assuermu, assussegu, firmada | ctr. matana, pistu Maneras de nàrrere csn: chentza arresetu = chentza si frimmare; avb.: istare (a) arresetu = abarrai firmu Frases fit un'ora pista pista sentza tènnere arresetu!…◊ bi at zente chi andhat e benit sena arresetu ne a dedie e ne a denote ◊ sas feras ant agatadu pasu e arresetu in matas e majones 2. tempus faghet mi aiant cunfirmadu de s'arresetu de babbu tou inoghe 3. ajó, ista a arresetu, già l'isco chi ses forte! Ètimu srd. Tradutziones Frantzesu arrêt, calme Ingresu stop, quiet Ispagnolu descanso, tregua Italianu sòsta, quïète Tedescu Rast, Ruhepause.

asseliàu , pps, agt Definitzione de asseliare Sinònimos e contràrios asselenau, asseriau, resetu, séliu, séntulu | ctr. avolotadu, bolluzadu 2. est una note frita ma asseliada Tradutziones Frantzesu calme, tranquille Ingresu be quiet Ispagnolu tranquilo Italianu calmo, tranquillo Tedescu ruhig.

assentulàe, assentulàre , vrb: assetulare, sentilare Definitzione abbarrare firmos, in assentu, in asséliu, pruschetotu nau cun arrennegu Sinònimos e contràrios assantaigae, assebiai, asserenciai Frases ista sériu, asséntuladi a un'oru! ◊ si ti assentulaias in domo faghias bene, cantu chi ses sèmpere in ziru! ◊ assentuladu chi sias, a un'oru! ◊ asséntula e no curras! ◊ non poto assentulare su sonnu ca su ganile non mi dat pasu ◊ assetuladi innoghe! Ètimu srd. Tradutziones Frantzesu se tenir coi Ingresu to be quiet Ispagnolu estar quieto Italianu star quièto Tedescu ruhig sein.

chétu , agt: achietu, chietu Definitzione chi no si movet, chi istat firmu, chi no si giaet a fàere / abarrai chietu, abarrai a chietu Sinònimos e contràrios assulenu, frimmu, séliu Frases parat sas palas e s'istat chietu candho lu corpant ◊ mulleri mia, ti giuru chi abarru chietu, a póxiu a póxiu! ◊ ista chietu che pani ciuetu! ◊ istat chietu e apasigadu a un'ala in sa cama de austu Ètimu itl. Tradutziones Frantzesu tranquille, calme Ingresu quiet Ispagnolu quieto Italianu quièto Tedescu ruhig.

chietèsa , nf Definitzione su èssere totu chietu, assentau, firmu Sinònimos e contràrios assébiu Frases su bilde de cussa tanca contra a sole lughet, cumbidendhe sos ojos chi si bi frimmant in chietesa ◊ fiat chietu ma de una chietesa chi fadiat a timiri Ètimu srd. Tradutziones Frantzesu calme, repos Ingresu quiet Ispagnolu tranquilidad, calma Italianu quïète Tedescu Ruhe.

pàsidu , agt: pàsinu 1, pàsiru, pàsitu, pàssidu 1 Definitzione chi si movet abbellu, chentza brínchidos e ne iscutuladas, chi est a s'assentada faendho ccn. cosa, agiummai coment'e firmu; nau de una fortza, chi no est tropu forte, brandha Sinònimos e contràrios assulenu, glianu, pianu 1, pràtinu, séliu Frases sas àbbilas pàsidas chena trinnighinzu atraessant s'aera ◊ cadebai arratza de mari pàsidu, mancu si movit! ◊ pàsidu est su riu in logos paris ◊ su trenu curret prus pàsidu de su purma ◊ custu cadhu est pàsidu in s'andhare 2. diventadu ricu pàssidu, sa zente at comintzadu a dare cràculu a s'anticu massaju 3. sa pingiada ponidha a fogu pàsiru! ◊ custu pani est cotu a fogu tropu pàsiru Ètimu srd. Tradutziones Frantzesu paisible, placide, modéré Ingresu quiet, moderate Ispagnolu tranquilo, sosegado, moderado Italianu calmo, plàcido, moderato Tedescu ruhig, still, mäßig.

selénu 1 , agt: assulenu, serenu 1, silenu, solenu, suenu, sulenu, sullenu Definitzione chi est in asséliu, in pàusu, trancuillu, chentza pentzamentos, chentza móvias a forte, chi faet allenu, abbellu Sinònimos e contràrios chetu, glianu, pàghidu, pàsidu, pàsigu, pràtinu, séliu | ctr. càdriu, forte / orioladu, penciamentosu, pistichinzosu Maneras de nàrrere csn: pròere abba selena, a sulenu = abbighedha pàsida, paga ma sighida; silenu che abba fróchina = sériu sériu, pàsidu; andhare a passu selenu = abbellu, a passu pàsidu; còiri sullenu, a fogu sullenu = no tropu forte, chi no est cràdiu Frases sulenos current sos rios sentza murmutare ◊ intro de s'adhe lentu repicat unu pitiolu, sinnu chertosu de vida selena ◊ andhat selenu ◊ mai t'incantit arriu sulenu! (D.Bernardini)◊ su mare est silenu e pranu che pratu de ozu de ulia ◊ seu ascurtendu s'acuedha suena suena currendu in is canabis 2. pioet a sulenu a sulenu ◊ est niendhe a sulenu ◊ deris tota sa note at sighidu dae chelu a rúere selena una mudhina (G.M.Cherchi)◊ est un'abbighedha serena, ma ifundhet etotu ◊ càstia comenti Deus proit cun àcua solena solena… 3. unu sonnu dae chelu Atena li mandhat, a sulenu de tanta pena Sambenados e Provèrbios prb: àcua suena suena, piscina prena Ètimu srd. Tradutziones Frantzesu calme, paisible, tranquille Ingresu quiet Ispagnolu tranquilo Italianu calmo, plàcido, tranquillo Tedescu ruhiger Mensch.

tranchiglidàde , nf: tranchillidade, trancuillidade, trancuillidadi Definitzione su èssere trancuillos, in asséliu, chentza pentzamentos, in paghe Sinònimos e contràrios abbaucu, assébiu, assussegu, paidhu, serenidade | ctr. oriolu Frases as a sos tzegos sa vista torradu e a sos coros sa tranchiglidade ◊ totu est cambiadu, tranchiglidade e recreu! Tradutziones Frantzesu tranquillité Ingresu quiet Ispagnolu tranquilidad Italianu tranquillità Tedescu Ruhe.

«« Torra a chircare