coramedhósu , agt Definizione nau de erba, chi est modhe, modhe che coromedhu Sinonimi e contrari gevi | ctr. tostadu Frasi custas funt bellas follas friscas e coramedhosas Etimo srd. Traduzioni Francese tendre, mou Inglese tender Spagnolo tierno Italiano tènero Tedesco weich.

corriciólu , nm: corrintolu, corrintzolu, corrinzolu, corritolu, corrunciolu, curretolu, currintzolu Definizione tega pitica, modhe, de fae, de pisu e cosas deasi, candho portat su granu piticu e si podet fintzes còere cun corgiolu e granu totu impare (es. fava a olla) Sinonimi e contrari basoledhu, corra, corrincione, corrischedhu, corrónciulu, faixedha Frasi sa fae che l'at sica in fiore e de corrintolu mancu ndhe at signaladu ◊ essis che fae frisca in corrintolu ma si bidet chi ses nasiniedha Etimo srd. Traduzioni Francese cosse de certaines légumineuses Inglese tender pod Spagnolo legumbre tierna Italiano baccèllo tènero delle leguminóse Tedesco weiche Hülse.

gève, gèvi , agt Definizione modhe, prus che àteru nau de erbas, ma in cobertantza (po cosa chi praghet) fintzes de gente Sinonimi e contrari coramedhosu, latucarzu, ledreledre, modhe | ctr. dolau 1, tostadu, tostu Frasi cussu est pascendu a fura e benemindi, e si betat peri a s'erba gevi! ◊ sa làtia, su fasolu, su cugúmburu funt gevis ◊ sa punta de su sarmentu est gevi 2. conc'a sa fossa, però, corpu de balla, dhi praxit sa cosa gevi! ◊ is pipius pitichedhedhus funt gevis gevis Traduzioni Francese tendre Inglese tender Spagnolo tierno Italiano tènero Tedesco weich, zärtlich.

ledrelèdre , agt, avb: lerdelerde Definizione (si narat fintzes chentza repitia) chi est modhe coment'e gheladina, modhe modhe chi no faet a dhu pigare, nau fintzes coment'e avb. de una manera de fàere cun delicadesa e istima Sinonimi e contrari gevi, modhincu / lecheleche, plodhe Frasi custa cosa est ledreledre, no faghet mancu a la leare! ◊ li frobbo sa massidha colorida, ledre ledre, e li dao unu basitu, a sa criadura ◊ fint ómines bastantes, zughiant galu fortza fintzas si sos músculos fint benzendhe a èssere ledres 2. a s'incontru ispessadu, faedhemus gai ledre ledre, sos ojos a lughe intrea Traduzioni Francese tendre, tendrement, mou Inglese softish, tender (ly) Spagnolo blando, flojo, tierno, tiernamente Italiano mollìccio, semidènso, inconsistènte, tènero, teneraménte Tedesco weich.

martzólu , nm Definizione una calidade de trigu coinàrgiu Sinonimi e contrari martale Terminologia scientifica lrs, Triticum aestivum Etimo srd. Traduzioni Francese avrillet, blé tendre Inglese soft wheat Spagnolo trigo tierno Italiano grano tènero Tedesco Weichweizen.

mòdhe , agt, nm: modhi Definizione nau de cosa, chi si lassat mudare de forma, chi si lassat segare, alladiare, iscarrafiare, púnghere, o indrúchere cun facilidade, chi a dha tocare o a che dhi passare apitzu lassat calare a fundhu coment'e in cosa impastada cun abba meda; nau de gente, chi si lassat cumbínchere cun facilidade, chi càmbiat pàrrere o chi adduit a comente bolent is àteros, fintzes chi sentit luego su male o s'abbisóngiu de is àteros Sinonimi e contrari flúsciu, gevi, lenu, modhitzu / cdh., ttrs. modhu / ternurosu | ctr. téteru, tostadu / impregadu, rebelde Modi di dire csn: pane, casu, erba, linna, pedra, ferru modhe; ossu m. = dúrgalu, modhímene, itl. cartilàgine; modhi che sa spuma = modhe meda, modhe modhe; pònniri a modhi = tzacare, bestire o pònnere in mesu de s'abba pro ammodhigare (pro samunare, còghere, triballare menzus); una die modhe = una dí de àcua, proinosa; èssere de modhe = èssiri de àcua, chi fait, crescit, bivit in mesu de s'àcua (es. píbera de m.); cotu a m. = cotu ma no intostau (nau prus che àteru de s'ou candu abarrat abbisabbis); fàghere a modhe (nadu de su andhare de su corpus) = fai ladàmini modhi; portai cambas modhis = èssere timendho (o fintzes no aguantare pesu, pagu firmas, pagu seguras) Frasi cuss'impastu serbit modhe ca bi lu damus a pizu fine, a su muru ◊ po tui est modhi totu, fintzas su chi est tostau ◊ si no est cosa modhe no ndhe addéntigo ◊ a triballare in su modhe piaghet a totugantos ◊ sa sinnadorza o tarcu est pedra modhe ◊ in letu modhe si drommit male ◊ s’umbriagu portat is cambas modhis 2. si l'agatant modhe, a s'àteru, bi ndh'at chi si ndhe aprofitant puru ◊ lampu, za ses modhedhu si ti présiant a fàghere unu piaghere!…◊ abarreus calmus, ma mi potzu sei, ca portu is cambas modhis? 3. in su ribu, intro de modhe bi fint sas féminas labandhe ◊ comente fachies a labare intro de su ribu a pedes a modhe? ◊ cussu si che est tzacadu a modhe in sa funtana ◊ fit ifustu pariat chi l'aiant bestiu a modhe Cognomi e Proverbi smb: Modde Etimo ltn. mollis Traduzioni Francese mou, doux, malléable, moelleux, tendre, souple, indulgent, complaisant, soumis Inglese soft, compliant, pliable Spagnolo blando, dócil, sumiso Italiano mòlle, malleàbile, mòrbido, tènero, cedévole, condiscendènte, remissivo Tedesco weich, Weiche, nachgiebig, fügsam, gefügig.

ternurósu , agt Definizione nau de ccn., chi tenet o faet a bíere ternura Sinonimi e contrari amistantziosu, carosu, fatitarzu, tiernu Traduzioni Francese tendre Inglese tender Spagnolo tierno Italiano tènero, amoróso Tedesco zärtlich.

tiérnu , agt Definizione nau de sentidu, chi est carosu cun delicadesa Sinonimi e contrari afàbbile, afetuosu, amistantziosu, fatitarzu, mineri, ternurosu Frasi est una cantada imbentada intra dotori e malàdiu, oferta cun tiernu amori a sa sintzilla genti mia Etimo spn. Traduzioni Francese tendre Inglese soft Spagnolo tierno Italiano tènero Tedesco zärtlich.

«« Cerca di nuovo