A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

misòne , nm: missone Definitzione genia de pane mannu, grussu, che a su civraxu campidanesu, ma de farra de órgiu; frammentu puru Sinònimos e contràrios chimisone* / bermisone, erminzone.

mísparra , avb Definitzione mi paret, deasi mi paret: si narat però cun ispalleria, a braga Sinònimos e contràrios abbisoca, abbisomeu, abbisu, naromeu, istimmei, stamega.

míssa mínsa

missàle, missàli , nm Definitzione su líbberu de totu is Missas de s'annu; coment'e paragone, líbberu mannu meda Maneras de nàrrere csn: su bremi de su m. = aundi sunt atacadas is fetas de su missali; iscúdere a m. = betare s'iscomíniga Frases cun passiéntzia ti ammentat totu che unu missale ◊ a isse no li tiant bastare missales de cantones! ◊ at abbertu bete libbru grussu cantu su missale Terminologia iscientìfica prdc Ètimu ltn.e missale Tradutziones Frantzesu missel Ingresu missal Ispagnolu misal Italianu messale Tedescu Missal (e), Meßbuch, Wälzer.

Missegnòra , nf Definitzione Nostra Segnora.

missegnòre, missennòri minsennòre

míssi , nm Definitzione su gatu; min. missitu Sinònimos e contràrios batu, macitu.

míssile , nm Definitzione màchina cun motore a coete, mescament'e po che bogare cosa e gente foras de sa Terra o fintzes màchina de gherra adata po che brillare unu càrrigu de bombas a distàntzia e puntu istabbilios.

missilísticu , agt Definitzione chi pertocat is míssiles.

missimpàri , nm Definitzione chie ponet a brigare s'unu cun s'àteru Sinònimos e contràrios afusadore, afuseri, mintapare, tragalleri Frases mi ant a narri ca seu cunfusioneri, imbodhieri e missimpari! Ètimu srd. Tradutziones Frantzesu médisant Ingresu murmurer Ispagnolu murmurador Italianu sussurróne Tedescu Zwietrachtstifter.

missinnànti, missinnàntis , avb Definitzione missu innantis, a sa parte de ananti, castiandho ainnanti / pònnere o leare a m. = a dainanti Sinònimos e contràrios addaenanti, ananti Frases mi apo postu s'animale a missinnantis e… toca! ◊ si parat su caminu missinnanti Ètimu srd.

missionàriu , nm Sinònimos e contràrios missioneri.

missiòne , nf: missioni Definitzione trebballu, faina e logu de su missioneri.

missiòne 1 masiòne

missionéri , nm Definitzione chie, prus che àteru cristianu, si pigat s'impreu de preigare s'Evangéliu de Cristos, istèrrere, fàere a connòschere o fintzes solu giare a bíere su cristianésimu a is àteros o in àteros logos Sinònimos e contràrios missionàriu, missionista Frases Bodale ch'est mortu missioneri in Cina.

missiòni missiòne

missionísta, missionístu , nm Sinònimos e contràrios missioneri Frases missionistas ci at beniu ocannu.

míssiri , vrb Definitzione totu is significaos de pònnere Sinònimos e contràrios intrae, míntere, pònnere Frases baratu costat, carestia missit! ◊ missimí linna po fai su fogu! ◊ gana bella dhi at míssiu in corpus!◊ a cussa mancu totu sa giustítzia dha missit in fiu! (B.M.Aresu) Ètimu srd.

missíssu , agt, nm Definitzione chi o chie est bonu a fàere bene is misciones, bonu a cumandhu Sinònimos e contràrios cumandhívile, cumandhíulu Frases est piciochedhu mississu po fae is cumandhos.

missítu macítu