A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mutizàre , vrb Definitzione cantare mutos Frases cantendhe tessimus sas oras, mutizendhe annodamus presorzos de amore (L.Masala). Ètimu srd.

mutonàxu muntonàgliu

mutòni muntòne

mutrecàrju mudecràrju

mutrechínu mudexínu

mutrécu mudéciu

mutría, mútria , nf Definitzione su istare o su si parare mudos; una de is maneras de istare de ànimu, candho alligros e candho tristos, candho de bona gana e candho de mala gana, candho deosi candho deasi, fintzes una genia de arrennegu Sinònimos e contràrios mudigore, mudímine, mutricore / mota, spétzia / afuta, arrennegu Maneras de nàrrere csn: de mútria mala, bona = de ispétzia mala, bona; tèniri o pigai m. = èssiri ammutriau, fai murrus grussus, èssere a murru bocau Frases sa mútria de su Sardu e de Sardigna mai si est fata ne si faghet oro! (P.Giudice Marras)◊ solu s'atítidu de sos rios segat sa mutria de sos montes ◊ dae sas alturas su cucu truncat sa mútria de sas badhes ◊ fint paris murghindhe, ma no faedhaiant: a su mudine de sas arveghes si acumpagnaiat sa mutria de totos duos 2. a cussizeris e assessores lis falaiat sa mútria: no aggradessiant cussu risu apalas issoro ◊ candho est de mútria mala murrunzat ◊ su binu los at postos de mútria bona ◊ si est rísidu e at postu de mútria bona finas a sos àteros ◊ sa fémina fut a mútria mala po su bisu chi iat fatu Ètimu itl. mùtria Tradutziones Frantzesu bouderie Ingresu sulkiness Ispagnolu talante, disposición de ánimo Italianu musonerìa Tedescu Kopfhängerei.

mutricàre , vrb Definitzione fàere citire, fàere chellare Sinònimos e contràrios assamudare Frases sa pompiata de sa mannedha at mutricatu sa pitzinna Ètimu srd.

mutricàu , pps, agt Definitzione de mutricare; citiu, nau cun tzacu po bòllere nàrrere a si citire Sinònimos e contràrios múdrigu, mudu 2. mutricau chi sias! ◊ batilosos, ello mutricaos a balla sezis, oje?!

mutricòne , agt, nm Definitzione chi o chie foedhat tropu pagu, chi est de pagas paràulas Sinònimos e contràrios muduleu, mudurcu, mutzurru Frases a tene tene chin beranos fughijolos sunt zocandhe sos disizos meos mutricones (G.Piga) Terminologia iscientìfica ntl Ètimu srd.

mutricòre , nm Definitzione su èssere totu mudu, su no s'intèndhere nudha, peruna cosa Sinònimos e contràrios mudigore, mudímine, mudine, mútria Ètimu srd. Tradutziones Frantzesu profond silence Ingresu dead silence Ispagnolu silencio absoluto Italianu silènzio profóndo, assoluto Tedescu Totenstille.

mútricu múdrigu

mutricúmene , nm Sinònimos e contràrios mudine, mutricore Ètimu srd.

mutriòne , agt, nm Definitzione nau de ccn., chi est de pagos foedhos e istat po su prus citiu; su istare meda citios Sinònimos e contràrios mudulone, mudigone / mudigore, mútria 2. si li atachesit unu mutrione chi no cuntrestaiat piús a niunu.

mutriósu , agt Definitzione nau de ccn., ammutriadu, chi acostumat a fàere murros grussos, a èssere primmau Ètimu srd.

mútriu múdrigu

mutrúche , agt Definitzione chi est de pagos foedhos, chi foedhat pagu Sinònimos e contràrios mudigone, mudulone, mudurcu Terminologia iscientìfica ntl.

mútu , nm Definitzione est una pesada de ses versos, tres de istérria, o isterrimentu, e tres de torrada o cobertantza: in is mutos populares sa torrada no atonat a s'istérria si no po sa rima (es. in su mont'e Gonare bi at una sirena chi cantat note e die… in su mont'e Gonare… prim'e lassare a mie lígami una cadena e betamiche in mare!) Sinònimos e contràrios cóbbula, crobba, divignu, pesada 1 Frases si fia cantadore za ponia unu mutu cantu de m'ispassare Ètimu itl. motto.

mútu 1 , nm, iscl Definitzione cosa chi si narat a boghe bàscia coment'e a murrúngiu; foedhu chi si narat a s'àteru po dhu fàere chellare (si narat fintzes in su sensu de Bastat, no si ndhe faedhat prus!) Sinònimos e contràrios irmúsciu, múschiu, tzúniu / ciaibbu!, múcicu!, múciu!, mudu! Frases no l'at essidu mancu mutu ◊ no mi cherzo da'ois fentomadu: guai si bos essit mancu mutu! 2. faghe goi e mutu! ◊ che l'agabbamus e mutu: assumancu, fatu, fatu! Tradutziones Frantzesu silence, taisez-vous! Ingresu shut up! Ispagnolu ¡silencio!, ¡mutis! Italianu silènzio! Tedescu still!, Ruhe!

mútu 2 múdu