abbàmbiu , agt Definizione pagu tirau, chi no est tirau Sinonimi e contrari lenu, sciagu | ctr. càdriu, crispu, tiradu Frasi custu filu est abbàmbiu: tiradhu a forti! Etimo srd. Traduzioni Francese lâche, desserré Inglese loose Spagnolo flojo Italiano allentato Tedesco gelockert.

abbrebesciàu , agt Definizione chi no tenet gana, fortza o capacidade de fàere cosa Sinonimi e contrari allacanadu, allechiau, allizadu, ammalmiadu, ammortiginau, arramàsidu, arréndhidu, isbriadu | ctr. spretu Frasi cussas piciocas funt totu abbrebesciadas Traduzioni Francese faible Inglese weak Spagnolo flojo Italiano fiacco, móscio Tedesco matt, schlaff.

acalamàu , pps, agt: acaramau Definizione de acalamai; chi no istat prantau, chentza fortza, fintzes chi at pérdiu unu pagu de presumu Sinonimi e contrari agliugliau, aggrogomau, allacanadu, allissiadu, allizadu, ammustiau, caugau, mústiu 2, pribissiu | ctr. chíbbalu, crispu Traduzioni Francese flasque Inglese flabby Spagnolo flojo Italiano flòscio Tedesco verwelkt, schlaff.

fiàcu , agt: flacu, fracu Definizione chi est a debbilesa, débbile mescamente de maladia Sinonimi e contrari débbile, flúsciu, istasidu, infrachiu, modhi | ctr. crispu, folte, téteru Modi di dire csn: èssiri f. de cerbedhu = conchivracu, mancai sa mellus dí de s'annu, a unu, èssere tocadu a conca; èssiri de memória flaca = chi s'irméntigat totu; rídere a fiacu = arriri poita is àterus funt arriendi, ma sentza cumprèndiri bèni ita dhus at fatus a arriri; ríere a fiacu = arriri ca is àterus funt arriendi ma sentza cumprèndiri poita Frasi seu fadiau fracu ◊ bandas fracu, solu in sa bia, e atruessas e imburchinas ◊ s'ifruentza che aiat leadu sos betzos piús fracos 2. ite pessone illusa e conchi fraca!…◊ si depit èssi acabbau de ammachiai, custu: est locu fracu ◊ sos de Foranu fint cussiderados unu pagu fracos de crevedhu Etimo ltn. flaccus Traduzioni Francese faible Inglese weak Spagnolo flojo, flaco Italiano fiacco, débole per malattia Tedesco schwach, kraftlos, geschwächt.

flúsciu , agt: frósciu, frúsciu 3 Definizione nau mescamente de erba, chi est coment'e sicandhosi, cédia, igragalada, pagu tètera (ma si narat fintzes de persona, mascuvémina)/ terra frúscia = de bonu farigu, isorta Sinonimi e contrari fiacu, lentu, lenu, modhe | ctr. chíbbalu, crispu, téteru 2. s'angionedha, candu m'intendit ghetendi burrúsciu, issa totu frúsciu acanta mi benit (R.Murgia Pani) Traduzioni Francese flasque, mou Inglese flabby Spagnolo flojo Italiano flòscio Tedesco schlaff.

inneudhàdu , agt Definizione irmeudhadu, chi no portat meudhu, no portat fortzas Sinonimi e contrari castigadu, débbile Traduzioni Francese sans moelle Inglese spineless Spagnolo flojo Italiano smidollato Tedesco kraftlos.

làschiu , agt: lascu, liascu Definizione nau de cosas, chi istant (postas o naschias) unu pagu atesu s'una de s'àtera; nau de cosa chi s'intrat o chi si acàpiat, chi no est sidhia, chi no est a istrintu, chi no est bene acapiada a forte; si narat fintzes de tempus, in su sensu de pagas bortas, atesu s'una de s'àtera Sinonimi e contrari càliu 1, rau, scallarxu | ctr. afissu, calcu, ilgiagadu, intipidu Modi di dire csn: trigu lascu = semenadu o nàschidu male, tropu pagu; vite lasca = chi si ch'est móida o chi no l'ant bene afissa Frasi zughet sas dentes lascas, sos pilos lascos ◊ custu trigu est semenadu a lascu o est lascu ca bi ndhe at pigadu pagu? ◊ carcos o làschios, sos filichedhos de s'erva s'ingrunant a sos ventos 2. prendhe a lascu: no afias ca mi dolet! ◊ fit in cherta de allegare chin calicunu e dimandhare de novas in sa bidha chi bidiat a lascu 3. nachi cudha poesia fit frutu de mentes lascas! Cognomi e Proverbi smb: Lascu Etimo ltn. *lascus Traduzioni Francese rare, clairsemé, lâche, desserré Inglese slackened, sparse, occasional Spagnolo ralo, flojo, laxo Italiano rado, allentato Tedesco licht, gelockert, selten.

ledrelèdre , agt, avb: lerdelerde Definizione (si narat fintzes chentza repitia) chi est modhe coment'e gheladina, modhe modhe chi no faet a dhu pigare, nau fintzes coment'e avb. de una manera de fàere cun delicadesa e istima Sinonimi e contrari gevi, modhincu / lecheleche, plodhe Frasi custa cosa est ledreledre, no faghet mancu a la leare! ◊ li frobbo sa massidha colorida, ledre ledre, e li dao unu basitu, a sa criadura ◊ fint ómines bastantes, zughiant galu fortza fintzas si sos músculos fint benzendhe a èssere ledres 2. a s'incontru ispessadu, faedhemus gai ledre ledre, sos ojos a lughe intrea Traduzioni Francese tendre, tendrement, mou Inglese softish, tender (ly) Spagnolo blando, flojo, tierno, tiernamente Italiano mollìccio, semidènso, inconsistènte, tènero, teneraménte Tedesco weich.

lénu , agt Definizione nau de fune o cosas deasi, chi no est bene tirada; nau de cosas de bufare, chi portant pagu àrculu; nau de sa manera de fàere o de nàrrere, chi si dhue ponet pagu fortza, pagu presse (nau de boghe, unu pagu bàscia, coment'e trista) Sinonimi e contrari abbàmbiu, brandhu, flúsciu, lentu | ctr. afissu, crispu, istrintu, tiradu / gàrrigu, folte Modi di dire csn: a lenu a lenu = abbellu abbellu; faedhare a lenu, a sa lena = a sa séria, chentza cúrrere, a su pasa pasa, chentza presse, nendhe sas peràulas chi s'intendhant bene; dàrendhe una crispa una lena = una borta dare su cuntentu e un'àtera pretènnere carchi cosa, dare unu bàntidu e una briga, lassare andhare carchi cosa e pretènnerendhe un'àtera; frades lenos = su sonnu; trídicu lenu = bíciu, aurtidu, anneuladu Frasi daghi s'imbustu ti at postu seju no ti dat impestu, lu portes istrintu o lenu (P.Pisurzi)◊ sas abbas lenas de abrile e maju ant batidu su sebe a cumprimentu (S.Murgia Niola) 2. custu est binu lenu, cosa de féminas! 3. de sos ammentos lenos ndhe lis benit bisonzos de atarzu! ◊ s'intendhet lena lena una boghe pibiosa ◊ canto, ma su coro est tristu e sa boghe at a èssere lena ◊ Malocu, in Macumere ses mancante ca mi pares cantendhe lenu lenu! (M.Murenu)◊ crabas, arveghes, bacas a s'aviu giughent bentre lena ◊ lenu che su sonnu lis fit intratu in su contu ◊ prite, nara, consumindhe ti ses a frebba lena? ◊ is arrius iscurriant lenus lenus ◊ est faghindhe abbighedha lena 4. a lenu a lenu finas sos birgonzosos sigheint abberzendhe prima un'oju e pustis s'àteru puru abbaidendhe pitzocas ◊ faghimus una bella arrejonada a sa lena ◊ ant postu su corjolu de s'arantzu in sa cassarola ghetandhe mele e muricandhe a lenu a lenu Etimo ltn. *lenus po lenis Traduzioni Francese flasque, mou, faible Inglese weak, flaccid Spagnolo flojo, débil Italiano flòscio, fiacco, débole, sommésso Tedesco schlaff, schwach.

mudhióncu , agt Definizione chi est modhe modhe, chi no agguantat, nau fintzes de gente chi no padit, chi no est de agguantu Sinonimi e contrari brodhe, modhossu Etimo srd. Traduzioni Francese flasque, ramolli Inglese flabby Spagnolo flàccido, flojo Italiano flàccido, infrollito Tedesco schlaff.

sciàgu , agt Definizione nau de cosa acapiada o de acapióngiu, chi est largu, lentu, lascu: si narat fintzes de bestimentu, de trastu fatu in partes chi depent istare istrintas; nau de partes de sa carena (músculos), chi ant pérdiu sa capacidade de istare in tira, de fàere fortza, de istrínghere; nau de cosa posta, chi no est firma, chi est a su move move, pagu segura, in tàntaris; nau de persona, chi est isfacia, pedit tropu Sinonimi e contrari abbàmbiu, làschiu, lenu / amplu, lalgu | ctr. afissu, sizidu / segretu Modi di dire csn: èssiri culu s., s. in su fuedhai = culivala, lendharzu, chi contat totu, chi no muntenet segretu, pidànciu; simingioni s. = chi che li essit su late, chi no muntenet afissu; buca sciaga = buca manna, abberta meda; tènniri a ccn. a frenu sciagu = a su chi bollit fai, chentza disciplina Frasi chi no camminais in pinta, labai, dèu abarru pagu a istringi su crobu sciagu! (G.Cadeddu)◊ su carretonedhu portat is arrodas totu sciagas ◊ immoi ca seu làngiu portu s'anedhu sciagu 2. su bistiri chi ti apu fatu gei est sciagu: ti dhoi baghillas bèni ◊ is carradas de linna isbuidas in s'istadi funt sciagas po s'asciutori ◊ custus botinus funt sciagus Traduzioni Francese relâché Inglese loosened Spagnolo flojo Italiano allentato, atònico, flòscio Tedesco gelockert.

«« Cerca di nuovo